14.83C Vancouver 14.83C VancouverNov 4, 2020 4:29 PM -
ਅਮਰੀਕਾ 'ਚ ਰਾਸ਼ਟਰਪਤੀ ਚੋਣਾਂ ਸੰਬੰਧੀ ਕੋਈ ਫਾਈਨਲ ਨਤੀਜਾ ਸਾਹਮਣੇ ਨਹੀਂ ਆਇਆ ਹੈ।
ਸਵੇਰ ਤੱਕ ਦੀ ਕਾਉਂਟਿੰਗ ਤੋਂ ਬਾਅਦ, ਇਲੈਕਟੋਰਲ ਕਾਲਿਜ 'ਚ ਜੋ ਬਾਈਡਨ ਦੀ ਗਿਣਤੀ 224 ਅਤੇ ਡੌਨਲਡ ਟ੍ਰੰਪ ਦੀ ਗਿਣਤੀ 213 ਦੱਸੀ ਗਈ ਹੈ।
ਇਸੇ ਦੌਰਾਨ ਟ੍ਰੰਪ ਨੇ ਆਖ ਦਿੱਤਾ ਹੈ ਕਿ ਉਹ ਸਾਰੀ ਵੋਟਿੰਗ ਨੂੰ ਰੋਕ ਦੇਣਾ ਚਾਹੁੰਦੇ ਹਨ।
ਉਨ੍ਹਾਂ ਕਿਹਾ ਕਿ ਅਜਿਹਾ ਕਰਨ ਲਈ ਉਹ ਸੁਪ੍ਰੀਮ ਕੋਰਟ ਵੀ ਜਾ ਸਕਦੇ ਹਨ।
ਬਾਈਡਨ ਦੇ ਕੈਂਪੇਨ ਮੈਨੇਜਰ, ਜੈਨ ਓ'ਮਾਲੇ ਨੇ ਟ੍ਰੰਪ ਦੇ ਬਿਆਨ ਨੂੰ ਬੇਹੱਦ ਗਲਤ ਦੱਸਿਆ ਹੈ।
ਬਾਈਡਨ ਨੇ ਲੋਕਾਂ ਦਾ ਧੰਨਵਾਦ ਕਰਦੇ ਹੋਏ ਭਰੋਸਾ ਰੱਖਣ ਨੂੰ ਕਿਹਾ ਹੈ।
ਯਾਦ ਰਹੇ ਅਮਰੀਕਾ 'ਚ ਫ਼ਿਲਹਾਲ ਸੈਂਕੜੇ-ਹਜ਼ਾਰਾਂ ਬੈਲੇਟਸ ਦੀ ਗਿਣਤੀ ਹੋਣਾ ਬਾਕੀ ਹੈ।
ਪੈਨਸਿਲਵੇਨੀਆ ਦੇ ਗਵਰਨਰ ਨੇ ਕਿਹਾ, "ਕਿਸੇ ਦਬਾਅ ਤੋਂ ਪ੍ਰਭਾਵਿਤ ਨਹੀਂ ਹੋਣਗੇ ਨਤੀਜੇ"
ਅਮਰੀਕਾ ਦੇ ਜਿਹੜੇ ਇਲਾਕਿਆਂ 'ਚ ਫ਼ਿਲਹਾਲ ਬਾਈਡਨ ਜਾਂ ਟ੍ਰੰਪ ਦੀ ਜਿੱਤ ਨੂੰ ਲੈਕੇ ਸਸਪੈਂਸ ਬਣਿਆ ਹੋਇਆ ਹੈ, ਉਸ 'ਚ ਪੈਨਸਿਲਵੇਨੀਆ ਦਾ ਨਾਮ ਵੀ ਸ਼ਾਮਿਲ ਹੈ।
ਪੈਨਸਿਲਵੇਨੀਆ ਦੇ ਗਵਰਨਰ, ਟੌਮ ਵੌਲਫ ਨੇ ਕੁਝ ਸਮਾਂ ਪਹਿਲਾਂ ਸਥਿਤੀ ਸਪਸ਼ਟ ਕਰਦਿਆਂ ਕਿਹਾ ਹੈ ਕਿ ਹਰ ਵੋਟ ਦੀ ਗਿਣਤੀ ਕੀਤੀ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਅੱਜ ਹੀ ਨਤੀਜਿਆਂ ਦਾ ਸਪਸ਼ਟ ਹੋਣਾ ਮੁਸ਼ਕਿਲ ਹੈ।
ਪਰ ਉਨ੍ਹਾਂ ਕਿਹਾ ਕਿ ਇਹ ਡੈਮੋਕਰੈਸੀ ਦਾ ਟੈਸਟ ਹੈ ਤੇ ਉਹ ਆਪਣੀ ਪੂਰੀ ਤਾਕਤ ਲਗਾ ਦੇਣਗੇ ਕਿ ਨਤੀਜੇ ਕਿਸੇ ਵੀ ਦਬਾਅ ਤੋਂ ਪ੍ਰਭਾਵਿਤ ਨਾ ਹੋਣ।
