22.18C Vancouver 22.18C VancouverSep 16, 2025 7:59 PM - Connect Newsroom
ਬੀ. ਸੀ. ਦੇ ਲੈਂਗਫੋਰਡ ਵਿਚ ਰਾਇਲ ਰੋਡਜ਼ ਯੂਨੀਵਰਸਿਟੀ ਦਾ ਨਵਾਂ ਜੌਨ ਹੌਰਗਨ ਕੈਂਪਸ ਅਧਿਕਾਰਤ ਤੌਰ 'ਤੇ ਖੁੱਲ੍ਹ ਗਿਆ ਹੈ, ਇਸ ਦਾ ਨਾਂ ਸੂਬੇ ਦੇ ਸਾਬਕਾ ਪ੍ਰੀਮੀਅਰ ਜੌਨ ਹੌਰਗਨ ਦੇ ਨਾਂ 'ਤੇ ਹੈ, ਜਿਨ੍ਹਾਂ ਦਾ ਨਵੰਬਰ 2024 ਵਿਚ ਦਿਹਾਂਤ ਹੋ ਗਿਆ ਸੀ। ਪ੍ਰੀਮੀਅਰ ਡੇਵਿਡ ਈਬੀ ਨੇ ਕਿਹਾ ਕਿ ਸਿੱਖਿਆ ਮੌਕਿਆਂ ਦੇ ਰਾਹ ਖੋਲ੍ਹਦੀ ਹੈ ਅਤੇ ਇਹ ਨਵਾਂ ਕੈਂਪਸ ਜੌਨ ਦੀ ਯਾਦਗਾਰੀ ਵਿਚ ਇੱਕ ਵੱਡੀ ਸ਼ਰਧਾਂਜਲੀ ਹੈ।
ਇਹ ਕੈਂਪਸ ਰਾਇਲ ਰੋਡਜ਼ ਯੂਨੀਵਰਸਿਟੀ, ਯੂਨੀਵਰਸਿਟੀ ਆਫ ਵਿਕਟੋਰੀਆ, ਕੈਮੋਸਨ ਕਾਲਜ, ਜਸਟਿਸ ਇੰਸਟੀਚਿਊਟ ਔਫ਼ ਬ੍ਰਿਟਿਸ਼ ਕੋਲੰਬੀਆ ਅਤੇ ਸੋਕ ਸਕੂਲ ਡਿਸਟ੍ਰਿਕਟ ਦਾ ਇੱਕ ਸਾਂਝਾ ਪ੍ਰੋਜੈਕਟ ਹੈ। ਸੂਬੇ ਦੀ ਇਨਫਰਾਸਟਕਰਚਰ ਮਿਨਿਸਟਰ ਬੋਵਿਨ ਮਾ ਨੇ ਕਿਹਾ ਕਿ ਲੈਂਗਫੋਰਡ ਦਾ ਨਵਾਂ ਜੌਨ ਹੌਰਗਨ ਕੈਂਪਸ- ਵੈਸਟਸ਼ੋਰ ਦੇ ਵਿਦਿਆਰਥੀਆਂ ਅਤੇ ਉਨ੍ਹਾਂ ਦੀਆਂ ਆਉਣ ਵਾਲੀਆਂ ਪੀੜੀਆਂ ਨੂੰ ਨਜ਼ਦੀਕ ਹੀ ਉੱਚ ਸਿੱਖਿਆ ਦਾ ਮੌਕਾ ਪ੍ਰਦਾਨ ਕਰੇਗਾ।
ਇਸ ਵਿਚ ਪੈਰਾਮੈਡਿਕ ਤੇ ਹੈਲਥ ਕੇਅਰ ਅਸੀਸਟੈਂਟ ਟ੍ਰੇਨਿੰਗ ਅਤੇ ਸ਼ੁਰੂਆਤੀ ਬਚਪਨ ਦੀ ਸਿੱਖਿਆ ਪ੍ਰੋਗਰਮਸ ਦੇ ਨਾਲ-ਨਾਲ ਹੋਰ ਕਈ ਪ੍ਰੋਗਰਾਮ ਮਿਲਣਗੇ, ਜਿਸ ਵਿਚ ਸੋਸ਼ਲ ਸਾਈਂਸ ਅਤੇ ਵਪਾਰ ਦੀ ਪੜ੍ਹਾਈਵੀ ਸ਼ਾਮਲ ਹਨ।
