17.15C Vancouver 17.15C VancouverFeb 13, 2020 2:45 AM -
ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਐਂਟੀ ਪਾਈਪਲਾਈਨ ਪ੍ਰਦਰਸ਼ਨਕਾਰੀ ਮੰਗਲਵਾਰ ਨੂੰ ਥਰੋਨ ਸਪੀਚ ਦੇ ਮੌਕੇ ਲੈਜਿਸਲੇਚਰ 'ਚ ਦਾਖਲੇ ਤੋਂ ਰੋਕ ਰਹੇ ਸਨ।
ਉਨ੍ਹਾਂ ਕਿਹਾ ਕਿ ਪ੍ਰਦਰਸ਼ਨਕਾਰੀਆਂ ਨੂੰ ਬਾਕੀਆਂ ਦੇ ਅਧਿਕਾਰਾਂ ਦਾ ਵੀ ਸਨਮਾਨ ਕਰਨਾ ਚਾਹੀਦਾ ਹੈ।
ਪ੍ਰੀਮਿਅਰ ਨੇ ਕਿਹਾ ਕਿ ਸ਼ਾਂਤਮਈ ਢੰਗ ਨਾਲ ਪ੍ਰਦਰਸ਼ਨ ਕਰਨੇ ਕਿਸੇ ਵੀ ਲੋਕਤੰਤਰ ਦਾ ਹਿੱਸਾ ਹੈ।
ਪਰ ਉਨ੍ਹਾਂ ਕਿਹਾ ਕਿ ਬਾਕੀਆਂ ਦੇ ਹੱਕਾਂ ਦੀ ਰਾਖੀ ਕਰਨਾ ਵੀ ਬੇਹਦ ਜ਼ਰੂਰੀ ਹੈ।
ਅੱਜ ਕੀਤੀ ਇੱਕ ਨਿਊਜ਼ ਕਾਨਫਰੰਸ ਦੌਰਾਨ ਹੌਰਗਨ ਨੇ ਇਹ ਗੱਲਬਾਤ ਕੀਤੀ।
ਹੌਰਗਨ ਨੇ ਇਹ ਵੀ ਕਿਹਾ ਕਿ ਉਨ੍ਹਾਂ ਆਪਣੀ ਮੰਗਲਵਾਰ ਦੀ ਮਿਲਣੀ ਇਸੇ ਕਾਰਨ ਰੱਦ ਕਰ ਦਿੱਤੀ ਸੀ, ਤਾਂ ਜੋ ਓਹ ਖੁਦ ਨੂੰ ਪੂਰੇ ਮਾਮਲੇ 'ਤੇ ਵਿਚਾਰ ਕਰਨ ਲਈ ਕੁਝ ਸਮਾਂ ਦੇ ਸਕਣ।
ਜਦ ਪ੍ਰੀਮਿਅਰ ਨੂੰ ਪੁੱਛਿਆ ਗਿਆ ਕਿ ਉਨ੍ਹਾਂ ਦੀ ਵਿੱਤੀ ਮਾਮਲਿਆਂ 'ਤੇ ਪ੍ਰਦਰਸ਼ਨਾਂ ਦੇ ਅਸਰ ਬਾਰੇ ਕੀ ਸੋਚ ਹੈ, ਤਾਂ ਹੌਰਗਨ ਨੇ ਕਿਹਾ ਕਿ ਬਾਕੀ ਲੋਕਾਂ ਨੂੰ ਆਪਣੇ ਕੰਮ ਆਜ਼ਾਦੀ ਨਾਲ ਕਰਨ ਦੇਣੇ ਚਾਹੀਦੇ ਹਨ।
