19.45C Vancouver 19.45C VancouverMay 26, 2020 9:31 PM -
ਬ੍ਰਿਟਿਸ਼ ਕੋਲੰਬੀਆ, ਮੈਨੀਟੋਬਾ ਅਤੇ ਯੂਕੌਨ ਦੇ ਪ੍ਰੀਮਿਅਰਜ਼ ਨੇ ਇੱਕ ਸਾਂਝਾ ਬਿਆਨ ਜਾਰੀ ਕੀਤਾ ਹੈ।
ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ, ਮੈਨੀਟੋਬਾ ਦੇ ਪ੍ਰੀਮਿਅਰ ਬ੍ਰਾਇਨ ਪੈਲਿਸਟਰ ਅਤੇ ਯੂਕੌਨ ਪ੍ਰੀਮਿਅਰ ਸੈਂਡੀ ਸਿਲਵਰ ਨੇ 'ਰਾਸ਼ਟਰੀ ਸਿੱਕ ਲੀਵ ਪ੍ਰੋਗਰਾਮ' (national sick leave program) ਦੇ ਸੰਬੰਧ 'ਚ ਸਹਿਯੋਗ ਜ਼ਾਹਿਰ ਕੀਤਾ ਹੈ।
ਉਨ੍ਹਾਂ ਕਿਹਾ, "ਸਾਨੂੰ ਖੁਸ਼ੀ ਹੈ ਕਿ ਫੈਡਰਲ ਸਰਕਾਰ, ਇੱਕ ਬਿਮਾਰੀ ਦੀ ਛੁੱਟੀ ਸੰਬੰਧੀ ਪ੍ਰੋਗਰਾਮ 'ਤੇ ਕੰਮ ਕਰ ਰਹੀ ਹੈ, ਜਿਸ ਦੇ ਨਾਲ ਲੋਕਾਂ ਅਤੇ ਵਪਾਰਾਂ ਨੂੰ ਸੁਰੱਖਿਅਤ ਰੱਖਿਆ ਜਾ ਸਕਦਾ ਹੈ।
ਅਸੀਂ ਇਸ ਉਪਰਾਲੇ ਦੇ ਨਾਲ ਅੱਗੇ ਵਧਣ ਲਈ ਸਹਿਮਤ ਹਾਂ।
ਵਿੱਤੀ ਗਤੀਵਿਧੀਆਂ ਦੀ ਦੁਬਾਰਾ ਸ਼ੁਰੂਆਤ ਮੌਕੇ ਬਿਮਾਰ ਹੋਣ 'ਤੇ ਤਨਖ਼ਾਹ ਦੇ ਹੱਕਦਾਰ ਹੋਣਾ ਇੱਕ ਅਹਿਮ ਕਦਮ ਹੋ ਸਕਦਾ ਹੈ।"
ਜਾਣਕਾਰੀ ਦਿੱਤੀ ਗਈ ਕਿ ਯੂਕੌਨ ਨੇ ਐਂਪਲਾਇਰਜ਼ (employers) ਦੇ ਲਈ ਪਹਿਲਾਂ ਹੀ 'ਪੇਡ ਸਿੱਕ ਲੀਵ ਪ੍ਰੋਗਰਾਮ' ਚਲਾ ਦਿੱਤਾ ਹੈ। ਸਾਂਝੇ ਬਿਆਨ 'ਚ ਦੱਸਿਆ ਗਿਆ ਕਿ ਹੁਣ ਰਾਸ਼ਟਰੀ ਪ੍ਰੋਗਰਾਮ ਪੁਖਤਾ ਕਰ ਸਕਦਾ ਹੈ ਕਿ ਬਿਮਾਰੀ ਦੀ ਹਾਲਤ ਵਿੱਚ ਵਰਕਰ ਘਰ ਰਹਿ ਸਕਦੇ ਹਨ ਅਤੇ ਉਨ੍ਹਾਂ ਨੂੰ ਆਪਣੇ ਬਿੱਲਾਂ ਸੰਬੰਧੀ ਫਿਕਰ ਕਰਨ ਦੀ ਲੋੜ ਨਹੀਂ ਹੋਵੇਗੀ।
ਉਨ੍ਹਾਂ ਕਿਹਾ ਕਿ ਇਸ ਦੇ ਨਾਲ ਲੋਕ ਵੀ ਵਪਾਰਾਂ ਤੱਕ ਪਹੁੰਚ ਕਰਦੇ ਹੋਏ ਸੁਰੱਖਿਅਤ ਮਹਿਸੂਸ ਕਰਨਗੇ।
ਉਨ੍ਹਾਂ ਕਿਹਾ, " ਅਸੀਂ ਪ੍ਰਧਾਨ ਮੰਤਰੀ ਨਾਲ ਮਿਲ ਕੇ ਇਸ 'ਤੇ ਕੰਮ ਕਰਦੇ ਰਹਾਂਗੇ, ਤਾਂ ਜੋ ਸਾਰੇ ਹੀ ਕਨੇਡੀਅਨਸ ਨੂੰ ਇਸ ਪੈਂਡੇਮਿਕ ਦਰਮਿਆਨ ਲੋੜ ਅਨੁਸਾਰ ਸੁਰੱਖਿਆ ਪ੍ਰਦਾਨ ਕੀਤੀ ਜਾ ਸਕੇ।
