14.8C Vancouver 14.8C VancouverSep 9, 2024 5:38 PM - The Canadian Press
ਐਲਬਰਟਾ ਦੇ ਕਾਊਟਸ ਬਾਰਡਰ ਨੇੜੇ ਦੋ ਸਾਲ ਪਹਿਲਾਂ ਕੋਵਿਡ ਪਾਬੰਦੀਆਂ ਖਿਲਾਫ ਹੋਏ ਪ੍ਰਦਰਸ਼ਨਾਂ ਦੇ ਮਾਮਲੇ ਵਿਚ ਦੋਸ਼ੀ ਠਹਿਰਾਏ ਗਏ ਦੋ ਪ੍ਰਦਰਸ਼ਨਕਾਰੀਆਂ ਨੂੰ ਅੱਜ ਸਜ਼ਾ ਮਿਲ ਸਕਦੀ ਹੈ। ਐਂਥਨੀ ਓਲੀਅਨਿਕ ਅਤੇ ਕ੍ਰਿਸ ਕਾਰਬਰਟ ਨੂੰ ਪਿਛਲੇ ਮਹੀਨੇ ਜਨਤਕ ਸ਼ਰਾਰਤ ਕਰਨ ਅਤੇ ਖਤਰਨਾਕ ਹਥਿਆਰ ਰੱਖਣ ਦੇ ਦੋਸ਼ ਵਿਚ ਦੋਸ਼ੀ ਠਹਿਰਾਇਆ ਗਿਆ ਸੀ।
ਇਸ ਦੇ ਨਾਲ ਹੀ ਓਲੀਅਨਿਕ ਨੂੰ ਪਾਈਪ ਬੰਬ ਰੱਖਣ ਲਈ ਦੋਸ਼ੀ ਠਹਿਰਾਇਆ ਗਿਆ ਸੀ। ਹਾਲਾਂਕਿ ਉਨ੍ਹਾਂ ਨੂੰ ਪੁਲਿਸ ਔਫੀਸਰਜ਼ ਦੇ ਕਤਲ ਦੀ ਸਾਜਿਸ਼ ਰਚਣ ਦਾ ਦੋਸ਼ੀ ਨਹੀਂ ਠਹਿਰਾਇਆ ਗਿਆ ਜੋ ਕਿ ਵੱਡਾ ਦੋਸ਼ ਸੀ।
ਇਸ ਪ੍ਰਦਰਸ਼ਨ ਕਾਰਨ ਕੈਨੇਡਾ ਅਤੇ ਅਮੈਰਿਕਾ ਦੀ ਸਰਹੱਦ ’ਤੇ ਕਾਫੀ ਦਿਨਾਂ ਤੱਕ ਵਪਾਰ ਬੰਦ ਰਿਹਾ। ਇੱਥੇ ਲੋਕਾਂ ਨੇ ਕੋਵਿਡ-19 ਅਤੇ ਵੈਕਸੀਨ ਲਗਵਾਉਣ ਦੇ ਵਿਰੋਧ ਵਿਚ ਪ੍ਰਦਰਸ਼ਨ ਕੀਤਾ ਸੀ। ਕਰਾਊਨ ਵਲੋਂ ਉਨ੍ਹਾਂ ਨੂੰ 9-9 ਸਾਲ ਦੀ ਸਜ਼ਾ ਦੇਣ ਦੀ ਅਪੀਲ ਕੀਤੀ ਗਈ ਸੀ।
