13.62C Vancouver 13.62C VancouverAug 9, 2022 10:54 PM - Connect News
ਕੈਮਲੂਪਸ ਵਿੱਚ ਸੈਕਸ਼ੂਅਲ ਇੰਟਰਫੇਰੈਂਸ ਸੰਬੰਧੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜਾਂਚ 'ਚ ਮਦਦ ਸੰਬੰਧੀ ਜਾਂ ਕਿਸੇ ਹੋਰ ਪ੍ਰਕਾਰ ਦੀ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
ਕੈਮਲੂਪਸ ਆਰ.ਸੀ.ਐਮ.ਪੀ. ਡਿਟੈਚਮੈਂਟ ਨੇ ਮਾਮਲੇ ਬਾਰੇ ਦੱਸਿਆ ਕਿ ਜਾਂਚ ਉਸ ਵੇਲੇ ਸ਼ੁਰੂ ਕੀਤੀ ਗਈ ਜਦ ਇੱਕ ਅੰਡਰਏਜ ਕਰਮਚਾਰੀ 'ਤੇ ਜਿਨਸੀ ਹਮਲਿਆਂ ਸੰਬੰਧੀ ਜਾਣਕਾਰੀ ਮਿਲੀ ਸੀ।
ਇਹ ਮਾਮਲੇ ਕਥਿਤ ਤੌਰ 'ਤੇ ਮਈ 'ਚ ਸ਼ੁਰੂ ਹੋਏ ਅਤੇ ਜੁਲਾਈ ਤਕ ਜਾਰੀ ਰਹੇ।
ਮਾਮਲਾ ਈਸਟ ਟ੍ਰਾਂਸ ਕੈਨੇਡਾ ਹਾਈਵੇਅ ਦੇ 2000 ਬਲੌਕ 'ਚ ਸਥਿਤ ਇੱਕ ਰਿਟੇਲ ਸਟੋਰ ਨਾਲ ਸੰਬੰਧਤ ਸੀ।
ਉਸ ਵੇਲੇ ਤੋਂ ਹੋਰ ਪੀੜਤਾਂ ਨੇ ਵੀ ਪੁਲਿਸ ਨਾਲ ਸੰਪਰਕ ਬਣਾਇਆ ਹੈ।
ਹਾਲਾਂਕਿ ਕੌਰਪੋਰਲ ਕ੍ਰਿਸਟਲ ਐਵਲਿਨ ਨੇ ਦੱਸਿਆ ਕਿ ਜਾਂਚ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਹੋਰ ਵੀ ਲੋਕਾਂ ਨੂੰ ਇਨ੍ਹਾਂ ਮਾਮਲਿਆਂ ਬਾਰੇ ਜਾਣਕਾਰੀ ਹੋ ਸਕਦੀ ਹੈ, ਜਿੰਨਾ ਫਿਲਹਾਲ ਪੁਲਿਸ ਨਾਲ ਸੰਪਰਕ ਨਹੀਂ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਜੇਕਰ ਕਿਸੇ ਨਾਲ ਕੁਝ ਗਲਤ ਵਾਪਰਿਆ ਹੈ ਜਾਂ ਕਿਸੇ ਬਾਰੇ ਜਾਣਕਾਰੀ ਹੈ ਤਾਂ ਉਹ ਜਰੂਰ ਦੱਸੋ ਕਿਉਂਕਿ ਇਸ ਮਾਮਲੇ 'ਚ ਵਧੇਰੇ ਜਾਣਕਾਰੀ ਲਾਭਦਾਇਕ ਸਿੱਧ ਹੋ ਸਕਦੀ ਹੈ।
ਉਨ੍ਹਾਂ ਦੱਸਿਆ ਕਿ ਸ਼ੱਕੀ ਨੂੰ ਬੀਤੇ ਹਫ਼ਤੇ ਗ੍ਰਿਫਤਾਰ ਕਰਨ ਤੋਂ ਬਾਅਦ ਕੁਝ ਸ਼ਰਤਾਂ 'ਤੇ ਰਿਹਾਅ ਕਰ ਦਿੱਤਾ ਗਿਆ ਸੀ।
ਕੈਮਲੂਪਸ ਆਰ.ਸੀ.ਐਮ.ਪੀ. ਨੇ ਫਿਲਹਾਲ ਸ਼ੱਕੀ ਦੀ ਪਛਾਣ ਸਾਂਝੀ ਨਹੀਂ ਕੀਤੀ ਹੈ।
