ਕਮਪਲੂਸ 'ਚ ਪੰਜਾਬੀ ਨੌਜਵਾਨ ਦੇ ਕਤਲ ਦਾ ਮਾਮਲਾ ਚਾਰ ਸਾਲ ਤੋਂ ਲਟਕਿਆ

ਕੈਮਲੂਪਸ ਵਿਚ ਕਤਲ ਕੀਤੇ ਗਏ 18 ਸਾਲਾ ਜਗਰਾਜ ਢੀਂਸਾ ਦੀ ਮੌਤ ਨੂੰ ਅੱਜ ਚਾਰ ਸਾਲ ਪੂਰੇ ਹੋ ਗਏ ਹਨ ਪਰ ਪੁਲਿਸ ਲਈ ਇਹ ਮਾਮਲਾ ਹੁਣ ਵੀ ਅਣਸੁਲਝਿਆ ਹੈ। 29 ਜਨਵਰੀ, 2022 ਨੂੰ ਜਗਰਾਜ ਦੀ ਮ੍ਰਿਤਕ ਦੇਹ ਕੈਮਲੂਪਸ ਵਿਚ ਚਿਲਕੋਟਿਨ ਰੋਡ 'ਤੇ ਸਥਿਤ ਇੱਕ ਪਾਰਕਿੰਗ ਲੋਟ ਵਿਚ ਮਿਲੀ ਸੀ।ਬੀ.ਸੀ. ਆਰ.ਸੀ.ਐਮ.ਪੀ. ਦੀ ਸਾਊਥ ਈਸਟ ਡਿਸਟ੍ਰਿਕ ਮੇਜਰ ਕ੍ਰਾਈਮ ਯੂਨਿਟ ਇਸ ਮਾਮਲੇ ਦੀ ਲਗਾਤਾਰ ਤਫਤੀਸ਼ ਕਰ ਰਹੀ ਹੈ।

ਪੁਲਿਸ ਨੇ ਇਸ ਨੂੰ ਇੱਕ ਸੋਚੀ-ਸਮਝੀ ਹਿੰਸਕ ਘਟਨਾ ਕਰਾਰ ਦਿੱਤਾ ਸੀ। ਸਟਾਫ਼ ਸਰਜੈਂਟ ਜੇਸਨ ਸਮਾਰਟ ਨੇ ਕਿਹਾ ਕਿ ਜਗਰਾਜ ਦੇ ਪਰਿਵਾਰ ਨੂੰ ਮਾਨਸਿਕ ਸ਼ਾਂਤੀ ਅਤੇ ਇਨਸਾਫ਼ ਦਿਵਾਉਣ ਲਈ ਇਸ ਕੇਸ ਦਾ ਹੱਲ ਹੋਣਾ ਬੇਹੱਦ ਲਾਜ਼ਮੀ ਹੈ। ਜਗਰਾਜ ਸਾ-ਹਾਲੀ ਸੈਕੰਡਰੀ ਸਕੂਲ ਵਿਚ 12ਵੀਂ ਦਾ ਸਟੂਡੈਂਟਸ ਸੀ।

ਉਸ ਦੇ ਪਰਿਵਾਰ ਨੂੰ ਇਨਸਾਫ ਦਿਵਾਉਣ ਅਤੇ ਦੋਸ਼ੀਆਂ ਨੂੰ ਕਾਨੂੰਨ ਦੇ ਘੇਰੇ ਵਿਚ ਲਿਆਉਣ ਲਈ ਜਾਂਚਕਰਤਾਵਾਂ ਨੇ ਇੱਕ ਵਾਰ ਫਿਰ ਲੋਕਾਂ ਨੂੰ ਸਹਿਯੋਗ ਦੀ ਅਪੀਲ ਕੀਤੀ ਹੈ ਕਿ ਜੇਕਰ ਕਿਸੇ ਕੋਲ ਵੀ ਜਗਰਾਜ ਢੀਂਸਾ ਦੀ ਮੌਤ ਨਾਲ ਸਬੰਧਤ ਕੋਈ ਜਾਣਕਾਰੀ ਹੈ, ਜਾਂ ਜਨਵਰੀ 2022 ਦੌਰਾਨ ਉਸ ਦੀਆਂ ਗਤੀਵਿਧੀਆਂ ਜਾਂ ਸੰਪਰਕ ਬਾਰੇ ਕੋਈ ਵੀ ਸੂਹ ਹੈ ਤਾਂ ਪੁਲਿਸ ਨਾਲ 1-877-987-8477 'ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਛੋਟੀ ਜਿਹੀ ਜਾਣਕਾਰੀ ਵੀ ਇਨਸਾਫ਼ ਦਿਵਾਉਣ ਵਿਚ ਵੱਡੀ ਭੂਮਿਕਾ ਨਿਭਾ ਸਕਦੀ ਹੈ।