20.7C Vancouver 20.7C VancouverSep 10, 2022 12:09 AM - The Canadian Press
ਕਵੀਨ ਐਲਿਜ਼ਾਬੈਥ ਦੇ ਦੇਹਾਂਤ ਤੋਂ ਬਾਅਦ 'ਕਿੰਗ ਚਾਰਲਸ ਦ ਥਰਡ' ਬ੍ਰਿਟੇਨ ਦੇ ਨਵੇਂ ਮੋਨਾਰਕ ਬਣ ਗਏ ਹਨ।
ਇਸ ਜਿੰਮੇਵਾਰੀ 'ਤੇ ਸਥਾਪਿਤ ਹੋਣ ਤੋਂ ਬਾਅਦ ਕਿੰਗ ਚਾਰਲਸ ਨੇ ਅੱਜ ਪਹਿਲੀ ਵਾਰ ਦੇਸ਼ ਨੂੰ ਸੰਬੋਧਤ ਕੀਤਾ ਹੈ।
ਕਿੰਗ ਚਾਰਲਸ ਨੇ ਅੱਜ ਕਿਹਾ ਕਿ ਉਹ ਸਹੁੰ ਚੁੱਕ ਰਹੇ ਹਨ ਕਿ ਉਨ੍ਹਾਂ ਕੋਲ ਜਿੰਨਾ ਵੀ ਬਾਕੀ ਬਚਿਆ ਸਮਾਂ ਹੈ, ਉਹ ਸੰਵਿਧਾਨ ਦੀ ਰੱਖਿਆ ਕਰਨਗੇ ਅਤੇ ਇਸ ਦਾ ਮਾਣ ਰੱਖਣਗੇ।
ਉਨ੍ਹਾਂ ਕਿਹਾ ਕਿ ਆਪਣੇ ਪੂਰੇ ਜੀਵਨ ਦੌਰਾਨ ਉਨ੍ਹਾਂ ਬਿਨਾ ਕਿਸੇ ਭੇਦਭਾਵ ਦੇ ਲੋਕਾਂ ਦਾ ਸਨਮਾਨ ਕੀਤਾ ਹੈ ਅਤੇ ਇਹ ਸਨਮਾਨ ਜਾਰੀ ਰਵੇਗਾ।
ਕਿੰਗ ਚਾਰਲਸ ਨੇ ਕਿਹਾ ਕਿ ਉਨ੍ਹਾਂ 'ਤੇ ਨਵੀਆਂ ਜਿੰਮੇਵਾਰੀਆਂ ਪੈ ਰਹੀਆਂ ਹਨ ਅਤੇ ਉਹ ਇਨ੍ਹਾਂ ਜਿੰਮੇਵਾਰੀਆਂ ਅਨੁਸਾਰ ਢਲਣ ਲਈ ਤਿਆਰ ਹਨ ਅਤੇ ਇਸ ਨਾਲ ਉਨ੍ਹਾਂ ਦਾ ਜੀਵਨ ਵੀ ਤਬਦੀਲ ਹੋਣ ਜਾ ਰਿਹਾ ਹੈ।
ਉਨ੍ਹਾਂ ਇਸ ਮੌਕੇ ਉਚੇਚੇ ਤੌਰ 'ਤੇ ਹੈਰੀ ਅਤੇ ਮੇਘਨ ਦਾ ਵੀ ਜਿਕਰ ਕੀਤਾ ਅਤੇ ਕਿਹਾ ਕਿ ਉਹ ਉਨ੍ਹਾਂ ਲਈ ਪਿਆਰ ਦਾ ਪ੍ਰਗਟਾਵਾ ਕਰਨਾ ਚਾਹੁੰਦੇ ਹਨ।
ਕਿੰਗ ਚਾਰਲਸ ਨੇ ਕਿਹਾ ਕਿ ਉਹ ਆਪਣੇ ਖੁਦ ਅਤੇ ਪੂਰੇ ਪਰਿਵਾਰ ਵੱਲੋਂ ਸੰਵੇਦਨਾਵਾਂ ਜਾਹਿਰ ਕਰਨ ਵਾਲੇ ਸਾਰੇ ਲੋਕਾਂ ਦਾ ਧੰਨਵਾਦ ਕਰਨਾ ਚਾਹੁੰਦੇ ਹਨ।
ਯਾਦ ਰਹੇ ਕਵੀਨ ਦੀ ਯਾਦ 'ਚ ਸੇਂਟ ਪੌਲਸ ਕਥੈਡਰਲ 'ਚ ਮੈਮੋਰੀਅਲ ਸਰਵਿਸ ਦਾ ਪ੍ਰਬੰਧ ਕੀਤਾ ਗਿਆ ਹੈ।
