ਬੀ.ਸੀ. ਹਾਈਵੇ ਪੈਟਰੋਲ ਨੇ ਲੈਂਬੋਰਗਿਨੀ ਦੇ ਡਰਾਈਵਰ ਨੂੰ ਨਿਯਮਾਂ ਦੀ ਉਲੰਘਣਾ ਲਈ ਲਾਇਆ ਭਾਰੀ ਜੁਰਮਾਨਾ

ਬੀ.ਸੀ. ਹਾਈਵੇ ਪੈਟਰੋਲ ਨੇ ਇੱਕ ਲੈਂਬੋਰਗਿਨੀ ਹੁਰਕਨ ਦੇ ਡਰਾਈਵਰ ਨੂੰ ਸਰਦੀਆਂ ਦੇ ਟਾਇਰ ਅਤੇ ਹੋਰ ਨਿਯਮਾਂ ਦੀ ਉਲੰਘਣਾ ਲਈ ਭਾਰੀ ਜੁਰਮਾਨਾ ਕੀਤਾ ਹੈ।

ਕਾਰਪੋਰਲ ਮਾਈਕਲ ਮੈਕਲਾਫਲਿਨ ਨੇ ਦੱਸਿਆ ਕਿ ਉੱਤਰੀ ਵੈਨਕੂਵਰ ਦੇ 34 ਸਾਲਾ ਡਰਾਈਵਰ ਨੂੰ $483 ਦਾ ਜੁਰਮਾਨਾ ਤੇਜ਼ ਰਫ਼ਤਾਰ ਲਈ, $121 ਸਰਦੀਆਂ ਦੇ ਟਾਇਰ ਨਾ ਹੋਣ ਲਈ ਅਤੇ $109 ਦਾ ਜੁਰਮਾਨਾ ਅੱਗੇ ਦੀ ਨੰਬਰ ਪਲੇਟ ਨਾ ਹੋਣ ਲਈ ਕੀਤਾ ਗਿਆ। ਉਸ ਦੀ ਗੱਡੀ ਵੀ ਸੱਤ ਦਿਨਾਂ ਲਈ ਜ਼ਬਤ ਕੀਤੀ ਗਈ ਅਤੇ ਡਰਾਈਵਰ ਨੂੰ ਉੱਚ-ਜੋਖਮ ਵਾਲੇ ਡਰਾਈਵਰ ਪ੍ਰੀਮੀਅਮ ਦਾ ਵੀ ਸਾਹਮਣਾ ਕਰਨਾ ਪਿਆ, ਜਿਸ ਨਾਲ ਉਸ ਦਾ ਜੁਰਮਾਨੇ ਵਜੋਂ ਕੁੱਲ ਖ਼ਰਚ ਘੱਟੋ-ਘੱਟ $2,500 ਤੱਕ ਪਹੁੰਚ ਸਕਦਾ ਹੈ।

ਮੈਕਲਾਫਲਿਨ ਨੇ ਕਿਹਾ ਕਿ ਸਾਰੇ ਡਰਾਈਵਰਾਂ ਲਈ ਬੀ.ਸੀ. ਦੀਆਂ ਜ਼ਿਆਦਾਤਰ ਸੜਕਾਂ 'ਤੇ 1 ਅਕਤੂਬਰ ਤੋਂ 31 ਮਾਰਚ ਤੱਕ winter tires ਲਾਜ਼ਮੀ ਹਨ। ਉਹਨਾਂ ਕਿਹਾ ਕਿ ਲੈਂਬੋਰਗਿਨੀ ਦੇ ਡਰਾਈਵਰ 'ਤੇ ਕਾਰਵਾਈ 13 ਅਕਤੂਬਰ ਨੂੰ Porteau Cove ਦੇ ਹਾਈਵੇ 99 'ਤੇ ਕੀਤੀ ਗਈ, ਬੀ. ਸੀ. ਹਾਈਵੇਅ ਪੈਟਰੋਲ ਦੀ ਮੋਟਰਸਾਈਕਲ ਯੂਨਿਟ ਦੇ ਅਧਿਕਾਰੀ ਨੇ ਉਸ ਨੂੰ 80 ਕਿਲੋਮੀਟਰ ਪ੍ਰਤੀ ਘੰਟਾ ਦੇ ਜ਼ੋਨ ਵਿਚ 165 ਦੀ ਸਪੀਡ ਵਿਚ ਦੇਖਿਆ ਸੀ।