21.68C Vancouver 21.68C VancouverNov 17, 2025 5:42 PM - Connect Newsroom - Jasmine Singh with files from The Canadian Press
ਲੈਂਗਲੀ ਵਿਚ ਸ਼ੁੱਕਰਵਾਰ ਸ਼ਾਮ ਨੂੰ ਐਬਟਸਫੋਰਡ ਪੁਲਿਸ ਦੇ ਇੱਕ ਔਫੀਸਰ ਦੀ ਗੱਡੀ ਨੂੰ ਇੱਕ ਪਿਕਅੱਪ ਟਰੱਕ ਨੇ ਟੱਕਰ ਮਾਰ ਦਿੱਤੀ। ਇਹ ਘਟਨਾ ਸ਼ਾਮ ਲਗਭਗ 7:20 ਵਜੇ ਲੈਂਗਲੀ ਦੇ 5200 ਬਲਾਕ ਦੀ 264 ਸਟ੍ਰੀਟ ਵਿਚ ਵਾਪਰੀ। ਲੋਕਲ ਪੁਲਿਸ ਇਸ ਮਾਮਲੇ ਵਿਚ ਗਵਾਹਾਂ ਅਤੇ ਡੈਸ਼ਕੈਸ ਫੁਟੇਜ ਦੀ ਤਲਾਸ਼ ਕਰ ਰਹੀ ਹੈ।
ਲੈਂਗਲੀ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਟੱਕਰ ਵਿਚ ਇੱਕ ਅਨਮਾਰਕਡ ਐਬਟਸਫੋਰਡ ਪੁਲਿਸ ਵਿਭਾਗ ਦਾ ਵਾਹਨ ਅਤੇ ਇੱਕ ਵ੍ਹਾਈਟ ਜੀ.ਐਮ.ਸੀ. ਕੈਨਿਯਨ ਪਿਕਅੱਪ ਟਰੱਕ ਸ਼ਾਮਲ ਸਨ। ਪਿਕਅੱਪ ਟਰੱਕ ਦੇ ਦੋਵੇਂ ਸਵਾਰ ਘਟਨਾ ਤੋਂ ਤੁਰੰਤ ਬਾਅਦ ਪੈਦਲ ਫਰਾਰ ਹੋ ਗਏ। ਪੁਲਿਸ ਉਨ੍ਹਾਂ ਨੂੰ ਲੱਭਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਕਾਰਪੋਰੇਸ਼ਨਲ ਬ੍ਰੇਟ ਯੂਰਾਨੋ ਨੇ ਦੱਸਿਆ ਕਿ ਐਬਟਸਫੋਰਡ ਪੁਲਿਸ ਦੇ ਅਧਿਕਾਰੀ ਨੂੰ ਹਲਕੀਆਂ ਸੱਟਾਂ ਲੱਗੀਆਂ ਸਨ ਅਤੇ ਉਸ ਨੂੰ ਹਸਪਤਾਲ ਵੀ ਲਿਜਾਇਆ ਗਿਆ, ਜਿੱਥੋਂ ਉਸ ਨੂੰ ਛੇਤੀ ਹੀ ਡਿਸਚਾਰਜ ਕਰ ਦਿੱਤਾ ਗਿਆ ਸੀ। ਲੈਂਗਲੀ ਆਰ.ਸੀ.ਐਮ.ਪੀ. ਇਸ ਜਾਂਚ ਦੀ ਅਗਵਾਈ ਕਰ ਰਹੀ ਹੈ ਅਤੇ ਉਸ ਨੇ ਪਬਲਿਕ ਨੂੰ ਇਸ ਮਾਮਲੇ ਵਿਚ ਸਹਾਇਤਾ ਲਈ ਅਪੀਲ ਕੀਤੀ ਹੈ।
