19.45C Vancouver 19.45C VancouverAug 18, 2020 11:15 PM -
ਵੁਆਵੇ ਦੀ ਐਗਜ਼ੀਕਿਊਟਿਵ ਮੰਗ ਵਾਂਜੋ ਦੀ ਨੁਮਾਇੰਦਗੀ ਕਰ ਰਹੇ ਵਕੀਲ ਅੱਜ ਬੀ.ਸੀ. ਸੁਪ੍ਰੀਮ ਕੋਰਟ 'ਚ ਹੋਰ ਦਸਤਾਵੇਜ਼ਾਂ ਦੇ ਖ਼ੁਲਾਸੇ ਦੀ ਮੰਗ ਚੁੱਕ ਰਹੇ ਹਨ, ਜੋ ਕਿ ਇਸ ਕੇਸ ਨਾਲ ਸੰਬੰਧਤ ਹਨ।
ਵਕੀਲਾਂ ਦਾ ਕਹਿਣਾ ਹੈ ਕਿ ਕੁਝ ਦਸਤਾਵੇਜ਼ ਮੰਗ ਵਾਂਜੋ ਦੀ ਵੈਨਕੂਵਰ ਹਵਾਈ ਅੱਡੇ 'ਤੇ ਦਿਸੰਬਰ 2018 'ਚ ਹਿਰਾਸਤ 'ਚ ਲਏ ਜਾਣ ਦੀ ਪ੍ਰੀਕ੍ਰਿਆ ਨਾਲ ਸੰਬੰਧਤ ਹਨ।
ਵਕੀਲਾਂ ਦਾ ਕਹਿਣਾ ਹੈ ਕਿ ਇਹ ਦਸਤਾਵੇਜ਼ ਗ੍ਰਿਫਤਾਰੀ ਮੌਕੇ ਉਨ੍ਹਾਂ ਦੇ ਹੱਕਾਂ ਦੀ ਉਲੰਘਣਾ ਹੋਣ ਦੇ ਮਾਮਲੇ 'ਤੇ ਚਾਨਣਾ ਪਾ ਸਕਦੇ ਹਨ।
ਯਾਦ ਰਹੇ ਮੰਗ ਵਾਂਜੋ ਦੀ ਗ੍ਰਿਫਤਾਰੀ ਅਮਰੀਕਾ ਦੀ ਬੇਨਤੀ 'ਤੇ ਹੋਈ ਸੀ, ਜਦ ਦਿਸੰਬਰ 2018 'ਚ ਉਨ੍ਹਾਂ ਨੂੰ ਵੈਨਕੂਵਰ ਹਵਾਈ ਅੱਡੇ 'ਤੇ ਹਿਰਾਸਤ 'ਚ ਲਿਆ ਗਿਆ ਸੀ।
ਅਮਰੀਕਾ ਵੱਲੋਂ ਲਗਾਏ ਗਏ ਧੋਖਾਧੜੀ ਦੇ ਇਲਜ਼ਾਮਾਂ ਨੂੰ ਮੰਗ ਵਾਂਜੋ ਅਤੇ ਵੁਆਵੇ ਵੱਲੋਂ ਲਗਾਤਾਰ ਗਲਤ ਦੱਸਿਆ ਗਿਆ ਹੈ।
