21.85C Vancouver 21.85C VancouverAug 7, 2020 7:35 PM -
ਲੈਬਨਨ ਦੇ ਰਾਸ਼ਟਰਪਤੀ ਨੇ ਪੁਸ਼ਟੀ ਕੀਤੀ ਹੈ ਕਿ ਚੋਟੀ ਦੇ ਲੀਡਰ ਅਤੇ ਸਿਕਿਉਰਿਟੀ ਅਧਿਕਾਰੀ ਇਸ ਤੋਂ ਜਾਣੂ ਸਨ ਕਿ, 2,750 ਟਨ ਬੇਹੱਦ ਵਿਸਫੋਟਕ ਅਮੋਨੀਅਮ ਨਾਈਟ੍ਰੇਟ, ਸਾਲ 2013 ਤੋਂ ਵਾਟਰਫਰੰਟ ਵੇਅਰਹਾਊਸ 'ਚ ਰੱਖਿਆ ਹੋਇਆ ਸੀ।
ਮਿਸ਼ੇਲ ਆਉਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ 3 ਹਫ਼ਤੇ ਪਹਿਲਾਂ ਧਮਾਕਾਖੇਜ਼ ਕੈਮਿਕਲਾਂ ਦੀ ਵੱਡੀ ਗਿਣਤੀ 'ਚ ਪਏ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਸੀ, ਅਤੇ ਉਨ੍ਹਾਂ ਇਸ ਨੂੰ ਜਲਦੀ ਤੋਂ ਜਲਦੀ ਹਟਾਉਣ ਦੇ ਨਿਰਦੇਸ਼ ਦਿੱਤੇ ਸਨ।
ਪਰ ਉਨ੍ਹਾਂ ਕਿਹਾ ਕਿ, ਇਸ ਫੈਸਿਲਟੀ 'ਤੇ ਉਨ੍ਹਾਂ ਦਾ ਕੋਈ ਅਧਿਕਾਰ ਖੇਤਰ ਨਹੀਂ ਸੀ।
ਉਨ੍ਹਾਂ ਇਹ ਵੀ ਕਿਹਾ ਕਿ ਸਾਲ 2013 ਤੋਂ ਸੱਤਾ 'ਚ ਰਹੀਆਂ ਵੱਖੋ-ਵੱਖ ਸਰਕਾਰਾਂ ਨੂੰ ਇਸ ਦੀ ਜਾਣਕਾਰੀ ਦਿੱਤੀ ਗਈ ਸੀ।
ਆਉਨ ਦਾ ਕਹਿਣਾ ਹੈ ਕਿ ਇਹ ਧਮਾਕਾ ਕਿਸੇ ਅਣਗਹਿਲੀ ਕਾਰਨ ਜਾਂ ਕਿਸੇ ਬੰਬ ਜਾਂ ਮਿਸਾਈਲ ਜਿਹੇ "ਬਾਹਰੀ ਦਖਲ" ਕਾਰਨ ਹੋਇਆ ਹੈ।
