10.26C Vancouver 10.26C VancouverJun 29, 2020 11:37 PM -
ਬੀ.ਸੇ.ਏ ਫੈਰੀ 'ਤੇ ਸਵਾਰ ਕਰੀਬ 500 ਯਾਤਰੀਆਂ ਨੂੰ ਐਤਵਾਰ ਨੂੰ ਮੁਸ਼ਕਿਲ ਦਾ ਸਾਹਮਣਾ ਕਰਨਾ ਪਿਆ।
ਨਨਾਈਮੋ ਦੇ ਡਿਊਕ ਪਾਇੰਟ ਅਤੇ ਟਵਾਸਨ ਵਿਚਾਲੇ ਇੱਕ ਫੈਰੀ ਦੇ ਸਫਰ ਦੌਰਾਨ ਤਕਨੀਕੀ ਦਿੱਕਤਾਂ ਕਾਰਨ ਅੜਿੱਕੇ ਪੇਸ਼ ਆਏ, ਅਤੇ ਯਾਤਰੀਆਂ ਨੂੰ ਵਾਪਿਸ ਉਸੇ ਜਗ੍ਹਾ ਪਰਤਣਾ ਪਿਆ, ਜਿੱਥੋਂ ਸਫਰ ਦੀ ਸ਼ੁਰੂਆਤ ਕੀਤੀ ਸੀ।
ਨਨਾਈਮੋ ਤੋਂ ਯਾਤਰਾ ਸ਼ੁਰੂ ਕਰਨ ਵਾਲੀ ਫੈਰੀ 'ਚ ਸਫਰ ਦੇ ਕੁਝ ਹੀ ਮਿੰਟਾਂ 'ਚ ਤਕਨੀਕੀ ਖਰਾਬੀ ਕਾਰਨ ਵਿਘਨ ਪੈ ਗਿਆ।
ਕੋਸਟਲ ਸੈਲੀਬ੍ਰੇਸ਼ਨ ਫੈਰੀ ਨੂੰ ਰੋਕਣਾ ਪਿਆ ਅਤੇ ਮਦਦ ਮੰਗਵਾਈ ਗਈ।
ਪਰ ਫੈਰੀ ਨੂੰ ਵਾਪਿਸ ਨਨਾਈਮੋ ਪਹੁੰਚਾਉਣ ਵਿੱਚ ਕਰੀਬ 4 ਘੰਟੇ ਦਾ ਸਮਾਂ ਲੱਗਿਆ।
ਕੱਲ ਹੀ ਬੀ.ਸੀ. ਫੈਰੀਜ਼ ਦੀ ਇੱਕ ਹੋਰ ਯਾਤਰਾ 'ਚ ਵੀ ਵੱਧਦੇ ਟ੍ਰੈਫਿਕ ਕਾਰਨ ਵਿਘਨ ਪਿਆ ਸੀ, ਅਤੇ ਨਨਾਈਮੋ ਤੋਂ ਹੌਰਸਸ਼ੂ ਬੇਅ ਦੀ ਯਾਤਰਾ 'ਚ ਦੇਰੀ ਹੋਈ ਸੀ।
ਹਾਲਾਂਕਿ ਕੱਲ ਹੀ ਸੀਸ਼ੇਲਟ ਦੇ ਕੋਲ ਇੱਕ ਡੁੱਬਦੀ ਕਿਸ਼ਤੀ ਤੋਂ 3 ਲੋਕਾਂ ਨੂੰ ਸੁਰੱਖਿਅਤ ਬਚਾਇਆ ਗਿਆ ਸੀ। ਘਟਨਾ ਐਤਵਾਰ ਦੁਪਹਿਰੇ ਵਾਪਰੀ ਦੱਸੀ ਗਈ ਹੈ।
