25.37C Vancouver 25.37C VancouverOct 5, 2020 3:36 PM -
ਬ੍ਰਿਟਿਸ਼ ਕੋਲੰਬੀਆ ਲਿਬਰਲ ਲੀਡਰ ਐਂਡਰੂ ਵਿਲਕਿਨਸਨ ਵੱਲੋਂ ਸਰ੍ਹੀ ਵਿੱਚ ਆਰ.ਸੀ.ਐੱਮ.ਪੀ. ਤੋਂ ਮੁਨੀਸੀਪਲ ਪੁਲਿਸ ਫੋਰਸ ਵਿਚ ਹੋਣ ਵਾਲੀ ਤਬਦੀਲੀ ਦੀ ਪ੍ਰਕਿਰਿਆ ‘ਤੇ ਰੋਕ ਦੇ ਐਲਾਨ ਨੂੰ ਕਾਫੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਵਿਲਕਨਸਨ ਨੇ ਇਹ ਵਾਅਦਾ ਕੀਤਾ ਹੈ ਕਿ ਜੇ ਲਿਬਰਲ ਪਾਰਟੀ ਚੋਣਾਂ ਜਿੱਤ ਜਾਂਦੀ ਹੈ ਤਾਂ ਸਥਾਨਕ ਪੁਲਿਸ ਫੋਰਸ ਉੱਤੇ ਰੋਕ ਲਾਕੇ ਇੱਕ ਰੈਫਰੈਂਡਮ ਕੀਤਾ ਜਾਵੇਗਾ ਅਤੇ ਆਖਰੀ ਫੈਸਲਾ ਸਰ੍ਹੀ ਦੇ ਲੋਕਾਂ ਦੇ ਹੱਥ ਵਿੱਚ ਹੋਵੇਗਾ।
ਸਰ੍ਹੀ ਦੇ ਮੇਅਰ ਡੱਗ ਮੈਕਅੱਲਮ ਨੇ ਇਸ ਘੋਸ਼ਣਾ ਬਾਰੇ ਕਿਹਾ ਕਿ ਉਹ ਬੇਹਦ ਹੈਰਾਨ ਹਨ ਕਿ ਲਿਬਰਲ ਲੀਡਰ ਵੋਟਾਂ ਇਕੱਠੀਆਂ ਕਰਨ ਲਈ ਕਿਸ ਹੱਦ ਤੱਕ ਜਾ ਸਕਦੇ ਹਨ।
ਮੈਕਅੱਲਮ ਅਨੁਸਾਰ ਬੀ.ਸੀ. ਲਿਬਰਲ ਪਾਰਟੀ ਦਾ ਕਾਉਂਸਲ ਦੇ ਸਰਬਸੰਮਤੀ ਨਾਲ ਦਿੱਤੇ ਫੈਸਲੇ ਦੇ ਰਾਹ ਵਿੱਚ ਦਖਲ ਦੇਣਾ, ਸਥਾਨਕ ਸਰਕਾਰਾਂ ਲਈ ਚਿੰਤਾ ਦਾ ਵਿਸ਼ਾ ਹੋਣਾ ਚਾਹੀਦਾ ਹੈ।
ਐੱਨ.ਡੀ.ਪੀ. ਸੋਲਿਸਟਰ ਜਨਰਲ ਮਾਈਕ ਫਾਰਨਵਰਥ, ਜਿਨ੍ਹਾਂ ਵੱਲੋਂ ਇਸ ਤਬਦੀਲੀ ਨੂੰ ਹਰੀ ਝੰਡੀ ਦਿੱਤੀ ਗਈ ਸੀ, ਦਾ ਕਹਿਣਾ ਹੈ ਕਿ ਵਿਲਕਿਨਸਨ ਦਾ ਇਹ ਚੋਣ ਵਾਅਦਾ ਸਥਾਨਕ ਅਤੇ ਸੂਬਾਈ ਸਰਕਾਰਾਂ ਦੇ ਆਪਸੀ ਸੰਬੰਧ ਦੀ ਉਲੰਘਣਾ ਹੈ।
ਫਾਰਨਵਰਥ ਮੁਤਾਬਕ ਵਿਲਕਨਸਨ ਦਾ ਇਹ ਵਾਅਦਾ ਆਪਣੇ ਉਨ੍ਹਾਂ ਮੈਂਬਰਾਂ ਦੇ ਖਿਲਾਫ ਵੀ ਜਾਂਦਾ ਹੈ ਜਿਨ੍ਹਾਂ ਨੇ ਲੈਜਿਸਲੇਚਰ ਵਿੱਚ ਇਸ ਨੂੰ ਇੱਕ ਮੁਨੀਸੀਪਲ ਮੁੱਦਾ ਦੱਸਿਆ ਸੀ।
