17.89C Vancouver 17.89C VancouverJan 8, 2025 1:01 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵਲੋਂ ਅਹੁਦਾ ਛੱਡਣ ਦੇ ਐਲਾਨ ਤੋਂ ਬਾਅਦ ਲਿਬਰਲ ਸੰਸਦ ਮੈਂਬਰ ਅੱਜ ਪਹਿਲੀ ਵਾਰ ਔਟਵਾ ਵਿਚ ਬੈਠਕ ਕਰ ਰਹੇ ਹਨ।
ਨੈਸ਼ਨਲ ਕਾਕਸ ਦੀ ਇਹ ਮੀਟਿੰਗ ਪਹਿਲਾਂ ਟਰੂਡੋ 'ਤੇ ਅਸਤੀਫਾ ਦੇਣ ਦਾ ਜ਼ੋਰ ਪਾਉਣ ਲਈ ਨਿਰਧਾਤ ਕੀਤੀ ਗਈ ਸੀ ਹੁਣ ਪਾਰਟੀ ਆਪਣਾ ਫੋਕਸ ਟਰੂਡੋ ਦੀ ਜਗ੍ਹਾ ਅਜਿਹੇ ਨੇਤਾ ਦੀ ਤਲਾਸ਼ 'ਤੇ ਕਰ ਰਹੀ ਹੈ ਜੋ ਕੰਜ਼ਰਵੇਟਿਵ ਲੀਡਰ ਪੀਅਰੇ ਪੋਇਲੀਵਰ ਦਾ ਮੁਕਾਬਲਾ ਕਰਨ ਵਿਚ ਸਮਰਥ ਹੋਵੇ। ਪਤਾ ਲੱਗਾ ਹੈ ਕਿ ਕੈਬਨਿਟ ਮੰਤਰੀ ਜੋਨਾਥਨ ਵਿਲਕਿਨਸਨ, ਸਟੀਵਨ ਮੈਕਕਿਨਨ ਅਤੇ ਕਰੀਨਾ ਗੋਲਡ ਸਮੇਤ ਪਾਰਟੀ ਕੌਕਸ ਦੇ ਕੁਝ ਮੈਂਬਰ ਲੀਡਰਸ਼ਿਪ ਲਈ ਮੈਦਾਨ ਵਿਚ ਉਤਰਨ 'ਤੇ ਗੰਭੀਰਤਾ ਨਾਲ ਵਿਚਾਰ ਕਰ ਰਹੇ ਹਨ।
ਉਥੇ ਹੀ, ਕ੍ਰਿਸਟੀਆ ਫ੍ਰੀਲੈਂਡ, ਅਨੀਤਾ ਆਨੰਦ ਅਤੇ ਫ੍ਰੈਂਕੋਇਸ-ਫਿਲਿਪ ਸ਼ੈਂਪੇਨ ਸਮੇਤ ਹੋਰ ਲਿਬਰਲ ਐਮ.ਪੀ ਵੀ ਪਾਰਟੀ ਅੰਦਰ ਆਪਣਾ ਸਮਰਥਨ ਟੋਲਣ ਲਈ ਹੋਰ ਸੰਸਦ ਮੈਂਬਰਾਂ ਅਤੇ ਪਾਰਟੀ ਮੈਂਬਰਾਂ ਨਾਲ ਸੰਪਰਕ ਕਰ ਰਹੇ ਹਨ। ਓਧਰ, ਪੋਇਲੀਵਰ ਨੇ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ਕੈਨੇਡੀਅਨਜ਼ ਨੂੰ ਸੰਕਟ ਵਿਚ ਪਾ ਕੇ ਲਿਬਰਲ ਸੱਤਾ ਲਈ ਇੱਕ-ਦੂਜੇ ਨਾਲ ਲੜ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਅਸਲ ਬਦਲਾਅ ਲਈ ਸਿਰਫ ਚੋਣਾਂ ਹੀ ਇੱਕ ਰਸਤਾ ਹੈ।
