16.69C Vancouver 16.69C VancouverJan 7, 2025 2:29 PM - The Canadian Press
ਕੈਨੇਡਾ ਦੀ ਸੈਂਟਰਲ ਬੈਂਕ ਦੇ ਸਾਬਕਾ ਗਵਰਨਰ ਅਤੇ ਲਿਬਰਲ ਪਾਰਟੀ ਦੀ ਆਰਥਿਕ ਟਾਸਕ ਫੋਰਸ ਦੇ ਮੁਖੀ ਮਾਰਕ ਕਾਰਨੇ ਟਰੂਡੋ ਦੀ ਜਗ੍ਹਾ ਲੈਣ ਅਤੇ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਬਣਨ ਦੀ ਦੌੜ ਵਿਚ ਸ਼ਾਮਲ ਹੋਣ ਦਾ ਵਿਚਾਰ ਕਰ ਰਹੇ ਹਨ।
ਬੈਂਕ ਆਫ਼ ਕੈਨੇਡਾ ਦੇ ਗਵਰਨਰ ਰਹਿ ਚੁੱਕੇ ਕਾਰਨੇ ਨੇ ਸੋਮਵਾਰ ਸ਼ਾਮ ਜਾਰੀ ਕੀਤੇ ਇੱਕ ਬਿਆਨ ਵਿਚ ਕਿਹਾ ਕਿ ਪਾਰਟੀ ਅੰਦਰ ਉਨ੍ਹਾਂ ਨੂੰ ਜੋ ਸਮਰਥਨ ਮਿਲ ਰਿਹਾ ਹੈ ਉਸ ਤੋਂ ਉਹ ਉਤਸ਼ਾਹਤ ਹਨ ਅਤੇ ਅਗਲੇ ਕੁਝ ਦਿਨਾਂ ਵਿਚ ਪਰਿਵਾਰ ਨਾਲ ਇਸ ਬਾਰੇ ਵਿਚਾਰ-ਵਟਾਂਦਰਾ ਕਰਨ ਤੋਂ ਬਾਅਦ ਫੈਸਲਾ ਲੈਣਗੇ।
ਇਸ ਵਿਚਕਾਰ ਮਾਂਟਰੀਅਲ ਦੇ ਸਾਬਕਾ ਲਿਬਰਲ ਐਮਪੀ ਫਰੈਂਕ ਬੇਲਿਸ ਨੇ ਲੀਡਰਸ਼ਿਪ ਦੌੜ ਵਿਚ ਸ਼ਾਮਲ ਹੋਣ ਦਾ ਐਲਾਨ ਕੀਤਾ ਹੈ। ਦੱਸ ਦੇਈਏ ਕਿ ਨਵੇਂ ਲੀਡਰ ਦੀ ਚੋਣ ਦੀ ਪ੍ਰਕਿਰਿਆ ਸ਼ੁਰੂ ਕਰਨ ਲਈ ਪਾਰਟੀ ਦੇ ਅਧਿਕਾਰੀ ਦੀ ਇਸੇ ਹਫਤੇ ਮੀਟਿੰਗ ਹੋਣ ਦੀ ਉਮੀਦ ਹੈ।
ਹਾਲਾਂਕਿ, ਜੋ ਵੀ ਟਰੂਡੋ ਦੀ ਜਗ੍ਹਾ ਲਵੇਗਾ ਉਸ ਨੂੰ ਪਾਰਟੀ ਦੇ ਖਰਾਬ ਅਕਸ ਦੇ ਨਾਲ-ਨਾਲ ਆਪਣੇ ਕਾਰਜਕਾਲ ਦੇ ਤੁਰੰਤ ਬਾਅਦ ਹੀ ਭਰੋਸੇ ਦੀ ਵੋਟ ਦਾ ਸਾਹਮਣਾ ਕਰਨਾ ਪਵੇਗਾ। ਸੰਸਦ ਦੀ ਕਾਰਵਾਈ 24 ਮਾਰਚ ਤੱਕ ਮੁਲਤਵੀ ਕੀਤੀ ਗਈ ਹੈ ਪਰ ਮੁੱਖ ਵਿਰੋਧੀ ਪਾਰਟੀਆਂ ਦੇ ਨੇਤਾਵਾਂ ਨੇ ਕਿਹਾ ਹੈ ਕਿ ਸੰਸਦ ਦੀ ਸੀਟਿੰਗ ਦੁਬਾਰਾ ਸ਼ੁਰੂ ਹੁੰਦੇ ਹੀ ਉਹ ਜਲਦ ਤੋਂ ਜਲਦ ਸਰਕਾਰ ਨੂੰ ਡੇਗ ਦੇਣਗੇ। ਇਸ ਦਾ ਮਤਲਬ ਹੈ ਕਿ ਸਪਰਿੰਗ ਵਿਚ ਚੋਣਾਂ ਹੋ ਸਕਦੀਆਂ ਹਨ।
