14.41C Vancouver 14.41C VancouverFeb 26, 2025 2:10 PM - The Canadian Press
ਕੈਨੇਡਾ ਦੇ ਅਗਲੇ ਪ੍ਰਧਾਨ ਮੰਤਰੀ ਦੀ ਚੋਣ ਲਈ ਲਿਬਰਲ ਪਾਰਟੀ ਵਿਚ ਅੱਜ ਤੋਂ ਐਡਵਾਂਸ ਵੋਟਿੰਗ ਸ਼ੁਰੂ ਹੋ ਗਈ ਹੈ।
ਬੀਤੀ ਰਾਤ ਲਿਬਰਲ ਲੀਡਰਸ਼ਿਪ ਦੇ ਚਾਰੋ ਉਮੀਦਵਾਰਾਂ ਦੀ ਆਹਮੋ-ਸਾਹਮਣੇ ਮਾਂਟਰੀਅਲ ਵਿਚ ਅੰਗ੍ਰੇਜ਼ੀ ਭਾਸ਼ਾ ਵਿਚ ਬਹਿਸ ਹੋਈ, ਇਹ ਆਖਰੀ ਡਿਬੇਟ ਸੀ, ਜਿਸ ਵਿਚ ਬੈਂਕ ਔਫ ਕੈਨੇਡਾ ਦੇ ਸਾਬਕਾ ਗਵਰਨਰ ਮਾਰਕ ਕਾਰਨੀ, ਸਾਬਕਾ ਉਪ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ, ਸਾਬਕਾ ਕੈਬਨਿਟ ਮੰਤਰੀ ਕਰੀਨਾ ਗੋਲਡ ਅਤੇ ਮਾਂਟਰੀਅਲ ਦੇ ਕਾਰੋਬਾਰੀ ਤੇ ਸਾਬਕਾ ਸੰਸਦ ਮੈਂਬਰ ਫਰੈਂਕ ਬੇਲਿਸ ਸ਼ਾਮਲ ਹੋਏ। ਇਸ ਦੌਰਾਨ ਉਮੀਦਵਾਰਾਂ ਦੇ ਨਿਸ਼ਾਨੇ 'ਤੇ ਟਰੰਪ ਅਤੇ ਪੋਲੀਐਵ ਰਹੇ। ਉਥੇ ਹੀ, ਕਾਰਨੀ ਨੇ ਕਈ ਮੌਕੇ ਖੁਦ ਨੂੰ ਟਰੂਡੋ ਤੋਂ ਵੱਖਰਾ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ।
ਕਾਰਨੀ ਲਿਬਰਲ ਪਾਰਟੀ ਦੇ ਲੀਡਰਸ਼ਿਪ ਮੁਕਾਬਲੇ ਵਿਚ ਇਕਮਾਤਰ ਅਜਿਹੇ ਉਮੀਦਵਾਰ ਹਨ ਜੋ ਇਸ ਸਮੇਂ ਸੰਸਦ ਮੈਂਬਰ ਨਹੀਂ ਹਨ ਪਰ ਪਿਛਲੇ ਸਮੇਂ ਵਿਚ ਟਰੂਡੋ ਦੇ ਸਲਾਹਕਾਰ ਰਹਿਣ ਕਾਰਨ ਉਹ ਮੁੱਖ ਵਿਰੋਧੀ ਧਿਰ ਕੰਜ਼ਰਵੇਟਿਵ ਦੇ ਨਿਸ਼ਾਨੇ 'ਤੇ ਹਨ ਅਤੇ ਕਾਰਨੀ ਨੂੰ ਹੀ ਹੁਣ ਤੱਕ ਲੀਡਰਸ਼ਿਪ ਦੌੜ ਵਿਚ ਸਭ ਤੋਂ ਅੱਗੇ ਮੰਨਿਆ ਜਾ ਰਿਹਾ ਹੈ। ਹਾਲਾਂਕਿ, ਅਸਲ ਜੇਤੂ ਕੌਣ ਰਹਿੰਦਾ ਹੈ ਇਸ ਦਾ ਖੁਲਾਸਾ 9 ਮਾਰਚ ਨੂੰ ਹੋਵੇਗਾ।
