14.92C Vancouver 14.92C VancouverJun 2, 2021 7:22 PM -
ਸਰੀ ਆਰ.ਸੀ.ਐਮ.ਪੀ. ਦੇ ਫਰੰਟਲਾਈਨ ਅਫ਼ਸਰ ਦਾ ਕਹਿਣਾ ਹੀ ਕਿ ਨਿਊਟਨ ਇਲਾਕੇ 'ਚ ਇੱਕ ਟਰੈਫਿਕ ਸਟੌਪ ਦੌਰਾਨ ਇੱਕ ਵਿਅਕਤੀ ਤੋਂ ਭਰੀ ਹੋਈ ਬੰਦੂਕ ਬਰਾਮਦ ਹੋਈ ਹੈ।
ਮਾਮਲਾ 28 ਮਈ ਦਾ ਦੱਸਿਆ ਗਿਆ ਹੈ।
ਤੜਕੇ ਕਰੀਬ 1.45 ਮਿੰਟ 'ਤੇ ਅਫ਼ਸਰ ਨੇ ਇੱਕ ਵਾਹਨ ਵੇਖਿਆ ਜਿਸ ਦੀ ਇੰਸ਼ੋਰੈਂਸ ਇਨੈਕਟਿਵ ਸੀ।
ਇਸ ਵਾਹਨ ਨੂੰ ਕਿੰਗ ਜੌਰਜ ਬੁਲੇਵਾਰਡ ਦੇ 7600 ਬਲੌਕ ਕੋਲ ਰੋਕਿਆ ਗਿਆ।
ਜਾਂਚ ਦੌਰਾਨ ਵਾਹਨ ਚਾਲਕ ਕੋਲ ਭਰੀ ਹੋਈ ਬੰਦੂਕ ਮਿਲੀ।
ਵਾਹਨ ਨੂੰ ਟੋਅ ਕੀਤਾ ਗਿਆ ਅਤੇ ਵਾਹਨ ਚਾਲਕ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਹਾਲਾਂਕਿ ਬਾਅਦ 'ਚ ਉਸ ਨੂੰ ਰਿਹਾਅ ਕਰ ਦਿੱਤਾ ਗਿਆ ਸੀ।
ਜਾਣਕਾਰੀ ਦਿੱਤੀ ਗਈ ਕਿ ਵਾਹਨ ਚਾਲਕ ਕੋਲ ਨਾਨ-ਰਿਸਟ੍ਰਿਕਟਿਡ ਪੋਜ਼ੈਸ਼ਨ ਅਤੇ ਐਕੁਈਜ਼ੀਸ਼ਨ ਲਾਈਸੈਂਸ ਹੈ ਜਿਸ 'ਤੇ ਉਸ ਨੂੰ ਇਜਾਜ਼ਤ ਨਹੀਂ ਹੈ ਕਿ ਉਹ ਰਿਸਟ੍ਰਿਕਟਿਡ ਹੈਂਡਗਨ ਰੱਖ ਸਕੇ ਅਤੇ ਨਾ ਹੀ ਇਸ ਆਸਰੇ ਭਰੀ ਹੋਈ ਕਨਸੀਲਡ ਬੰਦੂਕ ਰੱਖਣ ਦੀ ਇਜਾਜ਼ਤ ਮਿਲਦੀ ਹੈ।
ਮੀਡੀਆ ਰਿਲੇਸ਼ਨਸ ਅਫ਼ਸਰ, ਕੌਰਪੋਰਲ ਵਨੈਸਾ ਮੰਨ ਦਾ ਕਹਿਣਾ ਸੀ ਕਿ ਅਫ਼ਸਰ ਦੀ ਸੂਝਬੂਝ ਕਾਰਨ ਟਰੈਫਿਕ ਸਟੌਪ ਦੌਰਾਨ ਭਰੀ ਹੋਈ ਬੰਦੂਕ ਬਰਾਮਦ ਹੋ ਸਕੀ।
