23.31C Vancouver 23.31C VancouverOct 9, 2025 1:40 PM - The Canadian Press
ਕਮਲੂਪਸ ਕੋਲ ਫੇਡਰ ਲੇਕ ਝੀਲ 'ਤੇ ਬਣਾਏ ਗਏ ਇੱਕ ਗੈਰ-ਕਾਨੂੰਨੀ ਡੈਮ ਦੇ ਸੰਭਾਵਿਤ ਖ਼ਤਰੇ ਕਾਰਨ ਇਲਾਕੇ ਵਿਚ ਲੋਕਲ ਐਮਰਜੈਂਸੀ ਘੋਸ਼ਿਤ ਕੀਤੀ ਗਈ ਹੈ। ਅਧਿਕਾਰੀਆਂ ਨੂੰ ਚਿੰਤਾ ਹੈ ਕਿ ਡੈਮ ਦੇ ਟੁੱਟਣ ਨਾਲ ਫੇਡਰ ਲੇਕ ਵਿਚ ਬੇਕਾਬੂ ਹੜ੍ਹ ਆ ਸਕਦਾ ਹੈ। ਸੋਮਵਾਰ ਸ਼ਾਮ ਤੋਂ ਹੀ ਇੱਥੇ ਨੀਵੇਂ ਇਲਾਕੇ ਦੇ 14 ਘਰਾਂ ਨੂੰ ਖਾਲੀ ਕਰਨ ਦੀ ਚਿਤਾਵਨੀ ਦਿੱਤੀ ਗਈ ਹੈ। ਥੌਂਪਸਨ-ਨਿਕੋਲਾ ਖੇਤਰੀ ਜ਼ਿਲ੍ਹੇ ਨੇ ਇਲਾਕੇ ਦੇ ਵਸਨੀਕਾਂ ਨੂੰ ਥੋੜ੍ਹੇ ਸਮੇਂ ਦੇ ਨੋਟਿਸ 'ਤੇ ਆਪਣੀਆਂ ਜਾਇਦਾਦਾਂ ਛੱਡਣ ਲਈ ਤਿਆਰੀ ਕਰਨ ਦੀ ਅਪੀਲ ਕੀਤੀ ਹੈ।
ਅਧਿਕਾਰੀਆਂ ਨੇ ਕਿਹਾ ਕਿ ਨਿਵਾਸੀਆਂ ਨੂੰ ਨਿਕਾਸੀ ਦੇ ਹੁਕਮ ਦੇਣ ਤੋਂ ਪਹਿਲਾਂ ਜਿੰਨਾ ਸੰਭਵ ਹੋ ਸਕੇ ਪਹਿਲਾਂ ਸੂਚਿਤ ਕੀਤਾ ਜਾਵੇਗਾ। ਕਿਹਾ ਗਿਆ ਹੈ ਕਿ ਡੈਮ ਦੇ ਅੰਦਰ ਕੁਝ ਪੁਲੀਆਂ ਬਲੌਕ ਹੋ ਗਈਆਂ ਹਨ,ਜਿਸ ਕਾਰਨ ਫੇਡਰ ਲੇਕ ਵਿਚ ਪਾਣੀ ਦਾ ਪੱਧਰ ਵਧ ਗਿਆ ਹੈ।
ਚਿੰਤਾ ਇਹ ਹੈ ਕਿ ਜੇਕਰ ਪਾਣੀ ਡੈਮ ਦੇ ਉੱਪਰੋਂ ਲੰਘਦਾ ਹੈ ਤਾਂ ਇਹ ਟੁੱਟ ਸਕਦਾ ਹੈ।ਥੌਂਪਸਨ-ਨਿਕੋਲਾ ਖੇਤਰੀ ਜ਼ਿਲ੍ਹੇ ਦੇ ਬੁਲਾਰੇ ਕੋਲਟਨ ਡੇਵਿਸ ਨੇ ਇਹ ਇੱਕ ਜੋਖਮ ਭਰੀ ਸਥਿਤੀ ਹੈ ਅਤੇ ਇਹ ਨਹੀਂ ਪਤਾ ਕਿ ਇਸ ਨੂੰ ਕਿਸ ਨੇ ਬਣਾਇਆ ਕਿਉਂਕਿ ਡੈਮ ਸੂਬੇ ਦੇ ਅਧਿਕਾਰ ਖੇਤਰ ਵਿਚ ਹਨ।
