15.33C Vancouver 15.33C VancouverJun 16, 2022 12:28 AM - The Canadian Press
ਬੀ.ਸੀ. 'ਚ ਪ੍ਰੋਵਿੰਸ਼ੀਅਲ ਸਰਕਾਰ ਵੱਲੋਂ ਕਮਿਸ਼ਨ ਕੀਤੀ ਗਈ 1,800 ਪੰਨਿਆਂ ਦੀ ਰਿਪੋਰਟ ਜਾਰੀ ਕੀਤੀ ਗਈ ਹੈ।
ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ ਸੈਂਕੜੇ ਮਿਲੀਅਨ ਡਾਲਰਾਂ ਦੇ ਕੈਸ਼ ਦੀ ਬੀ.ਸੀ. ਕਸੀਨੋਸ ਦੇ ਰਾਹੀਂ ਮਨੀ ਲੌਂਡਰਿੰਗ ਕੀਤੀ ਗਈ ਸੀ।
ਰਿਪੋਰਟ 'ਚ ਦੱਸਿਆ ਗਿਆ ਕਿ ਸਾਲ 2008 ਤੋਂ 2018 ਵਿਚਾਲੇ ਇਹ ਮਨੀ ਲੌਂਡਰਿੰਗ ਵਾਪਰੀ ਸੀ।
ਇਹ ਰਿਪੋਰਟ ਔਸਟਿਨ ਕੁਲਨ ਵੱਲੋਂ ਜਾਰੀ ਕੀਤੀ ਗਈ ਹੈ।
ਇਹ ਰਿਪੋਰਟ 133 ਦਿਨਾਂ ਦੀ ਸੁਣਵਾਈ ਦਾ ਨਤੀਜਾ ਹੈ।
ਮਨੀ ਲੌਂਡਰਿੰਗ ਸੰਬੰਧੀ ਕਮਿਸ਼ਨ ਆਫ ਇੰਕਵਾਇਰੀ ਨੇ 199 ਗਵਾਹਾਂ ਦੀਆਂ ਟੈਸਟੀਮੋਨੀਸ ਸੁਣੀਆਂ।
ਔਸਟਿਨ ਕੁਲਨ ਦੀ ਰਿਪੋਰਟ 'ਚ ਬੀ.ਸੀ. ਲੌਟਰੀ ਕੌਰਪੋਰੇਸ਼ਨ ਅਤੇ ਗੇਮਿੰਗ ਸੰਬੰਧੀ ਜਿੰਮੇਵਾਰ ਕਈ ਪ੍ਰੋਵਿੰਸ਼ੀਅਲ ਮੰਤਰੀਆਂ 'ਤੇ ਸਖਤ ਆਲੋਚਨਾਤਮਕ ਰਵਈਆ ਅਖਤਿਆਰ ਕੀਤਾ ਗਿਆ ਹੈ।
ਔਸਟਿਨ ਕੁਲਨ ਦਾ ਕਹਿਣਾ ਹੈ ਮਨੀ ਲੌਂਡਰਿੰਗ ਰੋਕਣ ਲਈ ਕੋਈ ਖਾਸ ਕਦਮ ਨਹੀਂ ਚੁੱਕੇ ਗਏ ਅਤੇ ਉਨ੍ਹਾਂ ਕਿਹਾ ਇਹ ਇਹ ਸਭ ਆਮ ਢੰਗ ਨਾਲ ਜਾਰੀ ਸੀ।
ਸਾਲ 2014 'ਚ ਬੀ.ਸੀ. ਕਸੀਨੋਸ ਨੇ $1.2 ਬਿਲੀਅਨ ਦੀਆਂ ਕੈਸ਼ ਟ੍ਰਾਂਜ਼ੈਕਸ਼ਨਸ ਕਬੂਲੀਆਂ ਸਨ।
ਇਸ 'ਚ $100,000 ਜਾਂ ਉਸ ਤੋਂ ਵਧੇਰੇ ਦੇ 1,881 ਇੰਡੀਵਿਜੁਅਲ ਕੈਸ਼ ਬਾਏ-ਇਨ ਸ਼ਾਮਿਲ ਸਨ।
ਰਿਪੋਰਟ ਅਨੁਸਾਰ ਇਸ ਦੀ ਔਸਤ ਪ੍ਰਤੀ ਦਿਨ ਦੇ ਅਜਿਹੇ 5 ਮਾਮਲਿਆਂ ਦੀ ਬਣਦੀ ਹੈ। ਔਸਟਿਨ ਕੁਲਨ ਨੇ ਦੱਸਿਆ ਕਿ ਬਹੁਤੀਆਂ ਟ੍ਰਾਂਜ਼ੈਕਸ਼ਨਸ 'ਚ ਸਪਸ਼ਟ ਸੀ ਕਿ ਕੈਸ਼ ਅਪਰਾਧ ਨਾਲ ਸੰਬੰਧਤ ਸੀ।
ਕੁਲਨ ਨੇ ਕਿਹਾ ਕਿ ਲਗਾਤਾਰ ਦਿੱਤੀਆਂ ਜਾ ਰਹੀਆਂ ਚੇਤਾਵਨੀਆਂ ਦੇ ਬਾਵਜੂਦ ਕੋਈ ਵੀ ਐਕਸ਼ਨ ਨਹੀਂ ਲਿਆ ਗਿਆ ਜਿਸ ਨਾਲ ਇਸ ਗਤੀਵਿਧੀ ਨਾਲ ਨਜਿੱਠਿਆ ਜਾ ਸਕੇ।
ਔਸਟਿਨ ਕੁਲਨ ਨੇ ਮਾਮਲੇ 'ਚ 101 ਸਿਫਾਰਸ਼ਾਂ ਕੀਤੀਆਂ ਹਨ।
ਇਸ 'ਚ ਸੂਬੇ ਵੱਲੋਂ ਡੈਡੀਕੇਟਿਡ ਐਂਟੀ ਮਨੀ ਲੌਂਡਰਿੰਗ ਕਮਿਸ਼ਨਰ ਨੂੰ ਨਿਯੁਕਤ ਕੀਤੇ ਜਾਣ ਦੀ ਸਿਫਾਰਿਸ਼ ਵੀ ਸ਼ਾਮਿਲ ਹੈ।
ਇਸ ਤੋਂ ਇਲਾਵਾ ਕਸੀਨੋਸ 'ਚ ਫੰਡਸ ਸੰਬੰਧੀ ਪਰੂਫਸ ਦੀ ਲੋੜ ਨੂੰ $10,000 ਤੋਂ ਘਟਾ ਕੇ $3,000 'ਤੇ ਲਿਆਉਣ ਦੀ ਮੰਗ ਕੀਤੀ ਗਈ ਹੈ।
ਮਨੀ ਲੌਂਡਰਿੰਗ ਮਾਮਲੇ 'ਚ ਮਾਈਕ ਡੀ ਜੌਂਗ ਦੀ ਟਿੱਪਣੀ
ਬੀ.ਸੀ. 'ਚ ਮਨੀ ਲੌਂਡਰਿੰਗ ਸੰਬੰਧੀ ਪੇਸ਼ ਕੀਤੀ ਗਈ ਔਸਟਿਨ ਕੁਲਨ ਦੀ ਰਿਪੋਰਟ 'ਚ ਸਾਬਕਾ ਪ੍ਰੀਮਿਅਰ ਕ੍ਰਿਸਟੀ ਕਲਾਰਕ ਅਤੇ ਉਸ ਸਮੇਂ ਦੇ ਗੇਮਿੰਗ ਮੰਤਰੀ, ਮਾਈਕ ਡੀ ਜੌਂਗ ਅਤੇ ਰਿਚ ਕੋਲਮੈਨ ਦਾ ਜਿਕਰ ਕੀਤਾ ਗਿਆ ਹੈ।
ਰਿਪੋਰਟ 'ਚ ਆਖਿਆ ਗਿਆ ਹੈ ਕਿ ਇਨ੍ਹਾਂ ਨੂੰ ਸੂਬੇ ਸਾਹਮਣੇ ਖੜੀ ਇਸ ਸਮੱਸਿਆ ਦੀ ਜਾਣਕਾਰੀ ਸੀ ਪਰ ਉਨ੍ਹਾਂ ਇਸ ਸਮੱਸਿਆ ਦੇ ਹੱਲ ਲਈ ਜਰੂਰੀ ਕਦਮ ਨਹੀਂ ਚੁੱਕੇ।
ਇਸ ਸੰਬੰਧੀ ਅੱਜ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਮਾਈਕ ਡੀ ਜੌਂਗ ਨੇ ਕਿਹਾ ਕਿ, ਮੈਨੂੰ ਲਗਦਾ ਹੈ ਕਿ ਅਸੀਂ ਜਿੰਮੇਦਾਰ ਹਾਂ।
ਉਨ੍ਹਾਂ ਕਿਹਾ ਕਿ ਔਸਟਿਨ ਕੁਲਨ ਦੀ ਰਿਪੋਰਟ 'ਚ ਸਰਕਾਰ ਵੱਲੋਂ ਸਥਾਪਿਤ ਕੀਤੀ ਗਈ ਜਾਇੰਟ ਇਲਲੀਗਲ ਗੇਮਿੰਗ ਇਨਵੈਸਟੀਗੇਸ਼ਨ ਟੀਮ ਦੀ ਸ਼ਲਾਘਾ ਕੀਤੀ ਹੈ।
ਹਾਲਾਂਕਿ ਮਾਈਕ ਡੀ ਜੌਂਗ ਨੇ ਮੰਨਿਆ ਕਿ ਕਮਿਸ਼ਨਰ ਦੀ ਪ੍ਰਤੀਕਿਰਿਆ ਠੀਕ ਹੈ ਕਿ ਵਧੇਰੇ ਕਦਮ ਚੁੱਕੇ ਜਾਣੇ ਚਾਹੀਦੇ ਸਨ।
ਉਨ੍ਹਾਂ ਮੰਨਿਆ ਕਿ ਉਸ ਵੇਲੇ ਦੀ ਸਰਕਾਰ ਅਤੇ ਉਨ੍ਹਾਂ ਨੂੰ ਖੁਦ ਨੂੰ ਸਮੱਸਿਆ ਨਾਲ ਨਜਿੱਠਣ ਲਈ ਵਧੇਰੇ ਕਦਮ ਚੁੱਕਣੇ ਚਾਹੀਦੇ ਸਨ।
