6.43C Vancouver 6.43C VancouverJun 19, 2020 9:34 PM -
ਸਾਰੇ ਕਨੇਡੀਅਨ ਅਤੇ ਅਮਰੀਕੀ ਵੈਸਟ ਕੋਸਟ ਦੇ ਨਾਲ ਲੌਂਗਸ਼ੋਰ ਵਰਕਰਾਂ ਨੇ ਕੰਮ ਰੋਕ ਦਿੱਤਾ ਹੈ।
ਕੰਮ ਨੂੰ 8 ਘੰਟੇ ਲਈ ਰੋਕਣ ਦਾ ਫੈਸਲਾ ਲਿਆ ਗਿਆ।
ਅਜਿਹਾ 'ਜੂਨਟੀਂਥ' ਬਾਰੇ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਕੀਤਾ ਗਿਆ ਹੈ।
ਇਸ ਦੇ ਪਿੱਛੇ ਨਸਲੀ ਬਰਾਬਰਤਾ ਅਤੇ ਸਮਾਜਿਕ ਨਿਆਂ ਨੂੰ ਵੀ ਕਾਰਨ ਦੱਸਿਆ ਗਿਆ ਹੈ।
ਜੂਨਟੀਂਥ ਨੂੰ, 19 ਜੂਨ 1865 ਦੇ ਸਨਮਾਨ 'ਚ ਮਨਾਇਆ ਜਾਂਦਾ ਹੈ, ਜਦ ਟੈਕਸਸ ਵਿੱਚ ਗੁਲਾਮਾਂ ਨੂੰ ਦੱਸਿਆ ਗਿਆ ਸੀ ਕਿ ਅਮਰੀਕਾ 'ਚ ਗੁਲਾਮੀ ਦਾ ਅੰਤ ਹੋ ਗਿਆ ਹੈ।
ਲੌਂਗਸ਼ੋਰ ਯੂਨੀਅਨ ਦਾ ਕਹਿਣਾ ਹੈ ਕਿ ਇਸ ਦਿਵਸ ਨੂੰ ਮਨਾਉਣਾ, ਉਨ੍ਹਾਂ ਦੇ ਨਸਲਵਾਦ ਵਿਰੋਧੀ ਕੋਸ਼ਿਸ਼ਾਂ ਲਈ ਸਹਿਯੋਗ ਨੂੰ ਦਰਸ਼ਾਉਂਦਾ ਹੈ।
ਅੱਜ ਦੀ ਕੰਮ ਰੋਕ ਦੀ ਪ੍ਰਕਿਰਿਆ ਸਵੇਰ ਦੇ 8 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਰੱਖੀ ਗਈ ਹੈ।
ਇਸ ਦੇ ਵਿੱਚ ਬੀ.ਸੀ. ਦੇ ਕਈ ਪੋਰਟ ਸ਼ਾਮਿਲ ਹਨ, ਜਿਸ ਦੇ ਵਿੱਚ ਵੈਨਕੂਵਰ, ਪ੍ਰਿੰਸ ਰੂਪਰਟ ਅਤੇ ਕਈ ਹੋਰ ਪੋਰਟਸ ਦਾ ਜ਼ਿਕਰ ਆਉਂਦਾ ਹੈ।
ਕੈਨੇਡਾ 'ਚ ਅੰਤਰਰਾਸ਼ਟਰੀ ਲੌਂਗਸ਼ੋਰ ਅਤੇ ਵੇਅਰਹਾਊਸ ਯੂਨੀਅਨ ਦੇ ਪ੍ਰਧਾਨ, ਰੌਬ ਐਸ਼ਟਨ ਦਾ ਕਹਿਣਾ ਸੀ ਕਿ ਉਨ੍ਹਾਂ ਦੇ ਮੈਂਬਰ ਇਸ ਦਾ ਹਿੱਸਾ ਇਸਲਈ ਬਣ ਰਹੇ ਹਨ ਕਿਉਂਕਿ ਕੈਨੇਡਾ ਨੇ ਵੀ ਨਸਲਵਾਦ ਵੇਖਿਆ ਹੈ।
ਉਨ੍ਹਾਂ ਕਿਹਾ ਕਾਮਾਗਾਟਾ ਮਾਰੂ ਦੀ ਘਟਨਾ ਤੋਂ ਲੈ ਕੇ ਲਾਪਤਾ ਅਤੇ ਕਤਲ ਕੀਤੀਆਂ ਗਈਆਂ ਔਰਤਾਂ ਅਤੇ ਲੜਕੀਆਂ ਦੇ ਮਾਮਲੇ ਕੈਨੇਡਾ 'ਚ ਸਾਹਮਣੇ ਆ ਚੁੱਕੇ ਹਨ।
