6.94C Vancouver 6.94C VancouverMay 22, 2020 7:27 PM -
ਬ੍ਰਿਟਿਸ਼ ਕੋਲੰਬੀਆ 'ਚ ਕੀਤੇ ਗਏ ਇੱਕ ਸਰਵੇਖਣ 'ਚ ਸਾਹਮਣੇ ਆਇਆ ਹੈ ਕਿ ਮੁਸ਼ਕਿਲ ਤੋਂ 25% ਵਪਾਰਾਂ ਨਾਲ ਜੁੜੇ ਲੋਕਾਂ ਨੂੰ ਲਗਦਾ ਹੈ ਕਿ ਕੋਵਿਡ-19 ਸੰਬੰਧੀ ਪਬੰਦੀਆਂ ਹਟਾਏ ਜਾਣ ਤੋਂ ਬਾਅਦ, ਉਹ ਮੁਨਾਫ਼ੇ ਦੇ ਨਾਲ ਵਪਾਰਾਂ ਨੂੰ ਅੱਗੇ ਵਧਾ ਸਕਣਗੇ।
ਇਸ ਸਰਵੇਖਣ 'ਚ 1,300 ਲੋਕਾਂ ਨਾਲ ਸੰਪਰਕ ਬਣਾਇਆ ਗਿਆ ਸੀ।
ਇਹ ਵਪਾਰੀ ਗ੍ਰੇਟਰ ਵੈਨਕੂਵਰ ਬੋਰਡ ਆਫ ਟਰੇਡ, ਬੀ.ਸੀ. ਚੈਂਬਰ ਆਫ ਕਾਮਰਸ ਅਤੇ ਬਿਜ਼ਨਸ ਕਾਉਂਸਿਲ ਆਫ ਬ੍ਰਿਟਿਸ਼ ਕੋਲੰਬੀਆ ਨਾਲ ਸੰਬੰਧਤ ਹਨ।
ਸਰਵੇਖਣ ਦਾ ਹਿੱਸਾ ਬਣਨ ਵਾਲਿਆਂ ਨੂੰ ਬੀ.ਸੀ. ਦੇ ਰੀਸਟਾਰਟ (restart) ਪਲੈਨ ਦੇ ਦੂਜੇ ਫੇਜ਼ ਸੰਬੰਧੀ ਸਵਾਲ ਪੁੱਛੇ ਗਏ ਸਨ।
ਬੋਰਡ ਆਫ ਟਰੇਡ ਦੇ ਇੱਕ ਬਿਆਨ 'ਚ ਦੱਸਿਆ ਗਿਆ ਕਿ ਇਸ ਦੇ ਵਿੱਚ 26% ਨੂੰ ਲਗਦਾ ਹੈ ਕਿ ਉਹ ਮੁਨਾਫ਼ਾ ਕਮਾਉਂਦੇ ਹੋਏ ਕੰਮ ਅੱਗੇ ਵਧਾ ਸਕਣਗੇ।
ਹਾਲਾਂਕਿ 75% ਦੇ ਕਰੀਬ ਸਰਵੇਖਣ 'ਚ ਸ਼ਾਮਿਲ ਵਪਾਰੀਆਂ ਨੂੰ ਲਗਦਾ ਹੈ ਕਿ ਗ੍ਰਾਹਕਾਂ ਨੂੰ ਆਕਰਸ਼ਿਤ ਕਰਨਾ ਮੁਸ਼ਕਿਲ ਸਾਬਿਤ ਹੋ ਸਕਦਾ ਹੈ।
ਇਹ ਵੀ ਫਿਕਰ ਜ਼ਾਹਿਰ ਕੀਤਾ ਗਿਆ ਕਿ ਕੰਮ 'ਤੇ ਆਉਣ ਵਾਲੇ ਖਰਚੇ ਲਈ ਜ਼ਰੂਰਤ ਅਨੁਸਾਰ ਕੈਸ਼ ਉਪਲੱਬਧ ਨਹੀਂ ਹੈ, ਅਤੇ 55% ਲੋਕਾਂ ਨੂੰ ਲਗਦਾ ਹੈ ਕਿ ਵਪਾਰ ਨੂੰ ਦੁਬਾਰਾ ਸ਼ੁਰੂ ਕਰਨ ਲਈ ਦੋ ਮਹੀਨੇ ਦਾ ਸਮਾਂ ਲੱਗ ਸਕਦਾ ਹੈ।
ਹਾਲਾਂਕਿ ਮਾਰਚ ਦੇ ਅੱਧ ਤੱਕ ਸਾਹਮਣੇ ਆਏ ਲੇ-ਆਫ (layoffs) ਸੰਬੰਧੀ ਅੰਕੜੇ 43 ਤੋਂ ਘੱਟ ਹੋ ਕੇ 12 'ਤੇ ਆ ਗਏ ਦੱਸੇ ਗਏ ਹਨ।
ਬੋਰਡ ਦਾ ਕਹਿਣਾ ਹੈ ਕਿ ਇਸ ਦੇ ਵਿੱਚ ਵੇਜ ਸਬਸਿਡੀ ਪ੍ਰੋਗਰਾਮ ਦੀ ਅਹਿਮ ਭੂਮਿਕਾ ਮੰਨੀ ਜਾ ਸਕਦੀ ਹੈ।
ਸਰਵੇਖਣ 'ਚ ਕਰੀਬ 43% ਵਪਾਰਾਂ ਦਾ ਕਹਿਣਾ ਸੀ ਕਿ ਉਨ੍ਹਾਂ ਨੂੰ ਲਗਦਾ ਹੈ ਕਿ ਕੰਮ ਅੱਗੇ ਵਧਾਉਣ ਲਈ ਉਨ੍ਹਾਂ ਨੂੰ ਸਰਕਾਰ ਦੀ ਮਦਦ ਦੀ ਲੋੜ ਹੋਵੇਗੀ।
