15.68C Vancouver 15.68C VancouverJun 29, 2020 4:19 PM -
ਫੇਸਬੁੱਕ ਤੇ ਨਫਰਤ ਭਰੀ ਸਮੱਗਰੀ ਸੋਸ਼ਲ ਮੀਡੀਆ ਤੇ ਸਾਂਝੀ ਕਰਨ ਖਿਲਾਫ ਆਵਾਜ਼ ਚੁੱਕਣ ਲਈ ਜੁਲਾਈ ਵਿੱਚ ਫੇਸਬੁੱਕ ਤੇ ਇਸ਼ਤਿਹਾਰ ਬਾਜ਼ੀ ਖਤਮ ਕਰਨ ਵਾਲੀਆਂ ਅੰਤਰਰਾਸ਼ਟਰੀ ਕੰਪਨੀਆਂ ਵਿੱਚ ਹੁਣ ਲੂਲੂਲੇਮਨ ਐਥਲੈਟਿਕਾ, ਮਾਊਂਟੇਨ ਇਕਵਿਪਮੈਂਟ ਕੋ-ਅੱਪ ਅਤੇ ਆਰਕ’ਟੈਰਿਕਸ ਦਾ ਨਾਂ ਵੀ ਸ਼ਾਮਿਲ ਹੋ ਗਿਆ ਹੈ।
ਵੈਨਕੂਵਰ ਵਿੱਚ ਸਥਿਤ ਇਨ੍ਹਾਂ ਐਥਲੈਟਿਕ ਵੇਅਰ ਕੰਪਨੀਆਂ ਵੱਲੋਂ ਇਸ ਗੱਲ ਦੀ ਪੁਸ਼ਟੀ ਕੀਤੀ ਗਈ ਹੈ ਕਿ ਉਹ ਵੀ #ਸਟਾਪਹੇਟਫਾਰਪ੍ਰਾਫਿਟ ਨਾਂ ਦੀ ਮੁਹਿੰਮ ਵਿੱਚ ਕੋਕਾ ਕੋਲਾ, ਯੂਨੀਲਿਵਰ, ਹੌਂਡਾ ਅਮਰੀਕਾ, ਪੈਟਾਗੋਨੀਆ ਅਤੇ ਹੋਰ ਕੰਪਨੀਆਂ ਦੀ ਸੂਚੀ ਵਿੱਚ ਸ਼ਾਮਿਲ ਹੋ ਰਹੀਆਂ ਹਨ ਅਤੇ ਹੁਣ ਫੇਸਬੁੱਕ ਨਾਲ ਇਸ਼ਤਿਹਾਰਾਂ ਲਈ ਪੈਸੇ ਨਹੀਂ ਖਰਚਣਗੀਆਂ।
ਫੇਸਬੁੱਕ ਦਾ ਬਾਈਕਾਟ ਕਰਨ ਵਾਲੀਆਂ ਕੰਪਨੀਆਂ ਦਾ ਕਹਿਣਾ ਹੈ ਕਿ ਫੇਸਬੁੱਕ ਵੱਲੋਂ ਨਸਲਵਾਦੀ, ਝੂਠੀ ਅਤੇ ਖ਼ਤਰਨਾਕ ਸਮੱਗਰੀ ਨੂੰ ਆਪਣੇ ਪਲੈਟਫਾਰਮ ਤੋਂ ਬਾਹਰ ਰੱਖਣ ਲਈ ਵਾਜਬ ਕਦਮ ਨਹੀਂ ਚੁੱਕੇ ਗਏ।
ਕੰਪਨੀਆਂ ਅਨੁਸਾਰ ਉਹ ਇਸ ਗੱਲ ਤੋਂ ਵੀ ਨਿਰਾਸ਼ ਹਨ ਕਿ ਫੇਸਬੁੱਕ ਨੇ ਕਈ ਬਲੈਕ ਅਮਰੀਕੀ ਵਿਅਕਤੀਆਂ ਦੀ ਮੌਤ ਦੇ ਮਾਮਲਿਆਂ ਦੇ ਚੱਲਦਿਆਂ ਨਸਲੀ ਨਿਆਂ ਲਈ ਲੜ ਰਹੇ ਵਿਰੋਧੀਆਂ ਖਿਲਾਫ ਹਿੰਸਾ ਭੜਕਾਉਣ ਦਾ ਕੰਮ ਕੀਤਾ ਹੈ।
ਐੱਮ.ਈ.ਸੀ. ਮੁਤਾਬਕ ਉਨ੍ਹਾਂ ਵੱਲੋਂ ਫੇਸਬੁੱਕ ਅਤੇ ਇੰਸਟਾਗ੍ਰਾਮ ਤੇ ਜੁਲਾਈ ਦੇ ਅਖ਼ੀਰ ਤੱਕ ਇਸ਼ਤਿਹਾਰ ਬੰਦ ਕਰਨ ਦੀ ਸ਼ੁਰੂਆਤ 25 ਜੂਨ ਤੋਂ ਕੀਤੀ ਗਈ ਸੀ।
ਲੂਲੂਲੇਮਨ ਨੇ #ਸਟਾਪਹੇਟਫਾਰਪ੍ਰਾਫਿਟ ਦੇ ਸਮਰਥਨ ਵਿੱਚ ਟਵੀਟ ਸਾਂਝੀ ਕਰਦਿਆਂ ਕਿਹਾ ਕਿ ਉਹ ਬਦਲਾਅ ਲਿਆਉਣ ਲਈ ਫੇਸਬੁੱਕ ਨਾਲ ਸਾਂਝੇ ਤੌਰ ਤੇ ਕੰਮ ਕਰ ਰਹੇ ਹਨ ਅਤੇ ਆਰਕ’ਟੈਰਿਕਸ ਦਾ ਕਹਿਣਾ ਹੈ ਕਿ ਫੇਸਬੁੱਕ ਲਾਭ ਕਦੇ ਵੀ ਨਫ਼ਰਤ, ਕੱਟੜਪੰਥੀ, ਨਸਲਵਾਦ, ਧਰਮ ਵਿਰੋਧੀ ਅਤੇ ਹਿੰਸਾ ਨੂੰ ਉਤਸ਼ਾਹਤ ਕਰਨ ਦੇ ਯੋਗ ਨਹੀਂ ਹੋਵੇਗਾ।
ਫੇਸਬੁੱਕ ਨੇ ਆਪਣੀ ਜਾਰੀ ਕੀਤੀ ਗਈ ਸਟੇਟਮੈਂਟ ਵਿਚ ਕਿਹਾ ਹੈ ਕਿ ਭਾਈਚਾਰੇ ਨੂੰ ਸੁਰੱਖਿਅਤ ਰੱਖਣ ਲਈ ਉਨ੍ਹਾਂ ਵੱਲੋਂ ਹਰ ਸਾਲ ਕਈ ਬਿਲੀਅਨ ਡਾਲਰ ਦਾ ਨਿਵੇਸ਼ ਕੀਤਾ ਜਾਂਦਾ ਹੈ ਅਤੇ ਸੁਧਾਰ ਲਿਆਉਣ ਲਈ ਉਨ੍ਹਾਂ ਵੱਲੋਂ ਸਾਧਨ ਅਤੇ ਤਕਨਾਲੋਜੀ ਵਿਕਸਤ ਕਰਨ ਵਾਸਤੇ ਨਾਗਰਿਕ ਅਧਿਕਾਰ ਸਮੂਹਾਂ ਅਤੇ ਹੋਰ ਮਾਹਿਰਾਂ ਨਾਲ ਮਿਲ ਕੇ ਸਾਂਝੇ ਤੌਰ ਤੇ ਕੰਮ ਕਰਨ ਦਾ ਸਿਲਸਿਲਾ ਜਾਰੀ ਰਹੇਗਾ।
