13.77C Vancouver 13.77C VancouverJul 1, 2021 8:17 PM -
ਬੀਤੇ ਕੁਝ ਦਿਨਾਂ 'ਚ ਰਿਕਾਰਡਤੋੜ ਤਾਪਮਾਨ ਕਾਰਨ ਸੁਰਖੀਆਂ 'ਚ ਰਹਿਣ ਵਾਲਾ ਬੀ.ਸੀ. ਦਾ ਪਿੰਡ ਲਿਟਨ, ਅੱਜ ਫਿਰ ਖਬਰਾਂ ਦੀਆਂ ਸੁਰਖੀਆਂ 'ਚ ਹੈ।
ਇਸ ਪਿੰਡ ਤਕ ਪਹੁੰਚੀ ਵਾਈਲਡਫਾਇਰ ਨੇ ਕਰੀਬ 90% ਇਲਾਕੇ ਨੂੰ ਨਸ਼ਟ ਕਰ ਦਿੱਤਾ ਹੈ।
ਇਸ ਦੀ ਪੁਸ਼ਟੀ ਇਲਾਕੇ ਦੇ ਐਮ.ਪੀ. ਨੇ ਕੀਤੀ ਹੈ।
ਮਿਸ਼ਨ ਮੈਟਸਕੀ ਫਰੇਜ਼ਰ ਕੈਨੇਅਨ ਮੈਂਬਰ ਆਫ ਪਾਰਲੀਅਮੈਂਟ ਬਰੈਡ ਵਿਜ਼ ਨੇ ਵੀਰਵਾਰ ਨੂੰ ਦੱਸਿਆ ਕਿ ਅੱਗ ਕਾਰਨ ਟਾਊਨ ਸੈਂਟਰ ਸਮੇਤ ਵੱਡੇ ਪੱਧਰ 'ਤੇ ਸਟ੍ਰਕਚਰਲ ਨੁਕਸਾਨ ਪਹੁੰਚਿਆ ਹੈ।
ਟੈਲਕੌਮ ਅਤੇ ਬੀ.ਸੀ. ਹਾਈਡ੍ਰੋ ਸੰਬੰਧੀ ਵੀ ਭਾਰੀ ਇਨਫਰਾਸਟਰਕਚਰ ਨੁਕਸਾਨ ਹੋਇਆ ਦੱਸਿਆ ਗਿਆ ਹੈ।
ਲਿਟਨ ਦੇ ਮੇਅਰ ਨੇ ਇਲਾਕੇ ਦੇ ਸਾਰੇ 250 ਨਿਵਾਸੀਆਂ ਨੂੰ ਇਲਾਕਾ ਛੱਡਣ ਦੇ ਨਿਰਦੇਸ਼ ਦਿੱਤੇ।
ਲੋਕ ਘਰ ਅਤੇ ਪ੍ਰਾਪਰਟੀਆਂ ਛੱਡ ਕੇ ਜੋ ਹੋ ਸਕਿਆ ਜਰੂਰੀ ਸਾਮਾਨ ਇਕੱਠਾ ਕਰ ਕੇ ਟਾਊਨ ਤੋਂ ਨਿਕਲ ਗਏ।
ਕਿਸੇ ਦੇ ਜਖਮੀ ਹੋਣ ਦੀ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
ਮੈਰਿਟ, ਚਿਲਿਵੈਕ ਅਤੇ ਕੈਸ਼ਕਰੀਕ 'ਚ ਇਵੈਕੂਏਸ਼ਨ ਸਾਈਟਸ ਸਥਾਪਿਤ ਕੀਤੇ ਗਏ ਹਨ।
