12.78C Vancouver 12.78C VancouverOct 20, 2021 12:46 AM - Connect News
ਨਿਊ ਵੈਸਟਮਿਨਸਟਰ 'ਚ ਗੋਲੀ ਚੱਲਣ ਦੀ ਵਾਰਦਾਤ ਵਾਪਰੀ ਹੈ। ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ ਸੋਮਵਾਰ ਨੂੰ ਰਾਤ ਕਰੀਬ 11.45 ਵਜੇ ਕਈ ਕਾਲਸ ਆਈਆਂ ਸਨ ਅਤੇ ਗੋਲੀਆਂ ਚੱਲਣ ਦੀ ਸ਼ਿਕਾਇਤ ਮਿਲੀ ਸੀ।
ਘਟਨਾ ਕਵੀਨਸਬਰੋ ਦੇ ਹੈਂਡਰੀ ਪਲੇਸ 'ਚ ਵਾਪਰੀ ਦੱਸੀ ਗਈ।
ਪੁਲਿਸ ਮੌਕੇ 'ਤੇ ਪਹੁੰਚੀ ਅਤੇ ਇੱਕ ਘਰ 'ਤੇ ਗੋਲੀ ਚਲਾਏ ਜਾਣ ਦੇ ਸਬੂਤ ਮਿਲੇ।
ਘਰ 'ਚ ਰਹਿਣ ਵਾਲੇ ਲੋਕ ਘਟਨਾ ਮੌਕੇ ਸੁੱਤੇ ਹੋਏ ਸਨ ਅਤੇ ਕਿਸੇ ਦੇ ਜਖਮੀ ਹੋਣ ਤੋਂ ਬਚਾਅ ਰਿਹਾ।
ਨਿਊ ਵੈਸਟਮਿਨਸਟਰ ਪੁਲਿਸ ਡਿਪਾਰਟਮੈਂਟ ਮੇਜਰ ਕਰਾਈਮ ਯੂਨਿਟ ਵੱਲੋਂ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਇਸ 'ਚ ਫੌਰੈਂਸਿਕ ਆਈਡੈਂਟੀਫਿਕੇਸ਼ਨ ਸੈਕਸ਼ਨ ਅਤੇ ਹੋਰ ਯੂਨਿਟਸ ਵੱਲੋਂ ਸਹਿਯੋਗ ਦਿੱਤਾ ਜਾ ਰਿਹਾ ਹੈ।
ਜਾਂਚ ਅਜੇ ਸ਼ੁਰੂਆਤੀ ਦੌਰ 'ਚ ਹੈ ਅਤੇ ਰਿਹਾਇਸ਼ੀ ਇਲਾਕੇ 'ਚ ਇਸ ਪ੍ਰਕਾਰ ਨਾਲ ਗੋਲੀ ਚੱਲਣਾ ਖਤਰਨਾਕ ਸਾਬਿਤ ਹੋ ਸਕਦਾ ਸੀ।
