15.22C Vancouver 15.22C VancouverJun 2, 2021 7:31 PM -
ਸਰੀ ਦੇ ਸੈਂਟਰਲ ਸਿਟੀ ਸ਼ਾਪਿੰਗ ਸੈਂਟਰ ਤੋਂ ਇੱਕ ਸ਼ੱਕੀ ਕੋਲੋਂ 2 ਇਮਿਟੇਸ਼ਨ ਬੰਦੂਕਾਂ ਬਰਾਮਦ ਹੋਈਆਂ ਹਨ।
ਮਾਮਲਾ 30 ਮਈ ਦਾ ਹੈ।
ਸ਼ਾਮ ਕਰੀਬ 5.53 ਮਿੰਟ 'ਤੇ ਸਰੀ ਆਰ.ਸੀ.ਐਮ.ਪੀ. ਦੇ ਫਰੰਟਲਾਈਨ ਅਫ਼ਸਰਾਂ ਨੂੰ ਇੱਕ ਸ਼ੱਕੀ ਦੀ ਜਾਣਕਾਰੀ ਮਿਲੀ ਜਿਸ ਕੋਲ ਬੰਦੂਕ ਹੋਣ ਦੀ ਸੂਚਨਾ ਦਿੱਤੀ ਗਈ ਸੀ।
ਇਸ ਆਦਮੀ ਨੇ ਕਥਿਤ ਤੌਰ 'ਤੇ ਮਾਲ 'ਚ ਇੱਕ ਸਟੋਰ 'ਚ ਇੱਕ ਸਟਾਫ਼ ਮੈਂਬਰ ਅਤੇ ਕਸਟਮਰ ਨੂੰ ਵੀ ਧਮਕਾਇਆ ਸੀ ਅਤੇ ਫਿਰ ਦੌੜ ਗਿਆ ਸੀ।
ਸ਼ੱਕੀ ਦੀ ਪਛਾਣ ਕੋਡੀ ਡੋਹਰਟੀ ਵਜੋਂ ਹੋਈ ਹੈ।
ਇਸ ਦੀ ਉਮਰ 36 ਸਾਲ ਦੱਸੀ ਗਈ ਹੈ।
ਇਸ ਵਿਅਕਤੀ 'ਤੇ ਹਥਿਆਰ ਸੰਬੰਧੀ ਕਈ ਦੋਸ਼ ਲੱਗੇ ਹਨ।
ਸ਼ੱਕੀ ਦੀ ਜੁਡੀਸ਼ੀਅਲ ਜਸਟਿਸ ਸਾਹਮਣੇ ਪੇਸ਼ੀ ਤੋਂ ਬਾਅਦ, ਉਸ ਨੂੰ ਹਿਰਾਸਤ 'ਚ ਭੇਜ ਦਿੱਤਾ ਗਿਆ ਸੀ।
ਕਾਂਸਟੇਬਲ ਸਰਬਜੀਤ ਸੰਘਾ ਨੇ ਕਿਹਾ ਕਿ ਫਰੰਟਲਾਈਨ ਅਫ਼ਸਰਾਂ ਅਤੇ ਮਾਲ ਸਿਕਿਉਰਿਟੀ ਦੀ ਸਾਵਧਾਨੀ ਕਾਰਨ ਸ਼ੱਕੀ ਨੂੰ ਜਲਦੀ ਕਾਬੂ ਕੀਤਾ ਜਾ ਸਕਿਆ।
ਸਰੀ ਆਰ.ਸੀ.ਐਮ.ਪੀ. ਦੀ ਪ੍ਰੈਸ ਰਿਲੀਜ਼:
https://surrey.rcmp-grc.gc.ca/ViewPage.action?siteNodeId=2126&languageId=1&contentId=69752
