12.67C Vancouver 12.67C VancouverAug 21, 2020 5:33 PM -
ਭਾਰੀ ਅਸਲੇ ਨਾਲ ਰਿਡੂ ਹੌਲ ਵਿਚ ਦਾਖਿਲ ਹੋ ਕੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਧਮਕਾਉਣ ਵਾਲੇ ਵਿਅਕਤੀ ਦੀ ਸ਼ੁੱਕਰਵਾਰ ਅਦਾਲਤ ਵਿਚ ਪੇਸ਼ੀ ਹੋਈ। ਜਿਸ ਤੋਂ ਬਾਅਦ ਹੁਣ ਉਸਦੀ ਅਗਲੀ ਪੇਸ਼ੀ 18 ਸਿਤੰਬਰ ਨੂੰ ਹੋਣ ਜਾ ਰਹੀ ਹੈ।
ਕੋਰੀ ਹਿਉਰੇਨ, ਮੈਨੀਟੋਬਾ ਦਾ ਰਹਿਣ ਵਾਲਾ ਮਿਲਿਟਰੀ ਰੀਜ਼ਰਵਿਸਟ ਹੈ ਅਤੇ ਸੌਸੇਜ-ਮੇਕਰ ਹੈ। ਉਸ ਉੱਤੇ 21 ਹਥਿਆਰਾਂ ਸੰਬੰਧੀ ਦੋਸ਼ ਹਨ ਅਤੇ ਇੱਕ ਦੋਸ਼ ਪੀ.ਐਮ. ਨੂੰ ਧਮਕਾਉਣ ਦੇ ਸੰਬੰਧ ਵਿਚ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਹਿਉਰੇਨ ਨੇ 2 ਜੁਲਾਈ ਦੀ ਸਵੇਰ ਨੂੰ ਇੱਕ ਪਿੱਕਅਪ ਟਰੱਕ ਦੀ ਵਰਤੋਂ ਕਰਕੇ, ਰੀਡੂ ਹੌਲਦ ਦੇ ਸਾਇਡ ਗੇਟ ਤੋਂ ਦਾਖਲਾ ਲਿਆ, ਜਿੱਥੇ ਪ੍ਰਧਾਨ ਮੰਤਰੀ ਆਪਣੇ ਪਰਿਵਾਰ ਨਾਲ ਰਹਿੰਦੇ ਹਨ।
ਉਨ੍ਹਾਂ ਮੁਤਾਬਕ ਹਿਉਰੇਨ ਕੋਲ ਕਈ ਹਥਿਆਰ ਸਨ, ਉਨ੍ਹਾਂ ਵਿਚੋਂ ਇੱਕ ਵਿਚ ਗੈਰ-ਕਾਨੂਨੀ ਮੈਗਜ਼ੀਨ ਵੀ ਸੀ।
ਉਸ ਵੇਲੇ ਨਾ ਹੀ ਗੋਵਰਨਰ ਜਨਰਲ ਅਤੇ ਨਾਲ ਹੀ ਟਰੂਡੋ ਉੱਥੇ ਮੌਜੂਦ ਸਨ।
ਪੁਲਿਸ ਦਾ ਕਹਿਣਾ ਹੈ ਕਿ ਗੱਲਬਾਤ ਕਰਨ ਤੋਂ ਬਾਅਦ ਹਿਉਰੇਨ ਨੂੰ 90 ਮਿਨਟਾਂ ਵਿਚ ਸ਼ਾਂਤਮਈ ਤਰੀਕੇ ਦੇ ਨਾਲ ਗ੍ਰਿਫ਼ਤਾਰ ਕਰ ਲਿਆ ਗਿਆ ਸੀ।
