14.56C Vancouver 14.56C VancouverMar 11, 2026 5:52 PM - Connect Newsroom - Jasmine Singh with files from The Canadian Press
ਵੈਨਕੂਵਰ ਆਈਲੈਂਡ ਦੀ ਪੋਰਟ ਹਾਰਡੀ ਮਿਊਂਸੀਪੈਲਟੀ ਵਿਚ ਸਾਲ 2024 ਵਿਚ ਹੋਏ ਇੱਕ 84 ਸਾਲਾ ਬਜ਼ੁਰਗ ਦੇ ਕਤਲ ਦੇ ਮਾਮਲੇ ਵਿਚ ਪੁਲਿਸ ਵਲੋਂ ਲੰਮੀ ਜਾਂਚ ਮਗਰੋਂ ਇਸ ਦੀ ਗੁੱਥੀ ਸੁਲਝਾਈ ਗਈ ਹੈ। ਵੈਨਕੂਵਰ ਆਈਲੈਂਡ ਇੰਟਰਗ੍ਰੇਟਿਡ ਮੇਜਰ ਕ੍ਰਾਈਮ ਯੂਨਿਟ ਨੇ ਇਸ ਕਤਲ ਦੇ ਸਬੰਧ ਵਿਚ ਇੱਕ 54 ਸਾਲਾ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕਰਕੇ ਉਸ 'ਤੇ ਸੈਕਿੰਡ ਡਿਗਰੀ ਮਰਡਰ ਦਾ ਚਾਰਜ ਲਗਾਇਆ ਹੈ।
ਇਨਵੈਸਟੀਗੇਟਰ ਮੁਤਾਬਕ, 6 ਅਕਤੂਬਰ 2024 ਨੂੰ ਸ਼ਹਿਰ ਵਿਚ ਰੂਪਰਟ ਸਟ੍ਰੀਟ ਦੇ ਨੇੜੇ ਇੱਕ ਪੈਦਲ ਰਸਤੇ 'ਤੇ ਬਜ਼ੁਰਗ ਵਿਅਕਤੀ ਜ਼ਖਮੀ ਹਾਲਾਤ ਵਿਚ ਮਿਲਿਆ ਸੀ। 84 ਸਾਲਾ ਰੀਅਲ ਮੇਨਾਰਡ ਬਜ਼ੁਰਗ ਪੋਰਟ ਹਾਰਡੀ ਦੇ ਰਹਿਣ ਵਾਲੇ ਸਨ। ਹਸਪਤਾਲ ਲਿਜਾਣ ਤੋਂ ਬਾਅਦ ਉਨ੍ਹਾਂ ਦੀ ਮੌਤ ਹੋ ਗਈ ਸੀ।
ਇਸ ਕੇਸ ਵਿਚ ਪੁਲਿਸ ਨੇ 6 ਮਾਰਚ ਦੀ ਸਵੇਰ ਨੂੰ ਪ੍ਰਿੰਸ ਰੂਪਰਟ ਤੋਂ ਮੁਲਜ਼ਮ ਜੌਨ ਜੇਨਸਨ ਨੂੰ ਗ੍ਰਿਫ਼ਤਾਰ ਕੀਤਾ, ਜੋ ਅਗਲੀ ਅਦਾਲਤੀ ਪੇਸ਼ੀ ਲਈ ਇਸ ਵੇਲੇ ਪੁਲਿਸ ਹਿਰਾਸਤ ਵਿਚ ਹੈ।
