20.66C Vancouver 20.66C VancouverMar 30, 2026 4:21 PM - Connect Newsroom - Jasmine Singh with files from The Canadian Press
ਬੀ.ਸੀ. ਪੁਲਿਸ ਵੌਚਡੌਗ ਨੇ ਫੋਰਟ ਸੇਂਟ ਜੌਨ ਵਿਚ ਇੱਕ ਪੁਲਿਸ ਸ਼ੂਟਿੰਗ ਦੀ ਜਾਂਚ ਸੰਭਾਲੀ ਹੈ, ਰਿਪੋਰਟ ਮੁਤਾਬਕ, ਕੱਲ੍ਹ ਫੋਰਟ ਸੇਂਟ ਜੌਨ ਸ਼ਹਿਰ ਦੇ ਰਿਹਾਇਸ਼ੀ ਖੇਤਰ ਵਿਚ 86 ਸਟ੍ਰੀਟ ਅਤੇ 97 ਐਵੇਨਿਊ ਦੇ ਇੰਟਰਸੈਕਸ਼ਨ ਕੋਲ ਪੁਲਿਸ ਨੇ ਇੱਕ ਕਾਲੇ ਰੰਗ ਦੇ ਫੋਰਡ ਪਿਕਅੱਪ ਟਰੱਕ ਨੂੰ ਰੋਕਿਆ, ਜਿਸ ਵਿਚ ਦੋ ਲੋਕ ਸਵਾਰ ਸਨ ਅਤੇ ਉਨ੍ਹਾਂ ਵਿਚੋਂ ਸ਼ਾਇਦ ਇੱਕ ਆਊਟਸਟੈਂਡਿੰਗ ਵਾਰੰਟ 'ਤੇ ਲੋੜੀਂਦਾ ਸੀ।
ਪੁਲਿਸ ਵਲੋਂ ਰੋਕਣ 'ਤੇ ਇੱਕ ਵਿਅਕਤੀ ਟਰੱਕ ਵਿਚੋਂ ਨਿਕਲਿਆ ਜਿਸ ਕੋਲ ਕਥਿਤ ਤੌਰ 'ਤੇ ਹਥਿਆਰ ਸੀ। ਇਸ ਦੌਰਾਨ ਔਫੀਸਰ ਅਤੇ ਉਸ ਵਿਚਕਾਰ ਟਕਰਾਅ ਦੌਰਾਨ ਅਧਿਕਾਰੀ ਨੇ ਗੋਲੀ ਚਲਾ ਦਿੱਤੀ।
ਬੀ. ਸੀ. ਆਰ.ਸੀ.ਐਮ.ਪੀ. ਮੁਤਾਬਕ, ਜ਼ਖਮੀ ਵਿਅਕਤੀ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਸ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ। ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਮਾਮਲਾ ਇੰਡੀਪੈਂਡੇਟ ਇਨਵੈਸੀਗੇਸ਼ਨ ਔਫਿਸ ਦੀ ਜਾਂਚ ਅਧੀਨ ਹੈ, ਜਿਸ ਦੇ ਚੱਲਦੇ ਘਟਨਾ ਬਾਰੇ ਕੋਈ ਹੋਰ ਜਾਣਕਾਰੀ ਜਾਰੀ ਨਹੀਂ ਕੀਤੀ ਜਾਵੇਗੀ।
