15.32C Vancouver 15.32C VancouverJan 28, 2026 4:22 PM - Connect Newsroom - Ramandeep Kaur with files from The Canadian Press
ਅਮਰੀਕਾ ਦੇ ਮਿਨੀਆਪੋਲਿਸ ‘ਚ ਇੱਕ ਟਾਊਨ ਹਾਲ ਦੌਰਾਨ ਭਾਸ਼ਣ ਦੇ ਰਹੀ ਕਾਂਗਰਸ ਮੈਂਬਰ ਇਲਹਾਨ ਉਮਰ ‘ਤੇ ਇੱਕ ਅਣਪਛਾਤੇ ਵਿਅਕਤੀ ਨੇ ਤਰਲ ਪਦਾਰਥ ਸੁੱਟਿਆ। ਇਸ ਘਟਨਾ ਦੇ ਦੋਸ਼ੀ ਦੀ ਪਛਾਣ 55 ਸਾਲਾ ਐਂਥਨੀ ਕਾਜ਼ਮੀਰਕਜ਼ਾਕ ਵਜੋਂ ਕੀਤੀ ਗਈ ਹੈ।
ਜਾਣਕਾਰੀ ਅਨੁਸਾਰ ਜਦੋਂ ਉਮਰ ਮੰਗਲਵਾਰ ਨੂੰ ਆਪਣਾ ਭਾਸ਼ਣ ਦੇ ਰਹੇ ਸਨ ਤਾਂ ਸਾਹਮਣੇ ਬੈਠੇ ਐਂਥਨੀ ਨੇ ਇੱਕ ਸਰਿੰਜ ਰਾਹੀਂ ਉਨ੍ਹਾਂ ਉੱਤੇ ਕੋਈ ਤਰਲ ਪਦਾਰਥ ਸੁੱਟਿਆ। ਇਸ ਘਟਨਾ ਤੋਂ ਬਾਅਦ ਪੁਲਿਸ ਕਰਮਚਾਰੀਆਂ ਨੇ ਐਂਥਨੀ ਨੂੰ ਮੌਕੇ ‘ਤੇ ਹੀ ਗ੍ਰਿਫਤਾਰ ਕਰ ਲਿਆ।
ਐਂਥਨੀ ‘ਤੇ ਥਰਡ ਡਿਗਰੀ ਹਮਲੇ ਦਾ ਦੋਸ਼ ਲਗਾਇਆ ਗਿਆ ਹੈ। ਅਧਿਕਾਰੀਆਂ ਨੇ ਉਮਰ ’ਤੇ ਸੁੱਟੇ ਗਏ ਤਰਲ ਪਦਾਰਥ ਦੀ ਪਛਾਣ ਲਈ ਫੌਰੈਂਸਿਕ ਟੀਮਾਂ ਨੂੰ ਵੀ ਮੌਕੇ ‘ਤੇ ਭੇਜਿਆ ਗਿਆ। ਇਸ ਘਟਨਾ ਵਿੱਚ ਉਮਰ ਨੂੰ ਕੋਈ ਸਰੀਰਕ ਸੱਟ ਨਹੀਂ ਲੱਗੀ।
ਪੁਲਿਸ ਵੱਲੋਂ ਇਸ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਦੱਸ ਦੇਈਏ ਕਿ ਉਮਰ ‘ਤੇ ਜਦੋਂ ਹਮਲਾ ਹੋਇਆ ਉਸ ਸਮੇਂ ਉਹ ਟਰੰਪ ਦੇ ਇਮੀਗ੍ਰੇਸ਼ਨ ਐਂਡ ਕਸਟਮਜ਼ ਇਨਫੋਰਸਮੈਂਟ ਅਧਿਕਾਰੀ ਵੱਲੋਂ ਮਿਨੀਆਪੋਲਿਸ ਵਿੱਚ ਕੀਤੀਆਂ ਜਾ ਰਹੀਆਂ ਹਿੰਸਕ ਕਾਰਵਾਈਆਂ ਦੇ ਵਿਰੁੱਧ ਭਾਸ਼ਣ ਦੇ ਰਹੇ ਸਨ।
