17.07C Vancouver 17.07C VancouverAug 26, 2025 4:52 PM - Pervez Sandhu
ਇਸ ਵੀਕਐਂਡ ਦੌਰਾਨ ਸ਼ਨੀਵਾਰ ਨੂੰ ਰਿਚਮੰਡ 'ਚ ਮਿਸਿਲ ਹੂਪਸ ਸਾਲਾਨਾ ਬਾਸਕਿਟਬਾਲ ਟੂਰਨਾਮੈਂਟ ਦਾ ਪ੍ਰਬੰਧ ਕੀਤਾ ਗਿਆ।
ਟੂਰਨਾਮੈਂਟ 'ਚ ਹਿੱਸਾ ਲੈਣ ਵੱਡੀ ਗਿਣਤੀ 'ਚ ਖਿਡਾਰੀ ਰਿਚਮੰਡ ਓਲੰਪਿਕ ਓਵਲ ਪਹੁੰਚੇ ਹੋਏ ਸਨ। ਇਸ ਦੌਰਾਨ ਖਿਡਾਰੀ 3 ਔਨ 3 ਦੇ ਦਿਲਚਸਪ ਮੁਕਾਬਲਿਆਂ 'ਚ ਹਿੱਸਾ ਲੈਂਦੇ ਵਿਖਾਈ ਦਿੱਤੇ।
ਟੂਰਨਾਮੈਂਟ 'ਚ ਅੰਡਰ-16, ਅੰਡਰ-18 ਅਤੇ ਪੁਰਸ਼ਾਂ ਦੇ ਓਪਨ ਅਤੇ ਔਰਤਾਂ ਦੇ ਸਾਰੇ ਉਮਰ ਵਰਗਾਂ 'ਚ ਮੁਕਾਬਲੇ ਵੇਖਣ ਨੂੰ ਮਿਲੇ।
ਖਾਸ ਗੱਲ ਇਹ ਸੀ ਕਿ ਮੁਕਾਬਲਿਆਂ ਦੇ ਨਾਲ ਹੀ ਪਲਾਜ਼ਾ ਦੇ ਬਾਹਰ ਦੀ ਜਗ੍ਹਾ 'ਚ ਕੁਝ ਮਜ਼ੇਦਾਰ ਅਤੇ ਦਿਲਚਸਪ ਐਕਟੀਵਿਟੀਸ ਦਾ ਵੀ ਪ੍ਰਬੰਧ ਕੀਤਾ ਗਿਆ ਸੀ ਅਤੇ ਵੈਂਡਰਸ ਨੇ ਕੁਝ ਸਟਾਲ ਵੀ ਲਗਾਏ ਸਨ।
ਖਿਡਾਰੀਆਂ ਸਮੇਤ ਉਨ੍ਹਾਂ ਦੇ ਨਾਲ ਪਹੁੰਚੇ ਅਨੇਕਾਂ ਲੋਕਾਂ ਨੂੰ ਬਾਹਰ ਦੀਆਂ ਐਕਟੀਵਿਟੀਸ 'ਚ ਵੀ ਹਿੱਸਾ ਲੈਂਦੇ ਵੇਖਿਆ ਗਿਆ।
ਟੂਰਨਾਮੈਂਟ ਦੇ ਪ੍ਰਬੰਧਕਾਂ 'ਚ ਸ਼ਾਮਿਲ ਮਹਿਤਾਬ ਗਿੱਲ ਨੇ ਆਖਿਆ ਕਿ ਟੂਰਨਾਮੈਂਟ ਕਾਮਯਾਬੀ ਨਾਲ ਸੰਪੰਨ ਹੋਇਆ।
ਉਨ੍ਹਾਂ ਆਖਿਆ ਕਿ ਖਿਡਾਰੀਆਂ ਦੇ ਪ੍ਰੀਵਾਰਿਕ ਮੈਂਬਰ ਅਤੇ ਮੁਕਾਬਲੇ ਵੇਖਣ ਅਨੇਕਾਂ ਲੋਕਾਂ ਨੇ ਬਾਹਰ ਦੀਆਂ ਐਕਟੀਵਿਟੀਸ 'ਚ ਵੀ ਉਸੇ ਪ੍ਰਕਾਰ ਦੀ ਦਿਲਚਸਪੀ ਵਿਖਾਈ ਜਿਸ ਤਰ੍ਹਾਂ ਦਾ ਉਤਸ਼ਾਹ ਉਹ ਮੈਦਾਨ ਦੇ ਅੰਦਰ ਹੋ ਰਹੇ ਮੁਕਾਬਲਿਆਂ ਪ੍ਰਤੀ ਵਿਖਾ ਰਹੇ ਸਨ।
ਬੀਤੇ ਸਾਲ ਇਸੇ ਟੂਰਨਾਮੈਂਟ ਦਾ ਪ੍ਰਬੰਧ ਐਸ.ਐਫ.ਯੂ. ਵਿਖੇ ਕੀਤਾ ਗਿਆ ਸੀ।
