7.48C Vancouver 7.48C VancouverFeb 24, 2020 10:51 PM -
ਫੈਡਰਲ ਕੈਬਿਨੇਟ ਮੰਤਰੀ, ਔਂਟੈਰੀਓ 'ਚ ਬੈਲਾਵਿਲ ਦੇ ਕੋਲ ਕੀਤੀ ਗਈ ਪੁਲਿਸ ਕਾਰਵਾਈ ਦੇ ਪੱਖ 'ਚ ਨਿੱਤਰੇ ਹਨ।
ਰੇਲ ਅੜਿੱਕਿਆਂ ਨੂੰ ਲੈਕੇ ਕੀਤੇ ਗਏ ਪੁਲਿਸ ਐਕਸ਼ਨ ਦਾ ਫੈਡਰਲ ਮੰਤਰੀ ਬਚਾਅ ਕਰ ਰਹੇ ਹਨ, ਅਤੇ ਟਰਾਂਸਪੋਰਟ ਮੰਤਰੀ ਮਾਰਕ ਗਾਰਨੇਊ ਦਾ ਕਹਿਣਾ ਹੈ ਕਿ ਪੁਲਿਸ ਦੀ ਕਾਰਵਾਈ ਦਾ ਟਰੂਡੋ ਸਰਕਾਰ ਦੀ ਫਰਸਟ ਨੇਸ਼ਨਸ ਲੋਕਾਂ (First Nations people) ਦੇ ਨਾਲ ਸ਼ਾਂਤੀ ਸਥਾਪਿਤ ਕਰਨ ਦੀ ਕੋਸ਼ਿਸ਼ 'ਤੇ ਕੋਈ ਗਲਤ ਅਸਰ ਨਹੀਂ ਹੋਵੇਗਾ।
ਯਾਦ ਰਹੇ ਇਹ ਬਿਆਨ ਉਸ ਵੇਲੇ ਆਏ ਹਨ ਜਦ ਔਂਟੈਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਨੇ ਕਾਰਵਾਈ ਕਰਦਿਆਂ, ਇੰਡੀਜਨਸ ਪ੍ਰਦਰਸ਼ਨਕਾਰੀਆਂ ਦੇ ਲਗਾਏ ਰੇਲ ਅੜਿੱਕਿਆਂ ਨੂੰ ਸੋਮਵਾਰ ਸਵੇਰੇ ਹਟਾ ਦਿੱਤਾ ਹੈ।
ਇਸ ਦੌਰਾਨ ਕੁਝ ਗਿਰਫਤਾਰੀਆਂ ਵੀ ਹੋਈਆਂ, ਅਤੇ ਪੁਲਿਸ ਤੇ ਪ੍ਰਦਰਸ਼ਨਕਾਰੀਆਂ ਵਿਚਾਲੇ ਕੁਝ ਝੜਪ ਦੀਆਂ ਵੀ ਖਬਰਾਂ ਉਜਾਗਰ ਹੋਈਆਂ।
