18.99C Vancouver 18.99C VancouverMar 18, 2025 7:32 PM - Connect Newsroom
ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਆਰਕਟਿਕ ਖੇਤਰ ਵਿਚ ਰੂਸ ਅਤੇ ਚੀਨ ਦੇ ਖ਼ਤਰਿਆਂ ਦਾ ਸਾਹਮਣਾ ਕਰਨ ਲਈ ਆਸਟ੍ਰੇਲੀਆ ਨਾਲ ਮਿਲ ਕੇ ਸ਼ੁਰੂਆਤੀ ਚੇਤਾਵਨੀ ਰਾਡਾਰ ਮਿਜ਼ਾਈਲ ਖੋਜ ਪ੍ਰਣਾਲੀ ਸਥਾਪਿਤ ਕਰਨ ਦੀ ਘੋਸ਼ਣਾ ਕੀਤੀ ਹੈ। ਇਸ ਲਈ $6 ਬਿਲੀਅਨ ਖਰਚੇ ਜਾਣਗੇ।
ਕਾਰਨੀ ਨੇ ਮੰਗਲਵਾਰ ਨੂੰ ਨੂਨਾਵਤ ਵਿਚ ਕਿਹਾ ਕਿ ਔਟਵਾ ਆਰਕਟਿਕ ਵਿਚ ਕੈਨੇਡਾ ਦੀ ਜ਼ਮੀਨ, ਪਾਣੀ ਅਤੇ ਸਮੁੰਦਰ ਦੀ ਪ੍ਰਭੂਸੱਤਾ ਬਰਕਰਾਰ ਰੱਖਣ ਲਈ ਕੈਨੇਡੀਅਨ ਹਥਿਆਰਬੰਦ ਸੈਨਾਵਾਂ ਦੀ ਮੌਜੂਦਗੀ ਵੀ ਵਧਾਏਗਾ। ਉਨ੍ਹਾਂ ਕਿਹਾ ਕਿ ਇਸ ਸਬੰਧੀ ਫੈਡਰਲ ਸਰਕਾਰ $420 ਮਿਲੀਅਨ ਨਿਵੇਸ਼ ਕਰ ਰਹੀ ਹੈ।
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਦੱਸਿਆ ਕਿ ਓਵਰ-ਦੀ-ਹੋਰਾਈਜ਼ਨ ਰਾਡਾਰ ਸਿਸਟਮ ਅਤੇ ਵਾਪਰਕ ਸਬੰਧਾਂ ਬਾਰੇ ਉਨ੍ਹਾਂ ਅੱਜ ਸਵੇਰ ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਐਂਥਨੀ ਅਲਬਾਨੀਜ਼ ਨਾਲ ਗੱਲ ਕੀਤੀ। ਕਾਰਨੀ ਨੇ ਕਿਹਾ ਕਿ ਕੈਨੇਡਾ ਟੈਰਿਫ ਅਤੇ ਬਦਲਦੀ ਵਿਸ਼ਵ ਆਰਥਿਕਤਾ ਦਾ ਸਾਹਮਣਾ ਕਰਨ ਲਈ ਭਰੋਸੇਯੋਗ ਸਹਿਯੋਗੀਆਂ ਨਾਲ ਮਿਲ ਕੇ ਕੰਮ ਕਰ ਰਿਹਾ ਹੈ।
