ਮਾਰਕ ਕਾਰਨੀ ਸਰਕਾਰ ਤੇਲ ਅਤੇ ਗੈਸ ਉਤਪਾਦਨ ਸੀਮਾ ਨੂੰ ਰੱਖੇਗੀ ਬਰਕਰਾਰ ,ਵਾਤਾਵਰਣ ਮੰਤਰੀ ਨੇ ਕੀਤੀ ਪੁਸ਼ਟੀ

ਕੈਨੇਡਾ ਦੀ ਤੇਲ ਅਤੇ ਗੈਸ ਸੈਕਟਰ ਨੂੰ ਮਾਰਕ ਕਾਰਨੀ ਸਰਕਾਰ ਤੋਂ ਰਾਹਤ ਨਹੀਂ ਮਿਲਣ ਵਾਲੀ, ਵਾਤਾਵਰਣ ਮੰਤਰੀ ਟੈਰੀ ਡੁਗਿਡ ਨੇ ਪੁਸ਼ਟੀ ਕੀਤੀ ਹੈ ਕਿ ਕਾਰਨੀ ਸਰਕਾਰ ਤੇਲ ਅਤੇ ਗੈਸ ਦੇ ਉਤਪਾਦਨ 'ਤੇ ਪਿਛਲੀ ਟਰੂਡੋ ਸਰਕਾਰ ਸਮੇਂ ਲਗਾਈ ਗਈ ਕੈਪ ਬਰਕਰਾਰ ਰੱਖੇਗੀ।

ਇਸ ਦਾ ਮਤਲਬ ਹੈ ਕਿ ਉਤਪਾਦਕਾਂ ਨੂੰ ਅਗਲੇ ਅੱਠ ਸਾਲਾਂ ਵਿਚ ਨਿਕਾਸ ਨੂੰ ਲਗਭਗ ਇੱਕ ਤਿਹਾਈ ਘਟਾਉਣ ਦੇ ਨਾਲ ਹੀ ਉਤਪਾਦਨ ਵਿਚ ਵੀ ਕਮੀ ਕਰਨੀ ਹੋਵੇਗੀ।

ਲਿਬਰਲ ਨੇ ਪਿਛਲੇ ਸਾਲ ਨਵੰਬਰ ਵਿਚ ਇਸ ਸਬੰਧੀ ਡਰਾਫਟ ਨਿਯਮ ਜਾਰੀ ਕੀਤੇ ਸਨ। ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਅਤੇ ਤੇਲ ਤੇ ਗੈਸ ਸੈਕਟਰ ਇਸ ਯੋਜਨਾ ਦੀ ਆਲੋਚਨਾ ਕਰ ਚੁੱਕੇ ਹਨ।

ਇਸ ਹਫ਼ਤੇ ਤੇਲ-ਗੈਸ ਸੈਕਟਰ ਦੇ ਉੱਚ ਅਧਿਕਾਰੀਆਂ ਦੇ ਇੱਕ ਗਰੁੱਪ ਨੇ 4 ਪ੍ਰਮੁੱਖ ਸੰਘੀ ਰਾਜਨੀਤਿਕ ਪਾਰਟੀਆਂ ਦੇ ਨੇਤਾਵਾਂ ਨੂੰ ਉਤਪਾਦਨ ਕੈਪ ਨੂੰ ਖਤਮ ਕਰਨ ਦੀ ਮੰਗ ਕੀਤੀ ਸੀ। ਸਿਰਫ ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਕਿਹਾ ਕਿ ਉਹ ਸੱਤਾ ਵਿਚ ਆਏ ਤਾਂ ਇਸ ਕੈਪ ਨੂੰ ਹਟਾ ਦੇਣਗੇ ਅਤੇ ਇਸ ਮਸਲੇ 'ਤੇ ਉਨ੍ਹਾਂ ਕਾਰਨੀ ਦੀ ਆਲੋਚਨਾ ਵੀ ਕੀਤੀ।