14.69C Vancouver 14.69C VancouverMar 31, 2025 7:09 PM - Connect Newsroom
ਕੈਨੇਡਾ ਵਿਚ ਜਾਰੀ ਹਾਊਸਿੰਗ ਸੰਕਟ ਵਿਚਕਾਰ ਲਿਬਰਲ ਲੀਡਰ ਮਾਰਕ ਕਾਰਨੀ ਨੇ ਸੱਤਾ ਵਿਚ ਵਾਪਸੀ 'ਤੇ ਹਰ ਸਾਲ ਕਰੀਬ 500,000 ਨਵੇਂ ਘਰ ਬਣਾਉਣ ਅਤੇ ਬਿਲਡ ਕੈਨੇਡਾ ਹੋਮ ਨਾਂ ਦੀ ਇੱਕ ਨਵੀਂ ਹਾਊਸਿੰਗ ਸੰਸਥਾ ਬਣਾਉਣ ਦੀ ਘੋਸ਼ਣਾ ਕੀਤੀ ਹੈ ਜੋ ਕੈਨੇਡਾ ਵਿਚ ਕਿਫਾਇਤੀ ਘਰਾਂ ਦੇ ਨਿਰਮਾਣ ਦੀ ਦੇਖ-ਰੇਖ ਕਰਨ ਵਾਲੇ ਡਿਵੈਲਪਰ ਦੇ ਰੂਪ ਵਿਚ ਕੰਮ ਕਰੇਗੀ।
ਕਾਰਨੀ ਨੇ ਕਿਹਾ ਕਿ ਉਨ੍ਹਾਂ ਦੀ ਲਿਬਰਲ ਸਰਕਾਰ ਘਰਾਂ ਦੇ ਨਿਰਮਾਣ ਨੂੰ ਦੁੱਗਣਾ ਕਰੇਗੀ, ਜਿਸ ਨਾਲ ਕੀਮਤਾਂ ਵੀ ਘੱਟ ਹੋ ਜਾਣਗੀਆਂ। ਗੌਰਤਲਬ ਹੈ ਕਿ ਹਾਲ ਹੀ ਦੇ ਸਾਲਾਂ ਦੌਰਾਨ ਕੈਨੇਡਾ ਵਿਚ ਘਰਾਂ ਦੀ ਕੀਮਤਾਂ ਵਿਚ ਨਾਟਕੀ ਵਾਧਾ ਹੋਇਆ ਹੈ। ਫਰਵਰੀ 2025 ਵਿਚ ਘਰਾਂ ਦੀ ਔਸਤਨ ਕੀਮਤ $713,700 ਦਰਜ ਹੋਈ ਹੈ,
ਹਾਲਾਂਕਿ ਇਹ 2022 ਦੇ ਪੀਕ ਤੋਂ ਘੱਟ ਹੈ ਜਦੋਂ ਕੋਵਿਡ ਕਾਰਨ ਕੀਮਤਾਂ ਵਿਚ ਉਛਾਲ ਆਇਆ ਸੀ ਅਤੇ ਇਹ ਔਸਤਨ $852,000 ਤੱਕ ਪਹੁੰਚ ਗਈਆਂ ਸਨ।
ਖਾਸ ਗੱਲ ਇਹ ਹੈ ਕਿ 2015 ਵਿਚ ਜਦੋਂ ਲਿਬਰਲਸ ਨੇ ਸੱਤਾ ਸੰਭਾਲੀ ਸੀ ਤਾਂ ਔਸਤਨ ਕੀਮਤਾਂ ਲਗਭਗ $441,000 ਸਨ। ਉਥੇ ਹੀ, 2006 ਵਿਚ ਜਦੋਂ ਕੰਜ਼ਰਵੇਟਿਵ ਸੱਤਾ ਵਿਚ ਸੀ ਤਾਂ ਔਸਤਨ ਕੀਮਤਾਂ ਲਗਭਗ $263,000 ਸਨ।
