15.33C Vancouver 15.33C VancouverJun 17, 2022 12:08 AM - The Canadian Press
ਸਾਲ 2026 ਦੇ ਫੁੱਟਬਾਲ ਵਿਸ਼ਵ ਕੱਪ ਦੇ ਮੁਕਾਬਲੇ ਵੈਨਕੂਵਰ ਪਹੁੰਚ ਰਹੇ ਹਨ।
ਵੈਨਕੂਵਰ 'ਚ ਵਿਸ਼ਵ ਕੱਪ ਦੇ ਕੁੱਲ 6 ਮੁਕਾਬਲੇ ਖੇਡੇ ਜਾਣਗੇ।
ਇਸ ਸੰਬੰਧੀ ਐਲਾਨ ਅੱਜ ਫੀਫਾ ਪ੍ਰਧਾਨ ਗੀਆਨੀ ਇੰਫੈਂਟੀਨੋ ਅਤੇ ਕੌਨਕੈਫ ਪ੍ਰਧਾਨ ਵਿਕਟਰ ਮੈਂਟਾਗਿਲੀਆਨੀ ਨੇ ਕੀਤਾ।
ਸਾਲ 2026 ਦੇ ਫੁੱਟਬਾਲ ਵਿਸ਼ਵ ਕੱਪ ਦੀ ਮੇਜਬਾਨੀ ਅਮਰੀਕਾ, ਕੈਨੇਡਾ ਅਤੇ ਮੈਕਸੀਕੋ ਵੱਲੋਂ ਕੀਤੀ ਜਾ ਰਹੀ ਹੈ।
ਅੱਜ ਦੇ ਐਲਾਨ ਦੌਰਾਨ ਮੇਜਬਾਨ ਸ਼ਹਿਰਾਂ ਦੇ ਨਾਮ ਸੰਬੰਧੀ ਐਲਾਨ ਦੌਰਾਨ ਸਭ ਤੋਂ ਪਹਿਲਾਂ ਪੱਛਮੀ ਇਲਾਕੇ 'ਚ ਸਥਿਤ ਸ਼ਹਿਰਾਂ ਦਾ ਐਲਾਨ ਕੀਤਾ ਗਿਆ।
ਇਸ ਦੌਰਾਨ ਦੱਸਿਆ ਗਿਆ ਕਿ ਵੈਨਕੂਵਰ 'ਚ ਸਾਲ 2026 ਦੇ ਫੁੱਟਬਾਲ ਵਿਸ਼ਵ ਕੱਪ ਦੇ ਮੁਕਾਬਲੇ ਖੇਡੇ ਜਾਣਗੇ।
ਯਾਦ ਰਹੇ ਇਹ ਪਹਿਲਾ ਮੌਕਾ ਹੈ ਜਦ ਕੈਨੇਡਾ ਪੁਰਸ਼ਾਂ ਦੇ ਫੁੱਟਬਾਲ ਵਿਸ਼ਵ ਕੱਪ ਦੀ ਮੇਜਬਾਨੀ ਕਰਦਾ ਵਿਖਾਈ ਦਵੇਗਾ।
ਇਸ ਵਿਸ਼ਵ ਕੱਪ 'ਚ ਕੁੱਲ 48 ਟੀਮਾਂ ਹਿੱਸਾ ਲੈਂਦੀਆਂ ਵਿਖਾਈ ਦੇਣਗੀਆਂ।
ਵੈਨਕੂਵਰ ਦੇ ਮੇਅਰ ਕੈਨੇਡੀ ਸਟੀਵਰਟ ਦਾ ਕਹਿਣਾ ਹੈ ਕਿ ਉਹ ਬੇਹੱਦ ਉਤਸ਼ਾਹਤ ਹਨ ਕਿ ਫੀਫਾ ਵਿਸ਼ਵ ਕੱਪ 2026 'ਚ ਵੈਨਕੂਵਰ ਨੂੰ ਮੇਜਬਾਨ ਸ਼ਹਿਰ ਦਾ ਮਾਣ ਹਾਸਿਲ ਹੋਣ ਜਾ ਰਿਹਾ ਹੈ।
ਸਟੀਵਰਟ ਨੇ ਇਸ ਨੂੰ ਫੁੱਟਬਾਲ ਪ੍ਰਸ਼ੰਸਕਾਂ ਲਈ ਜਨਰੇਸ਼ਨ 'ਚ ਇੱਕ ਵਾਰ ਮਿਲਣ ਵਾਲਾ ਮੌਕਾ ਦੱਸਿਆ।
ਉਨ੍ਹਾਂ ਕਿਹਾ ਕਿ ਇਸ ਨਾਲ ਸ਼ਹਿਰ ਦੇ ਟੂਰਿਜ਼ਮ ਨੂੰ ਹੁਲਾਰਾ ਮਿਲੇਗਾ।
ਵੈਨਕੂਵਰ ਤੋਂ ਇਲਾਵਾ ਟੋਰੌਂਟੋ ਨੂੰ ਵੀ ਵਿਸ਼ਵ ਕੱਪ ਮੁਕਾਬਲਿਆਂ ਦੀ ਮੇਜਬਾਨੀ ਦਾ ਮਾਣ ਹਾਸਿਲ ਹੋਣ ਜਾ ਰਿਹਾ ਹੈ।
