14.17C Vancouver 14.17C VancouverDec 10, 2021 11:35 PM - The Canadian Press
ਮੇਅਰ ਡਗ ਮੈਕੁਲਮ 'ਤੇ ਪਬਲਿਕ ਮਿਸਚੀਫ ਦੇ ਦੋਸ਼ ਲੱਗੇ ਹਨ।
ਇਸ ਦੀ ਜਾਣਕਾਰੀ ਅੱਜ ਸਵੇਰੇ ਸਾਹਮਣੇ ਆਈ ਹੈ।
ਇੱਕ ਮਾਮਲੇ ਦੀ ਜਾਂਚ ਤੋਂ ਬਾਅਦ ਸਪੈਸ਼ਲ ਪ੍ਰਸਿਕਿਊਟਰ ਰਿਚਰਡ ਫਾਉਲਰ ਵੱਲੋਂ ਮੈਕੁਲਮ ਖਿਲਾਫ ਦੋਸ਼ ਲਗਾਏ ਜਾਣ ਦੀ ਮਨਜ਼ੂਰੀ ਦਿੱਤੀ ਗਈ ਹੈ।
4 ਸਿਤੰਬਰ ਨੂੰ ਸਰੀ ਦੇ ਇੱਕ ਸਟੋਰ ਦੇ ਬਾਹਰ ਵਾਪਰੀ ਘਟਨਾ ਸੰਬੰਧਤ ਜਾਂਚ ਕੀਤੀ ਗਈ ਸੀ।
ਇਸ ਮਾਮਲੇ ਦੀ ਸੁਣਵਾਈ 25 ਜਨਵਰੀ ਨੂੰ ਸਰੀ ਪ੍ਰੋਵਿੰਸ਼ੀਅਲ ਕੋਰਟ 'ਚ ਹੋਵੇਗੀ।
ਹਾਲਾਂਕਿ ਸਰੀ ਪੁਲਿਸ ਸਰਵਿਸ ਨੇ ਆਖਿਆ ਹੈ ਕਿ ਡਗ ਮੈਕੁਲਮ ਇਨ੍ਹਾਂ ਦੋਸ਼ਾਂ ਦੇ ਬਾਵਜੂਦ ਪੁਲਿਸ ਬੋਰਡ ਦੇ ਚੇਅਰ ਵਜੋਂ ਬਣੇ ਰਹਿਣਗੇ।
ਸਰੀ ਦੇ ਮੇਅਰ ਡਗ ਮੈਕੁਲਮ 'ਤੇ ਹੋਏ ਕਥਿਤ ਸ਼ਬਦੀ ਹਮਲੇ ਅਤੇ ਉਨ੍ਹਾਂ ਦੇ ਪੈਰ 'ਤੇ ਕਥਿਤ ਤੌਰ 'ਤੇ ਗੱਡੀ ਚੜ੍ਹਾਉਣ ਦੇ ਮਾਮਲੇ 'ਚ ਜਾਂਚ ਕੀਤੀ ਗਈ ਸੀ।
ਡਗ ਮੈਕੁਲਮ ਨੇ ਇਲਜਾਮ ਲਗਾਏ ਸਨ ਕਿ ਉਹ ਗਰੋਸਰੀ ਸ਼ੌਪਿੰਗ ਲਈ ਗਏ ਸਨ ਅਤੇ ਇਸੇ ਦੌਰਾਨ ਉਨ੍ਹਾਂ ਨੂੰ ਕੁਝ ਲੋਕਾਂ ਦੀ ਤਿੱਖੀ ਟਿੱਪਣੀ ਦਾ ਸਾਹਮਣਾ ਕਰਨਾ ਪਿਆ ਤੇ ਉਸ ਤੋਂ ਬਾਅਦ ਇਹਨਾਂ ਲੋਕਾਂ ਨੇ ਉਨ੍ਹਾਂ ਦੇ ਪੈਰ 'ਤੇ ਗੱਡੀ ਚੜ੍ਹਾ ਦਿੱਤੀ।
