15.76C Vancouver 15.76C VancouverDec 20, 2023 6:14 PM - The Canadian Press
ਮਾਂਟਰੀਅਲ ਦੀ ਮੈਕਗਿਲ ਯੂਨੀਵਰਸਿਟੀ ਨੇ ਸੂਬਾ ਸਰਕਾਰ ਵੱਲੋਂ ਵਧਾਈ ਗਈ ਟਿਊਸ਼ਨ ਫੀਸ ਵਿਚਕਾਰ ਬਾਹਰਲੇ ਵਿਦਿਆਰਥੀਆਂ ਨੂੰ ਸਪੋਰਟ ਦੇਣ ਦਾ ਫੈਸਲਾ ਕੀਤਾ ਹੈ। ਯੂਨੀਵਰਸਿਟੀ ਨੇ ਕਿਹਾ ਕਿ ਉਹ ਨਵੇਂ ਅੰਡਰਗਰੈਜੂਏਟ ਵਿਦਿਆਰਥੀਆਂ ਲਈ ਸਾਲਾਨਾ $3,000 ਦਾ ਸਕਾਲਰਸ਼ਿਪ ਅਵਾਰਡ ਦੀ ਪੇਸ਼ਕਸ਼ ਕਰਨ ਜਾ ਰਹੀ ਹੈ। ਇਹ 4 ਸਾਲ ਤੱਕ ਦੀ ਸਟੱਡੀ ਲਈ ਗਾਰੰਟੀਸ਼ੁਦਾ ਹੋਵੇਗਾ।
ਨਵੇਂ ਵਿਦਿਆਰਥੀਆਂ ਨੂੰ ਇਹ ਸਕਾਲਰਸ਼ਿਪ ਅਵਾਰਡ 2024-2025 ਦੇ ਸਕੂਲ ਸਾਲ ਤੋਂ ਮਿਲਣਾ ਸ਼ੁਰੂ ਹੋਵੇਗਾ, ਜਦੋਂ ਸੂਬਾ ਸਰਕਾਰ ਵੱਲੋਂ ਵਧਾਈ ਗਈ ਟਿਊਸ਼ਨ ਫੀਸ ਲਾਗੂ ਹੋ ਰਹੀ ਹੈ। ਮੈਕਗਿਲ ਯੂਨੀਵਰਸਿਟੀ ਨੇ ਕਿਹਾ ਕਿ ਕਿਊਬੈਕ ਸਰਕਾਰ ਵੱਲੋਂ ਸੂਬੇ ਤੋਂ ਬਾਹਰਲੇ ਕੈਨੇਡੀਅਨ ਵਿਦਿਆਰਥੀਆਂ ਲਈ ਟਿਊਸ਼ਨ ਫੀਸ $9,000 ਤੋਂ ਵਧਾ ਕੇ $12,000 ਕੀਤੀ ਗਈ ਹੈ, ਜਿਸ ਨੂੰ ਮੌਜੂਦਾ ਪੱਧਰ 'ਤੇ ਬਣਾਈ ਰੱਖਣ ਲਈ ਉਸ ਨੇ $3,000 ਦੀ ਸਕਾਲਰਸ਼ਿਪ ਦੇਣ ਦਾ ਫੈਸਲਾ ਕੀਤਾ ਹੈ, ਲਗਭਗ 1,200 ਵਿਦਿਆਰਥੀ ਇਸ ਲਈ ਯੋਗ ਹੋਣਗੇ।
ਮੈਕਗਿਲ ਦੇ ਡਿਪਟੀ ਪ੍ਰੋਵੋਸਟ Fabrice Labeau ਨੇ ਕਿਹਾ ਕਿ ਯੂਨੀਵਰਸਿਟੀ ਪਹਿਲਾਂ ਹੀ ਵਿੱਤੀ ਸੰਕਟ ਦਾ ਸਾਹਮਣਾ ਕਰ ਰਹੀ ਹੈ ਪਰ ਵਿਦਿਆਰਥੀਆਂ ਨੂੰ ਬਣਾਈ ਰੱਖਣ ਲਈ ਇਹ ਖ਼ਰਚ ਕਰਨਾ ਸਾਡੀ ਤਰਜੀਹ ਹੈ।
ਇਹ ਸਕਾਲਰਸ਼ਿਪ -ਆਰਟਸ, ਖੇਤੀਬਾੜੀ, ਵਾਤਾਵਰਣ ਵਿਗਿਆਨ, ਨਰਸਿੰਗ ਅਤੇ ਵਿਗਿਆਨ ਪ੍ਰੋਗਰਾਮ ਨਾਲ ਜੁੜੇ ਵਿਦਿਆਰਥੀਆਂ ਨੂੰ ਮਿਲੇਗੀ।
