ਮੈਕਸੀਕੋ ਦੇ Teotihuacan pyramids ਵਿਖੇ ਹੋਈ Mass ਸ਼ੂਟਿੰਗ ਵਿਚ ਕੈਨੇਡੀਅਨ ਸੈਲਾਨੀ ਦੀ ਹੋਈ ਮੌਤ

ਕੈਨੇਡਾ ਦੀ ਇੱਕ ਟੂਰਿਸਟ ਦੀ ਸੋਮਵਾਰ ਨੂੰ ਮੈਕਸੀਕੋ ਦੇ Teotihuacan pyramids ਵਿਖੇ ਹੋਈ Mass ਸ਼ੂਟਿੰਗ ਵਿਚ ਮੌਤ ਹੋ ਗਈ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਤਿਹਾਸਕ ਪਿਰਾਮਿਡ ਵਿਚੋਂ ਇੱਕ ਦੇ ਉੱਪਰ ਖੜ੍ਹੇ ਸ਼ੂਟਰ ਨੇ ਸੈਲਾਨੀ 'ਤੇ ਗੋਲੀਆਂ ਚਲਾਈਆਂ, ਇਸ ਘਟਨਾ ਵਿਚ ਘੱਟੋ-ਘੱਟ 13 ਹੋਰ ਲੋਕ ਵੀ ਜ਼ਖਮੀ ਹੋਏ ਹਨ। ਸ਼ੱਕੀ ਦੀ ਪਛਾਣ 27 ਸਾਲਾ ਨੌਜਵਾਨ ਵਜੋਂ ਹੋਈ, ਜਿਸ ਨੇ ਖ਼ੁਦ ਨੂੰ ਵੀ ਗੋਲੀ ਮਾਰ ਕੇ ਖ਼ਤਮ ਕਰ ਲਿਆ।

ਸੁਰੱਖਿਆ ਅਧਿਕਾਰੀ ਮੁਤਾਬਕ, ਮੌਕੇ ਤੋਂ ਇੱਕ ਪਿਸਤੌਲ, ਚਾਕੂ ਅਤੇ ਜ਼ਿੰਦਾ ਕਾਰਤੂਸ ਬਰਾਮਦ ਕੀਤੇ ਗਏ। ਹਸਪਤਾਲ ਵਿਚ ਦਾਖ਼ਲ ਕਰਵਾਏ ਗਏ ਜ਼ਖ਼ਮੀਆਂ ਵਿਚ 29 ਸਾਲਾ ਇੱਕ ਹੋਰ ਕੈਨੇਡੀਅਨ ਮਹਿਲਾ ਸ਼ਾਮਲ ਹੈ, ਜਿਸ ਦੀ ਪਿੱਠ ਦੇ ਉੱਪਰਲੇ ਹਿੱਸੇ ਵਿਚ ਗੋਲੀ ਲੱਗੀ ਹੈ। ਬਾਕੀ ਜ਼ਖਮੀ ਲੋਕਾਂ ਵਿਚ 6 ਅਮਰੀਕੀ, 1 ਰੂਸੀ, ਤਿੰਨ ਕੋਲੰਬੀਅਨ ਅਤੇ 2 ਬ੍ਰਾਜ਼ੀਲੀਅਨ ਸ਼ਾਮਲ ਸਨ, ਪੰਜ ਲੋਕਾਂ ਨੂੰ ਛੁੱਟੀ ਦੇ ਦਿੱਤੀ ਗਈ ਹੈ।

ਵਿਦੇਸ਼ ਮੰਤਰੀ ਅਨੀਤਾ ਆਨੰਦ ਨੇ ਇਸ ਮੰਦਭਾਗੀ ਘਟਨਾ 'ਤੇ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਅਧਿਕਾਰੀਆਂ ਵਲੋਂ ਪ੍ਰਭਾਵਿਤ ਕੈਨੇਡੀਅਨ ਪਰਿਵਾਰਾਂ ਨੂੰ ਹਰ ਸੰਭਵ ਸਹਾਇਤਾ ਪ੍ਰਦਾਨ ਕੀਤੀ ਜਾ ਰਹੀ ਹੈ। ਦੂਜੇ ਪਾਸੇ, ਮੈਕਸੀਕੋ ਸਰਕਾਰ ਨੇ ਘਟਨਾ ਦੀ ਉੱਚ ਪੱਧਰੀ ਜਾਂਚ ਦੇ ਹੁਕਮ ਦਿੱਤੇ ਹਨ।