ਚੇਅਰ ਫ਼ਾਰ ਸਿਲੈਕਟ ਸਟੈਂਡਿੰਗ ਕਮੇਟੀ ਔਨ ਪਬਲਿਕ ਅਕਾਊਂਟਸ ਦੀ ਮਾਈਕ ਬਰਨੀਅਰ ਨੂੰ ਮਿਲੀ ਜ਼ਿੰਮੇਵਾਰੀ

ਬੀ.ਸੀ. ਲਿਬਰਲ ਐਮ.ਐਲ.ਏ. ਮਾਈਕ ਬਰਨੀਅਰ ਨੂੰ 'ਚੇਅਰ ਫਾਰ ਸਿਲੈਕਟ ਸਟੈਂਡਿੰਗ ਕਮੇਟੀ ਔਨ ਪਬਲਿਕ ਅਕਾਊਂਟਸ' (Chair for the Select Standing Committee on Public Accounts) ਨਿਯੁਕਤ ਕੀਤਾ ਗਿਆ ਹੈ।

ਇਸ ਕਮੇਟੀ ਦਾ ਕੰਮ ਇਕਾਨਮੀ ਦੀ ਸਕਰੂਟਨੀ ਕਰਨਾ, ਸਰਕਾਰੀ ਸੰਗਠਨਾਂ ਅਤੇ ਔਡੀਟਰ ਜਨਰਲ ਦੀਆਂ ਰਿਪੋਰਟਸ ਦੇ ਪ੍ਰਭਾਵ ਅਤੇ ਕੁਸ਼ਲਤਾ ਲਈ ਕੰਮ ਕਰਨਾ ਹੋਵੇਗਾ।

ਬਰਨੀਅਰ ਨੇ ਕਿਹਾ, "ਇਸ ਕਮੇਟੀ ਦੇ ਮੁਖੀ ਬਣਨਾ ਉਨ੍ਹਾਂ ਲਈ ਮਾਣ ਦੀ ਗੱਲ ਹੈ।"

ਪੀਸ ਰਿਵਰ ਸਾਊਥ ਤੋਂ ਐਮ.ਐਲ.ਏ. ਅਤੇ ਬੀ.ਸੀ. ਲਿਬਰਲ ਫਾਈਨੈਂਸ ਕ੍ਰਿਟਿਕ, ਮਾਈਕ ਬਰਨੀਅਰ ਨੇ ਨਾਲ ਹੀ ਕਿਹਾ ਕਿ, "ਬ੍ਰਿਟਿਸ਼ ਕੋਲੰਬੀਅਨਸ ਸਰਕਾਰ 'ਚ ਆਪਣਾ ਵਿਸ਼ਵਾਸ ਦਰਸ਼ਾਉਂਦੇ ਹਨ ਕਿ ਉਨ੍ਹਾਂ ਦੇ ਫੰਡਸ ਦੀ ਵਰਤੋਂ ਸਹੀ ਢੰਗ ਨਾਲ ਕੀਤੀ ਜਾਵੇ, ਜਿਸ ਨਾਲ ਇਸ ਕਮੇਟੀ ਦਾ ਕੰਮ ਹੋਰ ਵੀ ਅਹਿਮ ਹੋ ਜਾਂਦਾ ਹੈ ਕਿ ਸਰਕਾਰ ਨੂੰ ਖਰਚੇ ਜਾਣ ਵਾਲੇ ਪੈਸੇ ਸੰਬੰਧੀ ਜਵਾਬਦੇਹ ਬਣਾਇਆ ਜਾਵੇ।"

ਯਾਦ ਰਹੇ ਬਰਨੀਅਰ ਬੀਤੇ ਸਾਲ ਨਵੰਬਰ ਤੋਂ ਫਾਈਨੈਂਸ ਕ੍ਰਿਟਿਕ ਦੀ ਭੂਮਿਕਾ 'ਚ ਰਹੇ ਹਨ।