14.16C Vancouver 14.16C VancouverOct 1, 2020 5:29 PM -
ਆਈ.ਐੱਸ.ਆਈ.ਐੱਲ ਖਿਲਾਫ਼ 6 ਸਾਲ ਪੁਰਾਣੀ ਲੜਾਈ ਦੇ ਚਲਦਿਆਂ ਅਮਰੀਕਾ ਅਤੇ ਇਰਾਕ ਵਿਚ ਵੱਧ ਰਹੇ ਤਨਾਅ ਵਿਚਕਾਰ ਕੈਨੇਡੀਅਨ ਟਰੂਪਸ ਦੇ ਫਸਣ ਦਾ ਖ਼ਤਰਾ ਬਣਿਆ ਹੋਇਆ ਹੈ।
ਇਕਾਰ ਵਿਚ, ਇਰਾਨ ਦੀ ਸ਼ਹਿ ਵਾਲੇ ਮੀਲੀਸ਼ੀਆ ਸਮੂਹਾਂ ਕਾਰਨ ਪੈਦਾ ਹੋਏ ਖ਼ਤਰੇ ਵਿਚਕਾਰ, ਵੌਸ਼ਿੰਗਟਨ ਅਤੇ ਬਗ਼ਦਾਦ ਦਰਮਿਆਨ ਤਨਾਅ ਵੱਧ ਗਿਆ ਹੈ। ਕਈ ਹਫਤਿਆਂ ਤੋਂ ਅਮਰੀਕੀ ਨਿਸ਼ਾਨਿਆਂ ਉੱਤੇ ਹਮਲੇ ਵੀ ਵੱਧ ਗਏ ਹਨ।
ਬਗ਼ਦਾਦ ਵਿਚ ਅਮਰੀਕੀ ਦੂਤਘਰ 'ਤੇ ਕਈ ਰੌਕੇਟ ਹਮਲੇ ਹੋਏ ਅਤੇ ਬੁੱਧਵਾਰ ਨੂੰ ਅਮਰੀਕੀ ਮਿਲਿਟਰੀ ਬੇਸ ਨੂੰ ਨਿਸ਼ਾਨਾ ਬਣਾ ਕੇ ਵੀ ਇੱਕ ਹਮਲਾ ਕੀਤਾ ਗਿਆ, ਜਿੱਥੇ ਦਰਜਨਾਂ ਕੈਨੇਡੀਅਨ ਸਿਪਾਹੀ ਰਹਿੰਦੇ ਹਨ।
ਅਮਰੀਕਾ ਦੇ ਮਿਲਿਟਰੀ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਦਾਗਿਆ ਗਿਆ ਰੌਕੇਟ, ਬੇਸ ਉੱਤੇ ਹਮਲਾ ਨਹੀਂ ਕਰ ਸਕਿਆ।
ਡਿਪਾਰਟਮੈਂਟ ਔਫ਼ ਨੈਸ਼ਨਲ ਡਿਫੈਂਸ ਮੁਤਾਬਕ ਕੈਨੇਡੀਅਨ ਜਿੱਥੇ ਸੁਰੱਖਿਅਤ ਹਨ।
ਜ਼ਿਕਰਯੋਗ ਹੈ ਕਿ ਕੈਨੇਡਾ ਦੇ ਤਕਰੀਬਨ 170 ਮਿਲਿਟਰੀ ਮੈਂਬਰ ਇਰਾਕ ਵਿਚ ਹਨ, ਅਤੇ ਸਪੈਸ਼ਲ ਫੋਰਸਿਸ ਦੇ ਸਿਪਾਹੀ ਇਰਬਿਲ ਦੇ ਬਾਹਰ ਅਤੇ ਹੋਰ ਕਈ ਓਪਰੇਸ਼ਨਜ਼ 'ਤੇ ਕੰਮ ਕਰ ਰਹੇ ਹਨ, ਇਨ੍ਹਾਂ ਸਿਪਾਹੀਆਂ ਦੀ ਗਿਣਤੀ ਜਨਤਕ ਨਹੀਂ ਕੀਤੀ ਗਈ ਹੈ।
ਇਰਾਕ ਵਿਚ ਕੈਨੇਡਾ ਦੇ ਐਮਬੈਸਡਰ ਨੇ ਇਨ੍ਹਾਂ ਹਮਲਿਆਂ 'ਤੇ ਚਿੰਤਾ ਦਾ ਪ੍ਰਗਟਾਵਾ ਕੀਤਾ ਹੈ।
