7.39C Vancouver 7.39C VancouverDec 31, 2025 3:45 PM - Connect Newsroom - Ramandeep Kaur with files from The Canadian Press
ਵੈਨਕੂਵਰ ਪੁਲਿਸ ਨੂੰ ਇੱਕ ਲਾਪਤਾ 16 ਸਾਲਾ ਲੜਕੀ ਦੀ ਲਾਸ਼ ਬਰਾਮਦ ਹੋਈ ਹੈ। ਜਾਣਕਾਰੀ ਮੁਤਾਬਕ, ਨਾਬਾਲਗ ਲੜਕੀ ਦੀ ਪਹਿਲਾਂ ਨੌਰਥ ਵੈਨਕੂਵਰ ਵਿਚ ਗੁੰਮਸ਼ੁਦਗੀ ਦੀ ਰਿਪੋਰਟ ਕੀਤੀ ਗਈ ਸੀ। ਪਰਿਵਾਰ ਅਤੇ ਪੁਲਿਸ ਵੱਲੋਂ ਉਸ ਦੀ ਕਾਫੀ ਭਾਲ ਕੀਤੀ ਗਈ ਪਰ ਅਗਲੇ ਦਿਨ ਯਾਨੀ ਮੰਗਲਵਾਰ ਨੂੰ ਉਸ ਦੀ ਲਾਸ਼ ਵੈਨਕੂਵਰ ਦੇ ਈਸਟ ਪੇਂਡਰ ਅਤੇ ਰੇਨਫ੍ਰੂ ਸਟ੍ਰੀਟ ਦੇ ਇਲਾਕੇ ਵਿਚ ਸਥਿਤ ਇੱਕ ਘਰ ਵਿਚੋਂ ਮਿਲੀ।
ਪੁਲਿਸ ਨੇ ਫਿਲਹਾਲ ਸੁਰੱਖਿਆ ਕਾਰਨਾਂ ਅਤੇ ਪਰਿਵਾਰ ਦੀ ਨਿੱਜਤਾ ਕਰਕੇ ਲੜਕੀ ਦੀ ਪਛਾਣ ਜਨਤਕ ਨਹੀਂ ਕੀਤੀ ਹੈ। ਪੁਲਿਸ ਨੇ ਦੱਸਿਆ ਕਿ ਸੋਮਵਾਰ ਰਾਤ ਨੂੰ ਲੜਕੀ ਦੇ ਫੋਨ ਦੀ ਲੋਕੇਸ਼ਨ ਇਸੇ ਇਲਾਕੇ ਵਿਚ ਆਈ ਸੀ, ਜਿਸ ਤੋਂ ਬਾਅਦ ਡੋਰ-ਟੂ-ਡੋਰ ਸਰਚ ਮੁਹਿੰਮ ਚਲਾਈ ਗਈ ਅਤੇ ਮੰਗਲਵਾਰ ਸਵੇਰੇ ਕਿਸੇ ਵਲੋਂ 911 'ਤੇ ਕਾਲ ਕਰਨ ਤੋਂ ਬਾਅਦ ਲਾਸ਼ ਬਰਾਮਦ ਹੋਈ।
ਪੁਲਿਸ ਨੇ ਕਿਹਾ ਕਿ ਫਿਲਹਾਲ ਮੌਤ ਦੇ ਅਸਲ ਕਾਰਨਾਂ ਬਾਰੇ ਕੁਝ ਨਹੀਂ ਕਿਹਾ ਜਾ ਸਕਦਾ। ਜਾਂਚਕਰਤਾ ਇਸ ਸਮੇਂ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਕਿ ਕੀ ਇਹ ਮੌਤ ਕਿਸੇ ਅਪਰਾਧਿਕ ਘਟਨਾ ਦਾ ਨਤੀਜਾ ਸੀ। ਮਾਮਲੇ ਦੀ ਜਾਂਚ ਮੇਜਰ ਕ੍ਰਾਈਮ ਯੂਨਿਟ ਨੇ ਸੰਭਾਲੀ ਹੈ।
