19.98C Vancouver 19.98C VancouverDec 8, 2023 7:15 PM - Connect News
ਕੈਲਗਰੀ ਵਿੱਚ ਵੀਰਵਾਰ ਰਾਤ ਹੋਈ ਸਨੋਅ ਫੌਲ ਕਾਰਨ ਬੀਤੀ ਰਾਤ ਤੋਂ ਅੱਜ ਸਵੇਰ ਤੱਕ 200 ਤੋਂ ਵੱਧ ਹਾਦਸੇ ਵਾਪਰੇ ਹਨ। ਤੂਫਾਨ ਕਾਰਨ ਡਰਾਈਵਰਾਂ ਨੂੰ ਕਾਫੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ। ਪੁਲਿਸ ਮੁਤਾਬਕ 200 ਵਿੱਚੋਂ 13 ਹਾਦਸਿਆਂ ਦੌਰਾਨ ਲੋਕ ਜ਼ਖਮੀ ਹੋਏ ਹਨ ।
ਉਨ੍ਹਾਂ ਦੱਸਿਆ ਕਿ 6 ਹਾਦਸੇ ਅੱਜ ਸਵੇਰੇ ਵਾਪਰੇ, ਜਿਨ੍ਹਾਂ ਵਿੱਚੋਂ ਇੱਕ ਹਾਦਸੇ ਦੌਰਾਨ ਸੱਟਾਂ ਲੱਗਣ ਦੀ ਖਬਰ ਹੈ। ਸੜਕਾਂ ਸਲਿੱਪਰੀ ਹੋਣ ਕਾਰਨ ਵਾਹਨਾਂ 'ਤੇ ਕੰਟਰੋਲ ਘੱਟ ਜਾਂਦਾ ਹੈ। ਸਿਟੀ ਅਧਿਕਾਰੀਆਂ ਮੁਤਾਬਕ ਉਨ੍ਹਾਂ ਨੇ ਸੜਕਾਂ ਤੋਂ ਸਨੋਅ ਹਟਾਉਣ ਲਈ ਹੋਰ ਕਰੂ ਅਤੇ 60 ਟਰੱਕ ਮੰਗਵਾਏ ਹਨ। ਰੌਲਰ ਕੋਸਟਰ ਦੀ ਮਦਦ ਨਾਲ ਸਨੋਅ ਹਟਾਉਣ ਦਾ ਕੰਮ ਹੋ ਰਿਹਾ ਹੈ।
ਲੋਕਾਂ ਨੂੰ ਸੁਚੇਤ ਕੀਤਾ ਗਿਆ ਹੈ ਕਿ ਉਨ੍ਹਾਂ ਨੂੰ ਡਰਾਈਵ ਕਰਨ ਵਿੱਚ ਵਧੇਰੇ ਸਮਾਂ ਲ਼ੱਗ ਸਕਦਾ ਹੈ। ਸਿਟੀ ਤੋਂ ਬਾਹਰ ਪਹਾੜ ਵੱਲ ਜਾਣ ਵਾਲੇ ਲੋਕਾਂ ਨੂੰ ਸੜਕ 'ਤੇ ਪਰੇਸ਼ਾਨੀ ਹੋ ਸਕਦੀ ਹੈ।
ਗੌਰਤਲਬ ਹੈ ਕਿ ਟਰਾਂਸ-ਕੈਨੇਡਾ ਹਾਈਵੇਅ 'ਤੇ ਇੱਕ ਲੇਨ ਸਾਫ਼ ਹੈ ਜਦਕਿ ਦੂਜੀ ਲੇਨ ਅਜੇ ਵੀ ਸਨੋਅ ਨਾਲ ਢਕੀ ਹੋਈ ਹੈ, ਅਤੇ ਵਿਜ਼ਬਿਲਿਟੀ ਵਧੀਆ ਨਹੀਂ ਹੈ। ਇਸ ਲਈ ਜ਼ਰੂਰੀ ਨਾ ਹੋਵੇ ਤਾਂ ਟਰੈਵਲ ਕਰਨ ਤੋਂ ਬਚਣਾ ਚਾਹੀਦਾ ਹੈ।
