20.39C Vancouver 20.39C VancouverJan 4, 2021 6:27 PM -
ਟਵਾਸਨ ਦੇ ਵਿੱਚ ਇੱਕ ਇੰਡੀਪੈਂਡੈਂਟ ਲਿਵਿੰਗ ਕਮਿਊਨਿਟੀ 'ਚ ਕੋਵਿਡ-19 ਦੀ ਆਊਟਬ੍ਰੇਕ, ਬਦ ਤੋਂ ਬਦਤਰ ਹੁੰਦੀ ਜਾਂਦੀ ਦੱਸੀ ਗਈ ਹੈ।
ਇੱਥੇ ਦਰਜਨਾਂ ਲੋਕ ਪਾਜ਼ਿਟਿਵ ਪਾਏ ਜਾ ਚੁੱਕੇ ਹਨ।
ਵਾਟਰਫੋਰਡ ਇੰਡੀਪੈਂਡੈਂਟ ਲਿਵਿੰਗ ਕਮਿਊਨਿਟੀ (Waterford Independent Living Community) ਵਿੱਚ 26 ਦਿਸੰਬਰ ਨੂੰ ਆਊਟਬ੍ਰੇਕ ਐਲਾਨਿਆ ਗਿਆ ਸੀ।
2 ਜਨਵਰੀ ਤੱਕ ਇੱਥੇ ਪੀੜਤਾਂ ਦੀ ਗਿਣਤੀ 15 ਸੀ, ਪਰ ਹੁਣ ਇਹ ਗਿਣਤੀ ਵੱਧ ਕੇ 57 ਤੱਕ ਪਹੁੰਚ ਗਈ ਹੈ।
ਇਸ 'ਚ 51 ਰੈਜੀਡੈਂਟ ਅਤੇ 6 ਸਟਾਫ਼ ਮੈਂਬਰ ਪੀੜਤ ਦੱਸੇ ਗਏ ਹਨ।
ਫਰੇਜ਼ਰ ਹੈਲਥ ਰਿਜਨ 'ਚ ਦੋ ਆਊਟਬ੍ਰੇਕ ਖਤਮ ਹੋਏ ਐਲਾਨੇ
ਫਰੇਜ਼ਰ ਹੈਲਥ ਵੱਲੋਂ 2 ਲੌਂਗ ਟਰਮ ਕੇਅਰ ਹੋਮਸ ਵਿੱਚ ਕੋਵਿਡ-19 ਆਊਟਬ੍ਰੇਕ ਖਤਮ ਹੋਏ ਐਲਾਨੇ ਗਏ ਹਨ।
ਫਰੇਜ਼ਰ ਹੈਲਥ ਅਨੁਸਾਰ ਮੇਪਲ ਰਿੱਜ ਵਿਚ 'ਹੋਲੀਰੂਡ ਮੇਨਰ' ਅਤੇ ਸਰੀ ਦੇ 'ਦ ਰੈਜ਼ੀਡੈਂਸ ਐਟ ਕਲੇਟਨ ਹਾਈਟਸ' (The Residence at Clayton Heights) ਵਿੱਚ ਆਊਟਬ੍ਰੇਕ ਸੰਬੰਧੀ ਕੋਈ ਮਾਮਲੇ ਨਹੀਂ ਰਹਿ ਗਏ ਹਨ।
ਸਿਹਤ ਅਥਾਰਿਟੀ ਵੱਲੋਂ ਇਹ ਵੀ ਕਿਹਾ ਗਿਆ ਹੈ ਕਿ ਕੋਵਿਡ-19 ਦੇ ਹਲਕੇ ਜਿਹੇ ਵੀ ਲੱਛਣ ਮਹਿਸੂਸ ਕਰਨ 'ਤੇ ਟੈਸਟ ਕਰਵਾਉਣਾ ਜ਼ਰੂਰੀ ਹੈ।
ਯਾਦ ਰਹੇ ਅੱਜ ਬੀ.ਸੀ. 'ਚ ਸਿਹਤ ਅਧਿਕਾਰੀਆਂ ਵੱਲੋਂ ਦੁਪਹਿਰ 3 ਵਜੇ ਕੋਵਿਡ-19 ਦੇ ਅੰਕੜਿਆਂ ਸੰਬੰਧੀ ਅਪਡੇਟ ਪ੍ਰਦਾਨ ਕੀਤੀ ਜਾਵੇਗੀ।
