7.65C Vancouver 7.65C VancouverMar 30, 2026 3:37 PM - Connect Newsroom - Jasmine Singh with files from The Canadian Press
ਨਿਊ ਵੈਸਟਮਿੰਸਟਰ ਵਿਚ ਸ਼ਨੀਵਾਰ ਨੂੰ ਇੱਕ ਹਿੱਟ ਐਂਡ ਰਨ ਦੀ ਘਟਨਾ ਹੋਈ, ਜਿੱਥੇ ਇੱਕ ਮੋਟਰਸਾਈਕਲ ਸਵਾਰ ਨੂੰ ਇੱਕ ਵੈਨ ਡਰਾਈਵਰ ਟੱਕਰ ਮਾਰਨ ਤੋਂ ਬਾਅਦ ਫਰਾਰ ਹੋ ਗਿਆ।
ਪੁਲਿਸ ਮੁਤਾਬਕ, ਘਟਨਾ ਸ਼ਾਮ 5.30 ਵਜੇ ਮੈਕਬ੍ਰਾਈਡ ਬੁਲੇਵਾਰਡ ਦੇ 200 ਬਲਾਕ ਵਿਚ ਵਾਪਰੀ, ਇਨਵੈਸਟੀਗੇਟਰਸ ਦਾ ਕਹਿਣਾ ਹੈ ਕਿ ਇਹ ਇੱਕ ਚਿੱਟੇ ਰੰਗ ਦੀ ਵੈਨ ਸੀ, ਜੋ ਟੱਕਰ ਮਗਰੋਂ ਮੌਕੇ 'ਤੇ ਨਹੀਂ ਰੁਕੀ। ਫਿਲਹਾਲ ਪੁਲਿਸ ਵਲੋਂ ਪੀੜਤ ਦੀ ਮੌਜੂਦਾ ਹਾਲਤ ਅਤੇ ਉਸ ਦੀ ਪਛਾਣ ਸਾਂਝੀ ਨਹੀਂ ਕੀਤੀ ਗਈ।
ਸਾਰਜੈਂਟ ਜੈਕਲੀਨ ਮੂਲਾ ਦਾ ਕਹਿਣਾ ਸੀ ਕਿ ਪੁਲਿਸ ਵਲੋਂ ਜਾਂਚ ਚੱਲ ਰਹੀ ਹੈ ਅਤੇ ਜਿਨ੍ਹਾਂ ਕੋਲ ਇਸ ਘਟਨਾ ਦੀ ਵੀਡੀਓ ਫੁਟੇਜ ਹੋ ਸਕਦੀ ਹੈ ਉਨ੍ਹਾਂ ਨੂੰ ਨਿਊ ਵੈਸਟਮਿੰਸਟਰ ਪੁਲਿਸ ਨਾਲ ਸਹਿਯੋਗ ਦੀ ਅਪੀਲ ਕੀਤੀ ਗਈ ਹੈ। ਪੁਲਿਸ ਦਾ ਮੰਨਣਾ ਹੈ ਕਿ ਕਿ ਟੱਕਰ ਤੋਂ ਪਹਿਲਾਂ ਵੈਨ ਮੈਕਬ੍ਰਾਈਡ ਬੁਲੇਵਾਰਡ 'ਤੇ ਨੌਰਥ ਬਾਊਂਡ ਜਾ ਰਹੀ ਸੀ ਅਤੇ ਹਾਦਸੇ ਤੋਂ ਬਾਅਦ ਡਰਾਈਵਰ ਸਾਊਥ ਬਾਊਂਡ ਫ਼ਰਾਰ ਹੋ ਗਿਆ ਸੀ।
