17.88C Vancouver 17.88C VancouverAug 18, 2021 10:27 PM -
ਫਰੇਜ਼ਰ ਵੈਲੀ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਵਾਹਨ ਚਾਲਕਾਂ ਨੇ ਧੰਨਵਾਦ ਕੀਤਾ ਹੈ ਕਿ ਇੱਕ ਸਪੋਰਟਸ ਕਾਰ ਨੂੰ ਹਾਈਵੇ 1 'ਤੇ ਰੋਕਿਆ ਗਿਆ।
ਮਾਮਲਾ ਤੇਜ਼ ਰਫਤਾਰ ਦਾ ਸੀ।
ਆਰ.ਸੀ.ਐਮ.ਪੀ. ਦੇ ਬੀ.ਸੀ. ਹਾਈਵੇ ਪੈਟਰੋਲ ਦੇ ਇੱਕ ਅਫ਼ਸਰ ਨੇ ਇੱਕ ਪੀਲੇ ਰੰਗ ਦੀ ਨਿਸਾਨ ਜੀ.ਟੀ.ਆਰ. ਨੂੰ ਹਾਈਵੇ 'ਤੇ ਪੱਛਮ ਦਿਸ਼ਾ 'ਚ ਜਾਂਦੇ ਵੇਖਿਆ।
ਇਸ ਗੱਡੀ ਦੀ ਰਫਤਾਰ 181km ਪ੍ਰਤੀ ਘੰਟਾ 'ਤੇ ਦਰਜ ਕੀਤੀ ਗਈ।
ਜਿਸ ਮੌਕੇ ਗੱਡੀ ਦੀ ਰਫਤਾਰ ਵੇਖੀ ਗਈ ਉਸ ਇਲਾਕੇ 'ਚ ਸਪੀਡ ਲਿਮਿਟ 100km ਪ੍ਰਤੀ ਘੰਟਾ ਦੀ ਹੈ।
ਅਫ਼ਸਰ ਨੇ ਵਾਹਨ ਰੋਕਿਆ ਅਤੇ ਤੇਜ ਰਫਤਾਰ ਲਈ $483 ਦਾ ਜੁਰਮਾਨਾ ਅਤੇ ਅਣਗਹਿਲੀ ਵਾਲੀ ਡਰਾਈਵਿੰਗ ਲਈ $368 ਦਾ ਜੁਰਮਾਨਾ ਕੀਤਾ ਗਿਆ।
ਇਸ ਵਾਹਨ ਨੂੰ 7 ਦਿਨ ਲਈ ਇੰਪਾਉਂਡ ਕਰ ਲਿਆ ਗਿਆ।
ਪੁਲਿਸ ਨੇ ਦੱਸਿਆ ਕਿ ਜਦ ਗੱਡੀ ਨੂੰ ਰੋਕਿਆ ਗਿਆ ਤਾਂ ਨੇੜੇ ਤੋਂ ਲੰਘਦੇ ਲੋਕਾਂ ਨੇ ਹੌਂਕ ਕਰ ਕੇ ਅਜਿਹਾ ਕਰਨ ਲਈ ਧੰਨਵਾਦ ਕੀਤਾ।
