15.33C Vancouver 15.33C VancouverAug 28, 2020 9:39 PM -
ਐਨ.ਬੀ.ਏ. ਅਤੇ ਲੀਗ ਦੇ ਖਿਡਾਰੀਆਂ 'ਚ ਸਹਿਮਤੀ ਬਣ ਗਈ ਹੈ, ਅਤੇ ਹੁਣ ਕੱਲ ਤੋਂ ਪਲੇਆਫ਼ ਮੁਕਾਬਲੇ ਫਿਰ ਤੋਂ ਖੇਡੇ ਜਾਣਗੇ।
ਦੋਨਾਂ ਪੱਖਾਂ ਦਾ ਕਹਿਣਾ ਹੈ ਕਿ ਉਹ ਤੁਰੰਤ ਪ੍ਰਭਾਵ ਨਾਲ ਸੋਸ਼ਲ ਜਸਟਿਸ ਗਠਜੋੜ ਸਥਾਪਿਤ ਕਰਨ ਜਾ ਰਹੇ ਹਨ।
ਇਸ ਦੇ ਵਿੱਚ ਖਿਡਾਰੀ, ਕੋਚ ਅਤੇ ਮਾਲਿਕ ਹਿੱਸਾ ਹੋਣਗੇ ਅਤੇ ਇਹ ਪੁਲਿਸ ਅਤੇ ਕ੍ਰਿਮੀਨਲ ਜਸਟਿਸ ਸੁਧਾਰ ਲਈ ਕੰਮ ਕਰਨਗੇ।
ਯਾਦ ਰਹੇ ਇਹ ਪ੍ਰਦਰਸ਼ਨ ਉਸ ਵੇਲੇ ਹੋਏ ਹਨ, ਜਦ ਅਮਰੀਕਾ ਦੇ ਵਿਸਕਾਨਸਿਨ 'ਚ 29 ਸਾਲਾ ਜੇਕਬ ਬਲੇਕ ਨਾਮ ਦੇ ਵਿਅਕਤੀ 'ਤੇ ਪੁਲਿਸ ਅਫ਼ਸਰ ਵੱਲੋਂ ਚਲਾਈਆਂ ਗਈਆਂ 7 ਗੋਲੀਆਂ ਦੇ ਮਾਮਲੇ 'ਚ ਵੱਡੇ ਪੱਧਰ 'ਤੇ ਕਾਰਵਾਈ ਦੀ ਮੰਗ ਕੀਤੀ ਜਾ ਰਹੀ ਹੈ।
ਇਸ ਘਟਨਾ ਤੋਂ ਬਹੁਤ ਐਨ.ਐੱਚ.ਐੱਲ. ਅਤੇ ਐਨ.ਬੀ.ਏ. ਜਿਹੀਆਂ ਲੀਗਜ਼ ਦੇ ਕਈ ਮੁਕਾਬਲੇ ਪੋਸਟਪੋਨ ਹੋ ਗਏ ਹਨ, ਅਤੇ ਖਿਡਾਰੀ ਵੀ ਜੇਕਬ ਬਲੇਕ ਨਾਲ ਵਾਪਰੀ ਘਟਨਾ 'ਚ ਆਵਾਜ਼ ਬੁਲੰਦ ਕਰ ਰਹੇ ਹਨ।
ਕਈ ਨਾਮੀ ਟੀਮਾਂ ਅਤੇ ਖਿਡਾਰੀ ਖੁਲ੍ਹ ਕੇ 'ਬਲੈਕ ਲਾਈਵਜ਼ ਮੈਟਰ' ਪ੍ਰਦਰਸ਼ਨਾਂ ਦੇ ਪੱਖ 'ਚ ਖੜੇ ਹੋ ਗਏ ਹਨ।
