23.8C Vancouver 23.8C VancouverMay 13, 2020 7:23 PM -
ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਦਾ ਕਹਿਣਾ ਹੈ ਕਿ ਸਾਰੇ ਹੀ ਕਨੇਡੀਅਨਸ ਕੋਲ ਦੋ ਹਫਤੇ ਦੀ ਬਿਮਾਰੀ ਸੰਬੰਧੀ ਛੁੱਟੀ (sick leave) ਦੇ ਬੈਨੀਫਿਟ ਹਾਸਿਲ ਕਰਨ ਦੀ ਇਜਾਜ਼ਤ ਹੋਣੀ ਚਾਹੀਦੀ ਹੈ।
ਸੂਬਿਆਂ 'ਚ ਇੱਕ ਵਾਰ ਫੇਰ ਵਿੱਤੀ ਗਤੀਵਿਧੀਆਂ ਦੀ ਸ਼ੁਰੂਆਤ ਹੋਣ ਜਾ ਰਹੀ ਹੈ ਅਤੇ ਇਸੇ ਮੌਕੇ ਜਗਮੀਤ ਸਿੰਘ ਨੇ ਇਹ ਬਿਆਨ ਦਿੱਤੇ ਹਨ।
ਜਗਮੀਤ ਸਿੰਘ ਦਾ ਮੰਨਣਾ ਹੈ ਕਿ ਜੇਕਰ ਅਜਿਹਾ ਨਹੀਂ ਕੀਤਾ ਜਾਂਦਾ, ਤਾਂ ਕੰਮ ਕਰਨ ਵਾਲਿਆਂ ਕੋਲ ਇਹ ਚੋਣ (choice) ਹੀ ਨਹੀਂ ਬਚਦੀ ਕਿ ਇਨਫੈਕਸ਼ਨ ਸੰਬੰਧੀ ਸ਼ੱਕ ਹੋਣ 'ਤੇ ਘਰ ਬੈਠਿਆ ਜਾਵੇ ਅਤੇ ਬਾਕੀਆਂ ਨੂੰ ਉਸ ਤੋਂ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇ।
ਜਗਮੀਤ ਸਿੰਘ ਨੇ ਕਿਹਾ ਕਿ ਅਜਿਹਾ ਕਰਨ ਵਾਲੇ ਲਈ ਉਸ ਦੇ ਬਿੱਲ ਇੱਕ ਚੁਣੌਤੀ ਬਣ ਜਾਣਗੇ।
ਉਨ੍ਹਾਂ ਕਿਹਾ ਕਿ ਸਰਕਾਰ ਨੂੰ ਕੈਨੇਡਾ ਐਮਰਜੈਂਸੀ ਰਿਸਪਾਂਸ ਬੈਨੀਫਿਟ (CERB) ਅਤੇ ਐਂਪਲਾਇਮੈਂਟ ਇੰਸ਼ੋਰੈਂਸ (EI) ਵਿੱਚ ਬਿਮਾਰੀ ਸੰਬੰਧੀ ਛੁੱਟੀ ਨੂੰ ਸ਼ਾਮਿਲ ਕੀਤਾ ਜਾਣਾ ਚਾਹੀਦਾ ਹੈ।
ਜਗਮੀਤ ਸਿੰਘ ਨੇ ਕਿਹਾ ਕਿ ਇਸ ਸੰਬੰਧੀ ਹਾਊਸ ਆਫ ਕਾਮਨਜ਼ ਦੇ ਵਿੱਚ ਇੱਕ ਮਤਾ ਵੀ ਰੱਖਿਆ ਜਾਵੇਗਾ।
ਹਾਲਾਂਕਿ ਫੈਡਰਲ ਸਰਕਾਰ ਨੇ ਅੱਜ ਇਸ ਪ੍ਰਪੋਜ਼ਲ ਨੂੰ ਸ਼ਾਮਿਲ ਕਰਨ ਸੰਬੰਧੀ ਸਹਿਮਤੀ ਜ਼ਾਹਿਰ ਨਹੀਂ ਕੀਤੀ, ਪਰ ਐਂਪਲਾਇਮੈਂਟ ਮੰਤਰੀ (Employment Minister) ਕਾਰਲਾ ਕੁਆਲਟਰੋ (Carla Qualtrough) ਦਾ ਕਹਿਣਾ ਹੈ ਕਿ ਉਹ ਸੂਬਾ ਸਰਕਾਰਾਂ ਨਾਲ ਸੰਪਰਕ ਬਣਾ ਰਹੇ ਹਨ ਕਿ ਇਸ ਮਾਮਲੇ ਸੰਬੰਧੀ ਕੀ ਕਦਮ ਚੁੱਕੇ ਜਾ ਸਕਦੇ ਹਨ।
ਹਾਲ ਦੀ ਘੜੀ, ਜਿਹੜੇ ਲੋਕਾਂ ਨੂੰ 14 ਦਿਨ ਤੋਂ ਕੋਵਿਡ-19 ਸੰਬੰਧੀ ਬਿਮਾਰੀ ਦੀ ਹਾਲਤ ਵਿੱਚ ਤਨਖਾਹ ਨਹੀਂ ਮਿਲੀ ਜਾਂ ਜਿਹੜੇ ਲੋਕ ਕੁਆਰੰਟੀਨ ਵਿੱਚ ਸਨ, ਉਨ੍ਹਾਂ ਨੂੰ ਸੀ.ਈ.ਆਰ.ਬੀ. (CERB) ਰਾਹੀਂ ਪੇਮੈਂਟ ਕੀਤੀ ਜਾ ਰਹੀ ਹੈ।
