16.42C Vancouver 16.42C VancouverJan 13, 2025 7:05 PM - Connect Newsroom
ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਡੋਨਲਡ ਟਰੰਪ ’ਤੇ ਵੱਡਾ ਹਮਲਾ ਬੋਲਿਆ ਹੈ, ਔਟਵਾ ਵਿਚ ਪੱਤਰਕਾਰਾਂ ਨਾਲ ਗੱਲ ਕਰਦੇ ਉਨ੍ਹਾਂ ਕਿਹਾ ਕਿ ਟਰੰਪ ਸਿਰਫ਼ ਇੱਕ ਚੀਜ਼ ਸਮਝਦੇ ਹਨ ਅਤੇ ਉਹ ਹੈ ਤਾਕਤ, ਜਗਮੀਤ ਸਿੰਘ ਨੇ ਕਿਹਾ ਕਿ ਟਰੰਪ ਨੂੰ ਟੈਰਿਫ ਤੋਂ ਪਿੱਛੇ ਧੱਕਣ ਲਈ ਸਾਨੂੰ ਅਮਰੀਕਾ ਨੂੰ ਨਾਜ਼ੁਕ ਖਣਿਜ ਦੀ ਸਪਲਾਈ ਬੰਦ ਕਰਨੀ ਹੋਵੇਗੀ ਅਤੇ ਕੈਨੇਡੀਅਨਾਂ ਨੂੰ ਨੁਕਸਾਨ ਪਹੁੰਚਾਉਣ ਵਾਲੇ ਕਿਸੇ ਵੀ ਟੈਰਿਫ ਦਾ ਜਵਾਬ ਵੀ ਉਸੇ ਤਰ੍ਹਾਂ ਟੈਰਿਫ ਨਾਲ ਦੇਣਾ ਹੋਵੇਗਾ।
ਗੌਰਤਲਬ ਹੈ ਕਿ ਟਰੰਪ 20 ਜਨਵਰੀ ਨੂੰ ਅਮਰੀਕਾ ਦੇ ਰਾਸ਼ਰਪਤੀ ਦੇ ਤੌਰ ’ਤੇ ਕਾਰਜਕਾਰ ਸੰਭਾਲਣਗੇ, ਹੁਣ ਤੱਕ ਤਮਾਮ ਕੋਸ਼ਿਸ਼ਾਂ ਦੇ ਬਾਵਜੂਦ ਉਨ੍ਹਾਂ ਟੈਰਿਫ ਤੋਂ ਪਿੱਛੇ ਹਟਣ ਦਾ ਸੰਕੇਤ ਨਹੀਂ ਦਿੱਤਾ ਹੈ।
ਨਵੰਬਰ ਵਿਚ ਚੋਣਾਂ ਜਿੱਤਣ ਦੇ ਤੁਰੰਤ ਬਾਅਦ ਹੀ ਉਨ੍ਹਾਂ ਘੋਸ਼ਣਾ ਕੀਤੀ ਸੀ ਕਿ ਉਹ ਅਹੁਦਾ ਸੰਭਾਲਦੇ ਹੀ ਕੈਨੇਡਾ ਤੋਂ ਆਉਣ ਵਾਲੇ ਹਰ ਮਾਲ ’ਤੇ 25 ਫੀਸਦੀ ਟੈਰਿਫ ਲਗਾਉਣਗੇ।
ਜੇ ਉਹ ਇਸ ਕਦਮ ’ਤੇ ਅੱਗੇ ਵਧਦੇ ਹਨ ਤਾਂ ਇਸ ਨਾਲ ਦੋਵੇਂ ਮੁਲਕਾਂ ਵਿਚਕਾਰ ਟਰੇਡ ਵਾਰ ਸ਼ੁਰੂ ਹੋਣ ਦੀ ਪੂਰੀ ਸੰਭਾਵਨਾ ਹੈ ਜਿਸ ਦਾ ਅਸਰ ਮਹਿੰਗਾਈ ਤੇ ਰੁਜ਼ਗਾਰ ਦੋਵਾਂ ’ਤੇ ਹੋਵੇਗਾ।
