6.36C Vancouver 6.36C VancouverJun 20, 2022 2:12 PM - THE CANADIAN PRESS
ਐਲਬਰਟਾ ਐੱਨ. ਡੀ. ਪੀ. ਲੀਡਰ ਰੇਸ਼ਲ ਨੋਟਲੇ ਨੇ ਸਟਾਫ ਤੇ ਵਾਲੰਟੀਅਰਾਂ ਨਾਲ ਬਦਸਲੂਕੀ ਦੀਆਂ ਸ਼ਿਕਾਇਤਾਂ ਤੋਂ ਬਾਅਦ ਪਾਰਟੀ ਮੈਂਬਰਾਂ ਤੋਂ ਮੁਆਫੀ ਮੰਗੀ ਹੈ।
ਗੌਰਤਲਬ ਹੈ ਕਿ ਤਿੰਨ ਮਹੀਨੇ ਪਹਿਲਾਂ ਨਿਊ ਡੈਮੋਕਰੇਟ ਦੇ 15 ਹਲਕਾ ਪ੍ਰਧਾਨਾਂ ਅਤੇ ਖੇਤਰੀ ਉਪ-ਪ੍ਰਧਾਨਾਂ ਨੇ ਇੱਕ ਪੱਤਰ ਲਿਖ ਕੇ ਪਾਰਟੀ ਵਿਚ ਹੋ ਰਹੇ ਦੁਰਵਿਵਹਾਰ ਦੀ ਸੁਤੰਤਰ ਜਾਂਚ ਲਈ ਥਰਡ-ਪਾਰਟੀ ਨੂੰ ਨਿਯੁਕਤ ਕਰਨ ਦੀ ਮੰਗ ਕੀਤੀ ਸੀ।
ਨੋਟਲੇ ਨੇ ਕੱਲ੍ਹ ਐੱਨ. ਡੀ. ਪੀ. ਪ੍ਰੋਵਿੰਸ਼ੀਅਲ ਕੌਂਸਲ ਨੂੰ ਦਿੱਤੇ ਇੱਕ ਭਾਸ਼ਣ ਦੌਰਾਨ ਕਿਹਾ ਕਿ ਇੱਕ ਬਾਹਰੀ ਫਰਮ ਵੱਲੋਂ ਸ਼ਿਕਾਇਤਾਂ ਦੀ ਜਾਂਚ ਕੀਤੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਸੁਤੰਤਰ ਜਾਂਚ ਟੀਮ ਐੱਨ. ਡੀ. ਪੀ. ਦੀਆਂ ਹਿਊਮਨ ਰੀਸੋਰਸ ਪਾਲਿਸੀਜ਼ ਦਾ ਰੀਵਿਊ ਕਰੇਗੀ, ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਪਾਰਟੀ ਵਿਚ ਪਾਲਿਸੀਜ਼ ਤੇ ਕੋਡ ਆਫ ਕੰਡਕਟ ਸਹੀ ਢੰਗ ਨਾਲ ਲਾਗੂ ਹਨ।
ਉਨ੍ਹਾਂ ਅੱਗੇ ਵਾਅਦਾ ਕੀਤਾ ਕਿ ਪਾਰਟੀ ਦੇ ਸਾਰੇ ਕਾਰਜਕਾਰੀ ਸਟਾਫ ਨੂੰ ਐਡੀਸ਼ਨਲ ਵਰਕਪਲੇਸ ਟ੍ਰੇਨਿੰਗ ਦਿੱਤੀ ਜਾਵੇਗੀ, ਜਿਸ ਵਿਚ ਉਹ ਖ਼ੁਦ ਵੀ ਸ਼ਾਮਲ ਹੋਣਗੇ।
